Tilaklar rukni — Latifa.uz

O‘zbek, qozoq, qirg‘iz dalada shashlik qilib o‘tirishsa, dev kelib qolibdi.
— Hozir uchchalangni ham yeyman. Faqat kimdan boshlashni aniqlab olishim uchun, hozir anavi ko‘rinib turgan tepalikka yugurib borib, orqaga qaytasizlar. Kim oxiri qaytsa, yeyishni o‘shandan boshlayman, - debdi.
Uchchalasi yugurib ketibdi. Birinchi qozoq, ikkinchi bo‘lib qirg‘iz qaytib kelibdi.
Dev:
— Demak, birinchi o‘zbekdan boshlar ekanman, - desa, qirg‘iz devga qarab:
— O‘zbek kelmasa kerak. Tepalikni orqasiga o‘tib, uyiga ketvardi, - dermish.

Bir yigitni sehrgar sehrlab qo‘yibdi. U bir yilda faqat bitta so‘z ayta olar ekan. O‘sha yigit chiroyli qizni sevib qolibdi. Unga "Men sizni sevaman" deyish uchun 3 yil hech kimga gapirmay so‘z yig‘ibdi. Vaqti kelib, uch yil o‘tib, yigit qizni yoniga kelib hayajon bilan:
— Men sizni sevaman, - debdi.
Shunda qiz sochlarini orasidan ko‘rinib turgan naushniklarni qulog‘idan chiqarib:
— A-a-a. . .!? - degan ekan.

Bir yigit sehrli chiroqni topib olibdi-da, uni ishqalabdi. Shu payt ichidan jin chiqib:
— Tila tilagingni..., - debdi.
Yigit ham shoshilib qolib:
— Tinch okeani ustidan o‘tadigan ko‘prik qurib ber!, - deb yuboribdi.
— Esing joyidami?! U okean bo‘lsa... O‘zingga foydaliroq narsani so‘rasang-chi, - desa, yigit:
— Dunyodagi barcha ayollarni javramaydigan qilib qo‘y!, - debdi.
Jin ham o‘ylanib turib:
— Qayerga ko‘prik qurish kerak edi...?, - dermish.

Ko‘zi ojiz chol dengizdan tilla baliq tutib olibdi.
Shu zahoti baliq tilga kirib debdi:
— Tila tilaging! Istagan 1 ta tilagingni bajaraman...
Shunda chol o‘ylanib turib:
— Meni chevaralarim hovlimda olmos toshlarni o‘ynab o‘tirganini uyimning 7-qavatida turib tomosha qilishni istayman.

Bir kuni jin uch kishini ushlab olibdi. Xitoylik, hind va o‘zbek. Uchchalasiga shart qo‘yibdi. "Xoxlagan narsangiz bilan o‘zingizni himoya qiling. Men mushtum bilan uraman". Birinchi bo‘lib xitoylik o‘rtaga chiqibdi.
Jin: O‘zingni nima bilan himoya qilasan?
Xitoylik: Buyuk Xitoy devori bilan.
Jin bir urishda Xitoy devorini parchalab ikkinchi urishda xitoyni urib o‘ldiribdi.
Navbat hindga kelibdi. Hind yoga usullaridan foydalanib allanima bir holatda o‘tiribdi. Jin uraveribdi, uraveribdi. Hindga xech narsa qilmabdi. Oxiri charchagan jin o‘zbekdan so‘rabdi:
— Sen nima bilan himoyalanasan?
— Hind bilan.

Bir boyning kambag‘al qo‘shnisi bor ekan. Bir kuni boy kambag‘al qo‘shnisini devoridan mo‘ralasa, kambag‘al ko‘zani silabdi. Ichidan jin chiqibdi-yu, — Amringizga muntazirman, - debdi.
Kambag‘al qo‘shnisi jinga qarab:
— Bitta choy damlab kel!, - desa, zum o‘tmay jin choynakda choy olib kelibdi.
Buni ko‘rgan boy yugurib chiqib qo‘shnisiga:
— Shu ko‘zani menga sot! Istagan pulingni beraman, - deb yolvoribdi. Kambag‘al boyni hamma pullarini, uyini, xazinasini olib, ko‘zani unga beribdi.
Boy xursand bo‘lib, eski kulbaga kiribdi-da, ko‘zani silabdi:
— Amringizga muntazirman, - deb chiqibdi jin ichidan.
— Menga katta saroy, behisob tilla ber!, - desa, jin:
— Buni iloji yo‘q. Chunki men faqat choy damlashni bilaman, - dermish.

Bir odam sehrli chiroq topib olibdi ichidan jin chiqib tila tilagingni, - desa.
— Er bo‘lish jonga tegdi ertalabdan kechgacha eshakday ishlaysan xotinim uyda mazza qilib o‘tiradi mani ishlaganimni ko‘rmiydi qadrimga yetmiydi. Kel meni xotinimni o‘rniga, xotinimni mani o‘rnimga almashtirib qo‘y bir qadrimga yetsin, - debdi.
Jin:
— Xo‘p, bo‘ladi, - debdi.
Ertalab turib qarasa xotini bilan joyi almashib qolibdi. Xotini ishga ketibdi.
Akamiz esa ertalabdan hovli supuribdi, kir yuvibdi, bollarni bog‘chaga oborib olib kelibdi. Ovqat qilibdi, uni ustiga xotini ishdan kelib akamizdan ayb topib urishibdi. Shu tarzda bir oy o‘tibdi. Oxiri joniga tegib Jinga aytibdi:
— Jin, meni o‘z xolimga qaytar. Xotinlarga ham oson emas ekan, - desa.
— Jin bu xali xolva, buni iloji yo‘q endi, kech debdi,
Akamiz:
— Iyeye, nega iloji yo‘q? Nega kech? - desa.
Jin akamizga qarab:
— Siz homiladorsiz, - dermish.

Bir kuni Axmadboy baliq oviga boribdi. Qarmogʻiga tilla baliq ilinibdi.
— Tila tilagingni! 3 ta tilagingni bajo keltiraman! – desa, Axmadboy:
— Sen shu 3 ta tilakni bajarish qobiliyatingni menga berib turgin! Kelgusi yil 6 ta qilib qaytaraman... – degan ekan.

Kunlarning birida chol baliq ovlab o‘tirib, oltin baliqni ushlab olibdi.
— Tila tilagingni! Hammasini bajo keltiraman. Faqat meni qo‘yib yubor...!
Chol debdi:
— Meni uch tilagim bor. Shular qachon amalga oshsa, seni dengizga qo‘yib yuboraman.
1. Qachonki bu ahmoqlar so‘nggi rusumdagi iPhone va dang‘illama to‘ylar qilish uchun kreditlar olishni bas qilsa!
2. Qachonki ayrim rahbarlar yolg‘on gapirishni bas qilsa!
3. Qachonki kollej o‘quvchilari uyda unutib qoldirgan telefoni uchun yarim yo‘ldan orqaga qaytishni bas qilsa!
Rangi oqarib ketgan baliq cholga qarab:
— Meni tushlikka yemoqchimidingiz? - dermish.

Bir odam tilla baliq tutib olib, debdi:
— Mashina va uy xohlayman!
Baliq:
— Arendami yoki davlatdan kreditmi?
Haligi odam:
— Paxta yog‘ida qovuraymi yoki pista yog‘idami? Tanla!

Tilaklar haqida latifalar

Latifa.uz loyihasi haqida

Boshqa loyihalar