Ertaklar rukniga oid latifalar | 10 dona — 4

Xotin eridan so‘rayapti:
— Azizim,Romeo Julettani sevgandek seva olasizmi meni?
— Bilmayman. O‘qimaganman!
— Otello Dezdemonani rashk qilganidek, meni rashk qila olasizmi?
— Bilmayman. O‘qimaganman! - to‘ng‘illab javob beribdi er va debdi:
— Agar ko‘p savol beraversang, bo‘g‘irsoqqa o‘xshab sendan qochib ketaman.

Bir bola dengiz bo‘yida yursa qirg‘oqqa oltin baliq chiqib qolibdi. Yigit shoshilib baliqni qo‘liga olib tilagini aytaman deb tursa baliq tilga kiribdi.
— Ha, tilak so‘ramoqchimisan - desa
Yigit:
— Ha desa,
Baliq:
— Befoyda man oltin baliqmasman, sariq kasal bo‘lib qoganman - debdi.

Bir kuni Xoshimjon sehrli qalpoqchaga qarab o‘pkalanib:
— Seni kiyib Amerika ochmoqchi bo‘libman-a. Ee, qo‘ye-ye, - desa
Sehrli qalpoqcha ham bo‘sh kelmay:
— Men ham meni Amerika ochadigan kalla kiyadi, deb o‘ylapman-a, e, bor-yeye, - dermish.

Sher chuqurga yiqilib tushib, undan chiqa olmayapti.
Daraxtda esa, maymun sakrab:
— Ajab bo‘libdi, battar bo‘lgin. E, la’nati mushuk. Endi seni changalingdan tumor, tishlaringdan esa suvenir yasab, po‘stingni esa bo‘yra qilishadi..., - deb masxara qilayotgan ekan, birdan sakrayotgan shoxi sinib, maymun sherni oldiga yiqilib tushibdi:
— Podshoxim, hatto ishonmaysiz ham, sizdan kechirim so‘rash uchun oldingizga tushdim...

Yangi yilda yigitining oldiga ketayotgan qiz "qorqiz bo‘lib boraman", deb magazinga kiribdi.
— Qorqizning kiyimi qancha turadi?
— 500 000 ming.
— Qimmat ekan. "Zolushkaning" kiyimi qancha turadi?
— 800 000 ming.
— Qimmat ekan, anuv yalmog‘iz kampir kiyimi qancha turadi?
— U kiyim emas, oyna.

Sirk direktorining telefoni jiringlabdi.
— Allo, sizlarga gapiradigan ot kerakmi?
Direktor jahli chiqib telefonni qo‘yibdi. Telefon yana jringlarmish:
— Allo, sizlarga gapiradigan ot kerakmi?
Direktor yana trubkani qo‘yib qo‘yibdi. Yana qo‘ng‘iroq:
— Menga qara noinsof! Menga tuyoqlarim bilan raqam terish oson deb o‘ylayapsanmi?

Bir hayolparast yerga qarab, hayol surib ketayotsa, boshi qars etib simyog‘ochga urilibdi. Qarasa, simyog‘ochga shunday deb yozib qo‘yilgan ekan:
"Simyog‘och tepasidagi tugunda bir million pul bor. Olsang, seniki! Agar ololmay, yiqilib tushsang, ovozing ayol kishini ovoziga aylanib qoladi.
Hayolparast kishi ololmay yiqilib tushibdi-yu, rostdan ham ovozi ayol kishinikiga o‘xshab qolibdi.
Hafa bo‘lib tursa, nariroqda bir erkak kelib qiz bolani tovushida:
— Ololmasangiz, nima qilardingiz chiqib? - dermish.

Tuyani besh kun suv ichmasdan yashashiga ishonmagan baliq, tuyaga minib, cho‘lga yo‘l olibdi...

Oddiy baliq tilla baliqqa turmushga chiqibdi.
— Endi bizni baliqchalarimiz tilla bo‘lishadimi? – so‘rabdi oddiy baliq erkak baliqdan.
— Yo‘q, - debdi tilla baliq.
— Nega axir? Siz tilla baliqsiz-ku?! – desa, erkak baliq:
— Chunki meni onam tilla baliq bo‘lgan edi, otam emas, - degan ekan.

Poyezdda ketayotgan erkak chekish uchun yo‘lakka chiqibdi. Bir payt qarasa, poyezd relsdan chiqib, o‘rmon tomonga yurib va yana relsga qaytayotgan emish. Ko‘zlariga ishonmasdan mashinistni oldiga yugurib borib:
— Nima qilyapsiz?, - debdi haligi odam.
Mashinist esa:
— Poyezd relsida bir yigit o‘tirgan ekan. Shu yigitni quvladim, - debdi xotirjam.
— Xo‘sh, qochib ketdimi? - qiziqib so‘rabdi yo‘lovchi erkak.
— Yo‘q, o‘rmonga kirmasidan yetvoldim. Keyin ortimga qaytdim, - dermish mashinist.

Ertaklar haqida latifalar

Latifa.uz loyihasi haqida

Boshqa loyihalar