Boshliqlar rukniga oid latifalar | 10 dona — 3

Boshliq ishga yangi kotiba olibdi. Uyga kelsa, xotini rashk bilan so‘rabdi:
— Xo‘sh, yangi kotibangizni oyoqlari qanaqa ekan?
Eri:
— Bilmadim, - debdi.
Xotini yana so‘rabdi:
— Ko‘zlari qanaqa ekan?
— E’tibor bermadim.
— Loaqal qanaqa kiyinarkan?
— Ko‘rdim. Juda tez kiyinar ekan!

Bir deputat ikkinchisidan so‘rayapti:
— Nega xalq bizni bunchalik yomon ko‘radi?
Ikkinchisi:
— Men ham hayronman...! Axir bizlar deyarli hech narsa qilmaymiz-ku!

Uch yigit harbiy bilim yurtini bitirib, xizmatga kelishibdi. Polkovnikni yoniga kirib debdi:
— O‘rtoq polkovnik xizmatni davom ettirishimiz uchun ixtiyoringizga keldik. Polkovnik uchchalasiga qarab:
— Mayli, sizlarga uchta savol beraman. 2 soat ichida javobini aytasizlar. Birinchisi - ayollarga munasabatiz? Ikkinchisi - ichkilikka munosabatingiz. Uchinchisi - xizmatga munosabatingiz. Shu savollarga javob kutaman, - deb chiqarvoribdi.
2 soatdan keyin birinchisi kirib:
— O‘rtoq polkovnik, men ayolimga xiyonat qilmayman, ichkilik ichmayman, xizmat qilishni xohlayman, - debdi.
Polkovnik:
— Barakalla! Sen rota komandiri bo‘lasan, - debdi. Ikkinchisi kirib:
— O‘rtoq polkovnik men ichaman, xotinimga xiyonat qilaman, xizmat qilishni xohlamayman, - debdi. Polkovnik:
— Ha mayli, sen omborda ishlaysan, - debdi. Uchinchisi kirib:
— O‘rtoq polkovnik, aroq va qiz mashinada... Yana qanday xizmat buyurasiz, - debdi. Polkovnik bolani ko‘ziga qarab turib, telfonini olib, qo‘ng‘iroq qilibdi.
— Allo, xotin bugun uyga kechroq boraman. Yangi yordamchimga ob’ektlarni ko‘rsatib chiqaman, - dermish.

Harbiy okrug shtabidan tashrif buyurgan tekshiruvchiga uch nafar askar tanishtirilmoqda. Ulardan ikki nafari baquvvat davangir bo‘lsa, uchinchisi qiltillagan, past bo‘yli askar.
Praporshik:
— Mana bu uchalasi harbiy qismimizning eng sara bo‘linmamiz sanaladi. Biror narsa yuz beradigan bo‘lsa, shu zahoti ularni oldingi marraga yuboramiz.
Tekshiruvchi birinchi askardan so‘rayapti:
— Sen kimsan?
— Oddiy askar Ivanov, erkin kurash va boks bo‘yicha sport ustasi.
— Barakalla, azamat! Sen-chi, sen kimsan? - so‘radi tekshiruvchi ikkinchi askardan.
— Oddiy askar Petrov, karate bo‘yicha qora belbog‘ sohibi, shuningdek, bir qator sharqiy yakkakurash turlarini tasarruf etganman.
— Barakalla, polvon! Xo‘sh, - murojaat qildi u, uchinchi, eng nimjon askarga mensimagan ohangda:
— Sen-chi, sen kim bo‘lasan?
— Oddiy askar Sidorov, shaxmat bo‘yicha sport ustasi. Mana bu ikkala qovoqboshga komandirlik qilaman!

Firma direktori o‘zi sotadigan mol savdosi haqidagi e’longa ko‘zi tushibdi. Qarasa, narxi arzonrok ekan. Telefon qilishga qaror qilibdi.
Natijada, o‘z ombori qorovulining ovozini tanib qolibdi.

— Sizni bo‘limingizda nechta xodim ishlaydi?
— Rahbar bilan o‘n ikkita.
— Rahbarsiz-chi?
— Birortasi-yam ishlamaydi.

Putin Rossiya yo‘llarida 120 km/s tezlik bilan ketayotgan vaqt, undan oldinda 200 km/s tezlikda asfalt yotqizuvchi mashinalar ketib borar edi.

Ikkita korxonaning rahbarlari gaplashib o‘tirishgan ekan.
— Men ishchilarimga ikki oydan beri maosh bermasam ham ishga kelaverishadi, - debdi birinchisi.
— Men esa uch oydan beri ishchilarimga umuman oylik bermayapman. Baribir hammasi kelaveradi. Endi ishga kelishni ham pullik qilib qo‘ymoqchiman, - dermish ikkinchisi.

Kunlarning birida chol baliq ovlab o‘tirib, oltin baliqni ushlab olibdi.
— Tila tilagingni! Hammasini bajo keltiraman. Faqat meni qo‘yib yubor...!
Chol debdi:
— Meni uch tilagim bor. Shular qachon amalga oshsa, seni dengizga qo‘yib yuboraman.
1. Qachonki bu ahmoqlar so‘nggi rusumdagi iPhone va dang‘illama to‘ylar qilish uchun kreditlar olishni bas qilsa!
2. Qachonki ayrim rahbarlar yolg‘on gapirishni bas qilsa!
3. Qachonki kollej o‘quvchilari uyda unutib qoldirgan telefoni uchun yarim yo‘ldan orqaga qaytishni bas qilsa!
Rangi oqarib ketgan baliq cholga qarab:
— Meni tushlikka yemoqchimidingiz? - dermish.

— Menga juda kuchli budilnik kerak.
— O, ayni vaqtida keldingiz. Bizda zo‘ri bor. Avval o‘t o‘chiruvchilarning sirenasi chalinadi, uning ortidan artilleriya ovozlari eshitiladi. Bu ham foyda bermasa, ustingizga bir chelak sovuq suv sepadi. Shundan keyin ham o‘rningizdan turmay yotaversangiz o‘zi ishxonangizga qo‘ng‘iroq qilib, sizning kasal bo‘lganingizni bildirib qo‘yadi.
— Kuchsizlik qilmasmikan?..
— Yana bittasi bor. Yuqoridagilarni bajarganidan keyin ham uyg‘onmasangiz, go‘rkov bilan domlani ham qidirib topib keladi.

Boshliqlar haqida latifalar

Latifa.uz loyihasi haqida

Boshqa loyihalar