Boshliqlar rukniga oid latifalar | 10 dona — 5

Yosh o‘qituvchi sinfga kirib kelib:
— Salom bolajonlar, - desa, sinfdagi bolalar bir ovozdan:
— Yo‘qol, chiqib ket! - deb baqirishibdi.
Qo‘rqib ketgan yosh o‘qituvchi direktor xonasiga yugurib kirib, vaziyatni tushuntirsa, direktor:
— Bu sinf o‘quvchilariga avval "qarmoq" tashlab ilintirib olish kerak. keyin dars boshlaysiz. Yuring ko‘rsataman, - deb sinf eshigini tepib kiribdi-da:
— Orangizda kim globusni koptok qilib o‘ynay oladi? - so‘rabdi.
O‘quvchilar:
— Globus nima o‘zi? - deyishibdi.
— Globus haqida yangi o‘qituvchingiz gapirib beradi, - degan ekan.

Taksida ketayotsam, haydovchi mamnun ohangda menga gap boshladi:
— O‘z kasbimdan mamnunman. O‘zimga-o‘zim xo‘jayin. Hech kim menga buyruq bermaydi.
Shu vaqt haydovchini gapini bo‘ldim-da:
— Chorrahadan o‘ngga qayriling! - dedim.

Ikkita hamkasblar kechki payt ishdan chiqishibdi. Birinchisi debdi:
— Bitta iltimosim bor, hozir boshlig‘imiz ishdan chiqadi. Sen uni haydovchisisan-ku! Mashina buzilgan deb biroz shu yerda uni ushlab turgin. Bugun boshlig‘imizni qizi bilan uchrashmoqchi edim, - debdi.
Haydovchi istar-istamas zo‘rg‘a rozi bo‘libdi.
Boshliq ishdan chiqib:
— Qani ketdik-mi?! - desa, haydovchi:
— Mashina negadir o‘t olmayapti!? - deb bahona qilib, ancha vaqtgacha ushlab turibdi. Buni sezgan rahbar:
— Nega meni aldayapsan? To‘g‘risini ayt! Aks holda ishdan bo‘shataman! - deb baqira ketibdi.
Boshqa chorasi qolmagan haydovchi bor gapni aytib beribdi. Shu yerda ishlaydigan do‘sti uning qizi bilan uchrashmoqchi ekanini, shunga u mashina buzildi deb, bahona qilganini aytsa, boshliq xoxolab kulib:
— Laqma ekansan-ku! Meni umuman qizim yo‘q. Undan ko‘ra uyingga borib o‘zingni qizingdan xabar ol!!! - degan ekan.

Bir korxona rahbari xorijga safarga boribdi. Qaytib kelgach, korxonadagilarga safari to‘g‘risida gapirib berayotgan ekan, ishchilardan biri so‘rabdi:
— U yerdagilar ham o‘zbekcha gapirar ekanmi?
Rahbar o‘ylanib turib:
— Unisini bilmadim-u, lekin o‘zbekcha qarsak chalar ekan, - dermish.

Ofisda o‘tirgan kotibaga boshliq ichkari xonadan baqiribdi:
— Dilya, qog‘oz olib kiring, tez!
Shoshib qolgan kotiba:
— A4 danmi, A3 danmi?
Boshliq
— Elma dan olib kiring! Hojatxonadaman!

Puli ko‘plar qo‘llaridagi ayfonlarida ko‘chadan pokemonlarni qidirib yurishadi. Ko‘chadagi bezorilar esa ayfonlilarni "ovlab" yurishadi. Militsiya esa bezorilarni ushlashadi. Mana shunaqa band aholi hukumatni umuman bezovta qilmayapti.

Boshliqni yoniga kirgan kotiba debdi:
— Korxonamiz hisobidan menga isitgich olib berilsa, moliyaviy ahvolimiz yomonlashib qolmaydimi?
Boshliq:
— Yo‘q, albatta.
Kotiba:
— Unda menga mo‘ynali palto olib berishlarini buyursangiz...!

Neft bazasi direktori haydovchisidan:
— Mashinada benzin bormi? - deya so‘rabdi.
Haydovchi:
— Bak to‘la - deb javob beribdi.
Direktor hayron bo‘lib:
— Qiziq, nega bo‘lmasa odamlar benzin yo‘q, deya shov-shuv ko‘tarib yurishibdi?!

— Allo, boshlig‘ingiz bilan gaplashmoqchiman.
— Boshliq bandlar
— Axir men xotiniman...
— Hamma ayollar xotiniman deb, telefon qiladi.

Qamoqxona boshlig‘i soqchiga debdi:
— Hamma yoqni tartibga keltiring! Bu yerga hokim kelyapti.
Soqchi xursand bo‘lib:
— Vanihoyat, oxiri qo‘lga tushibdi-da, ...

Boshliqlar haqida latifalar

Latifa.uz loyihasi haqida

Boshqa loyihalar