Ovqatlanish rukni — Latifa.uz

— Sitro ichdim va yutdim.
— Spark yutdingmi???
— Yo‘q, Sitro shunaqa-yam achchiq, bemaza ekan-ki, zo‘rga yutdim.

Restoranda ovqatlanib o‘tirgan mijoz yoniga ofitsiant yugurib kelib debdi:
— Iltimos, baliqni tezroq yeb tugatsangiz!
Mijoz:
— Nimaga? – debdi hayron bo‘lib.
Ofitsiant:
— Restoranimizga SESdan tekshiruv keldi, - dermish.

"Faqat non bilan odamning qorni to‘ymasa kerak" - deb o‘ylagan oshpaz shashlikga ozgina go‘sht qo‘shib yuboribdi.

Pitseriyada ofitsiant:
— Pitsangizni oltiga bo‘laylikmi yoki sakkizgami?
Xo‘randa:
— E, yo‘g‘-a! Sakkiztani yeya olmayman, to‘yib qolaman. Oltiga bo‘ling!

Bir mijoz restoranga kirib ofitsiantga:
— Janjal bo‘lmasidan menyuni olib kel! – debdi.
Ofitsiant hayron bo‘lib menyuni keltiribdi.
Keyin mijoz har gapida “janjal bo‘lmasidan uni olib kel! Janjal bo‘lmasidan buni olib kel!” deyaveribdi.
Oxiri ofitsiant undan so‘rabdi:
— Nega har gapingizda janjal bo‘lmasidan…! Deyaverasiz. Qachon, nega janjal bo‘ladi? – desa, mijoz:
— Janjalmi? Endi bo‘ladi. Chunki meni to‘lagani pulim yo‘q! – debdi.

Insonlar nega bu ishlarni qilishadi? O‘zlari ham tushunmasalar kerak?!
— Muzlatkichni ochib, hech narsa olmay yopib qo‘yishadi;
— Do‘konga shakar olaman deb borib, bir xalta narsa sotib olishadi-yu, shakar olish esdan chiqadi;
— Yaqinlashib kelayotgan lift tugmasini yana-yam qattiqroq bosishadi;
— Do‘konlarda paketlar pullik bo‘lganini bilishsa ham, “Nega 300 so‘m ortiqcha hisobladingiz?” deb so‘rashadi;
— Batareykasi tugayotgan televizor pultini yana-yam qattiqroq bosishadi.

Bir ayol dugonasiga hasrat qilibdi.
— Voy, dugonajon! Men yaqinda suvarakka aylanib qolsam kerak...
— Nega?
— Erimga “Ozaman” deb so‘z bergandim. Endi faqat kechalari qorong‘u oshxonaga chiqib, berkinib ovqatlanyapman. Kimdir chiroqni yoqsa, o‘zimni qayoqqa qo‘yishni bilmay shoshib har tomonga yugurib qolaman.

Bir talaba yigitga har kuni avtobusda qari kampir yeryong‘oq berar ekan.
Oxiri yigit so‘rabdi:
— Nega har kuni meni yeryong‘oq bilan siylaysiz? Ataylab meni deb sotib olasizmi?
Kampir javob beribdi:
— Yo‘q. Men har kuni Snikers yeyman. Shokoladni ichidan chiqgan yong‘oqlarni tishim yo‘qligi uchun og‘zimda u yoqqa, bu yoqqa olaman-da, chaynab yutolmayman. Keyin shularni senga ilinaman-da bolajonim.

Ikkita sevishgan talabalar oshxona yonidan o‘tib borayotishsa, kabob hidi dimog‘iga urilibdi. Shunda qiz chuqur nafas olib:
— Voy, mazzaligini... – desa, yigiti:
— Senga yoqdimi? – debdi.
Qiz:
— Ha, juda-yam, - desa, yigit:
— Yur, unda yana bir martta oldidan o‘tamiz, - dermish.

Bir o‘g‘ri non do‘koniga o‘g‘rilikka tushganda, qo‘lga olinibdi.
Qamoqda rossa xursand bo‘lib o‘tirsa, yonidagilar so‘rabdi:
— Nega buncha xursandsan?
O‘g‘ri javob beribdi:
— Endi menga o‘zlari non berib boqishadi.

Ovqatlanish haqida latifalar

Latifa.uz loyihasi haqida

Boshqa loyihalar