Erkaklar rukni — Latifa.uz

Kechasi bir qiz arvohlardan qo‘rqib qabriston oldidan o‘tolmay turgan ekan, bir yigit kelib qolibdi.
Qiz:
— Jon aka, meni shu qabristondan o‘tqazib qo‘ying, - debdi.
Yigit: "Ho‘b bo‘ladi", deb qizni zeriktirmay latifalar aytib, kuldirib o‘tqazib qo‘yibdi.
Qiz xursand bo‘lib "siz ajoyib inson ekansiz", desa.
Yigit:
— Eh, siz mani tirikligimda ko‘rganingizda edi, - dermish

Erkakshunos olimlardan biri uzoq yillik ilmiy tajribalaridan so‘ng, erkaklarga quyidagicha ta’rif beradi:
— Erkaklarni yer sharining hamma yerida uchratish mumkin;
— Ular sut emuvchilar oilasiga mansub bo‘lib, asosan, uylanish orqali ko‘payishadi;
— Ichmasa odamlarga deyarlik xujum qilmaydi;
— Go‘sht, tuxum, kolbasa, o‘pka, jigar, buyrak, kalla pochani sevib iste’mol qilishadi. Ba’zan xotinlari pishirgan narsalar bilan ham oziqlanadilar;
— Fe’li o‘zgaruvchan bo‘lib, necha yil umr ko‘rishi xotiniga bog‘liq;
— Eng katta xatosi, xotini borligidadir;
— Erkaklar asosan 4 turga bo‘linadi: semiz, oriq, uzun va kalta.
— Ular soatiga 20-25 km tezlikda harakatlanadilar. Ichib olganda esa soatiga 50 sm tezlik bilan yuradilar;
— 20 yoshgacha bo‘riga, 35 yoshgacha yo‘lbarsga, 40 yoshgacha sherga, 50 yoshgacha ayiqqa, undan keyin esa, musichaga o‘xshab qolishadi...
Eng asosiysi:
... Tabiatda uning yagona kushandasi - xotinidir. Xotinini ko‘rganida tashqi ko‘rinishida qizarish, qaltirash, til aylanmay qolishi, nafas siqishi va telefonidagi smslarni o‘chirishga urinish kabi salbiy holatlar kuzatiladi.

Bir mast odam eski chiroq topib olibdi. Ishqalasa, ichidan jin chiqib:
— Tila tilagingni! Uchta tilagingni bajaraman, - debdi.
Mast odam unga:
—Kel yuzta-yuzta olaylik!
— O‘ylab ko‘r. Bu birinchi tilaging hisobidan ketadi.
— Mayli. Qani oldik.
— Endi ikkinchi tilagingni ayt!
— Yana yuz-yuz quy!
— Hoy inson, yaxshiroq narsa so‘rasang-chi?
— Ey, quy degandan keyin, quyda! Qani oldik.
— Balki uchinchi tilagingga biror nima so‘rarsan!
— Yana yuzta-yuzta olaylik!
— Sen aqldan ozibsan! Bu oxirgi tilaging.
— Mayli, roziman, - deb ichib yuborishibdi.
Jin chiroqqa qaytib kirib ketibdi-yu, besh daqiqadan keyin qaytib chiqib kelib:
— Mayli, to‘rtinchi tilagingni ham tila! Men roziman!, - dermish.

Yangi boylardan biri avtomobil do‘koniga kiribdi.
Sotuvchi:
— Keling, xizmat? Sizga qanday avtomobil kerak?
— Eng zo‘r avtomobil xarid qilmoqchiman.
— Mana Ford Fokus rusumidagi yangi model, -deb maqtab ketibdi sotuvchi.
— Nimasi Fokus ekan buni?!
— O‘tiring marhamat, ko‘rsataman.
Sotuvchi rulga o‘tirib, avtomobilni juda katta tezlikda haydabdi.
— Hoy to‘xtat, axir daraxt turibdi ro‘parada, -deb baqiribdi yangi boy.
— Havotir olmang, ko‘zingizni yuming, hozir fokus ko‘rasiz, -debdi-da, boy ko‘zini yumgach, daraxtni yonidan aylanib o‘tibdi.
— Yangi boy xayratlanib, avtomobilni sotib olibdi.
Uyga kelgach, barchaga fokus ko‘rsatmoqchi bo‘lib, avtomobilga o‘tirishlarini aytibdi.
— Endi hamma ko‘zlarini yumsin, biz hozir mana shu daraxt orasidan o‘tib ketamiz, bu fokus, -debdi.
Yangi boy avtomobilni chunonam tez haydabdi-ki, ular ulkan daraxtga borib zarb bilan urilibdi. Pachoqlangan avtomobil ichidan yangi boyning zo‘rg‘a ovozi eshitilibdi:
— Ming la’nat, qaysi biring ko‘zingni yummaganding?!

