Ertaklar rukniga oid latifalar | 10 dona — 2

Qizil shapkacha o‘rmonda ketayotsa, oldidan bo‘ri chiqib:
— Salom yashil shapkacha, - debdi.
Qizil shapkacha esa:
— Salom, kul rang, daltonik bo‘ri!, - dermish.

— Oq Lexus'lik shahzodani haligacha kutib yuribsanmi?
— Avvalam bor o‘zi yaxshi odam bo‘lsin, Lexus'ining rangi esa menga umuman qiziq emas.

Chol kampirga:
— Bo‘g‘irsoq pishir. Lekin bu safar uni to‘rtburchak qilib pishir. Yana qochib ketmasin, - debdi.

— Ertalab uyg‘onganingda sendan maktab, institut yoki ish? Qaysi biriga borishni xohlashingni so‘rashsa, sen nima degan bo‘larding.
— Men bog‘chaga degan bo‘lardim.

Yigit kutubxonaga kelib kutubxonachi ayoldan so‘rabdi:
— Menga ayolni qadrlash degan kitob kerak edi, shuni topib bersez..
— Fantastika kitoblari chap tarafda...

Bir erkak hushtori bilan restoranda o‘tirsa, yoniga bitta odam kelib:
— Ayolingiz bilan raqsga tushsam maylimi?,- debdi.
— Yo‘q, biz hali sharob ichmadik, - debdi boyagi erkak.
— Kechirasiz, ayolingizni raqsga taklif etsam maylimi?, - debdi yana.
— Yo‘q, biz hali ovqatlanmadik, - deb javob beribdi.
Shunda ayol o‘rnidan turib:
— Nega undan so‘raysiz? O‘zimdan so‘rang!, - desa, ikkala kishi ham baravariga:
— Erkaklar gaplashayotganida sen jim tur!!!, - dermish.

Onasi uyqu oldidan qiziga ertak o‘qib bermoqda:
— Qadim zamonda bir hunarmandning uch o‘g‘li bo‘lgan ekan. To‘ng‘ich o‘g‘li juda dono, o‘rtancha o‘g‘li unchalik ham aqilli emas, kenja o‘g‘li esa umuman tentak bo‘lgan ekan.
Qizaloq:
— Oyijon, hunarmandning sog‘lig‘i borgan sari yomonlashib boravergan ekan-a?
Onasi:
— Nega unaqa deyapsan qizim?
Qizaloq:
— Ana, o‘zingiz o‘qidingiz-ku, farzandlari borgan sari yomonlashib boryapti ekan.

Bir chuvalchangni dumi uzilib yarmi tashqarida qolib ketibdi. Chuvalchang qaytib tashqariga chiqib, o‘zini dumini ko‘rib qolib debdi:
— Salom, tanishsak bo‘ladimi? Bu yerda nima qilib turibsiz?

Bir kishi o‘rmonda adashib qolibdi. Yurib-yurib, o‘rmonning o‘rtasiga kelib qolibdi. Oldidan tovuq oyoqli kulba chiqibdi. “Shu uyda aniq yalmog‘iz yashaydi” debdi o‘ziga-o‘zi. Borib taqqillatsa, husnda tengsiz go‘zal qiz eshikni ochibdi.
— Iye, axir bu uyda yalmog‘iz yashashi kerak emasmi?! – debdi haligi kishi.
Go‘zal qiz bo‘lsa:
— Menman o‘sha yalmog‘iz! Pardoz qilib olgan vaqtimda kelding, - dermish.

Nafaqaga chiqgan boy amaki ov qilgani yo‘l olibdi. Ov qilib yursa, oldidan bir qurbaqa chiqib, tilga kiribdi:
— Meni o‘zingiz bilan olib keting. Uyingizga olib borib, menga bo‘sa hadya etsangiz, men go‘zal qizga aylanaman...
Amaki o‘ylanib turib:
— Mayli uyga olib ketaman. Lekin bo‘sani hayolingdan chiqar! Go‘zal qizlar tiqilib yotibdi. Gapiradigan qurbaqa esa hech kimda yo‘q!

Ertaklar haqida latifalar

Latifa.uz loyihasi haqida

Boshqa loyihalar