Ovchi yigit ovdan katta ayiq bilan qaytayotsa, qo‘shnisi ko‘rib qolib, so‘rabdi:
— Hormang qo‘shni! Ov zo‘r bo‘pti-ku!
— Ha, miltig‘imda uch dona o‘q bor edi. Birinchisini otdim, tegmadi. Ikkinchisini otdim tegmadi. Uchinchisi ham...
— Unda ayiqni qanday o‘ldirdingiz?
— Ayiq meni miltiqdan otishimni ko‘rib, kulaverib o‘lib qoldi.

Samoda uchayotdan samolyot to‘satdan qulay boshlabdi. Bortdagilarning hammasi parashyutlarda sakrab qolibdi. Faqatgina bitta styuardessa samolyot bilan birga kimsasiz orolga tushibdi. Qiz qo‘rquvdan hushidan ketibdi-yu, o‘ziga kelgach ko‘zlarini ochib qarasa, soch-soqollari o‘sgan bir kishi olovda go‘sht pishirib o‘tirganmush.
— Siz kimsiz? Bu yerga qanday kelib qoldingiz?, - debdi styuardessa.
— Jinoyatchiman. O‘n besh yil oldin jinoyatlarim uchun shu yerga tashlab ketishgan. Jazolashmoqchi edi, mazza qilib go‘shtxo‘rlik qilib yuribman, - debdi haligi odam.
— Menga ham go‘shtdan bering.
— Buni evaziga nima berasan?
— Siz o‘n besh yildan buyon sog‘ingan narsani...
Haligi kishi xursandchilikdan o‘rnidan sakrab turib, qizni quchoqlab olibdi-da:
— Nahotki, nahotki bu yerga NOS olib kelgan bo‘lsang, - dermish.

Bir yigit ko‘chadagi tilanchiga har kuni pul berib o‘tar ekan. Kuni kelib o‘sha yigit uylanibdi.
Tilanchiga pul bermay qo‘yibdi. Oradan ozroq vaqt o‘tib, tilanchi yigitni ko‘rib qolibdi-da:
— Nima bo‘ldi? Nega pul berib o‘tmaydigan bo‘lib ketding? - desa, yigit:
— Uylanib, ro‘zg‘ordan ortmay qoldi, - debdi.
Tilanchini jahli chiqib:
— Nima, oilangni mani hisobimdan boqasanmi?!?!

Bir yigit har kuni ko‘chadagi lo‘liga pul berib turarkan.
Oradan vaqtlar o‘tib, yigit lo‘lini yonidan pul bermay o‘tib keta boshlabdi.
Bir kuni lo‘li yigitni to‘xtatib:
— Nima uchun menga pul bermay qo‘yding? – dyesa, yigit:
— Uylandim. Oila tashvishi tushdi boshimga. Shunga... - debdi.
Lo‘li g‘azabga to‘lib:
— Nima, sen oilangni meni hisobimdan boqasanmi? – degan ekan.

Mast holda kelgan er sekin eshikni ochib, yotoqqa kirib, yechinib, yotishi bilan, yonidagi ayol baqiribdi:
— Yana ichib keldingizmi?
— Qayerdan bilding?
— Siz ro‘paradagi qo‘shnimsiz-ku! Yo‘qoling uyingizga!

Xotini:
— Men ayolman! Kir yuvish mashinasi emas!
Eri:
— Yo‘g‘-ye, buni qara-ya! Men ham odamman, bankomat emasman!

Erkaklar haqida latifalar

Latifa.uz loyihasi haqida

Boshqa loyihalar