Uddaburonlar rukniga oid latifalar | 10 dona — 40

Qiz voyenkomat eshigi yonida yig‘lab tursa, komandir chiqib:
— Yigitingni armiyaga olib ketishdimi? - debdi.
— Ha, uchchalasini baravar olib ketdi, - debdi qiz.

Er o‘zining sevimli mashinasi va xotini to‘g‘risida doim bir xil fikr bildiradi:
— Oxirgi payt juda ko‘p "kasali"chiqvatti.
— Birinchi qo‘l menman!
— Shoshib turganingda nuqul bir qiliq chiqaradi.
— Yili eskirib qoldi, yangisiga almashtirib olishim kerak.

To‘y kuni kelin kuyovbolaga debdi:
— Bizni uchta farzandimiz bo‘ladi!
— Nega bunchalik aniq gapiryapsiz? - so‘rabdi kuyov.
— Aniq bilaman. Chunki ular hozir onamnikida yashab turibdi. To‘ydan keyin olib kelaman.

Bir kuni afandi eshagini ustiga og‘ir yuk qo‘yib ketayotsa, eshagiga rahmi kelibdi.
Keyin yukni o‘zini yelkasiga ilib, o‘zi eshakni ustiga o‘tirib ketgan ekan.

Bir kuni afandi to‘yga boribdi.
Qaytishda to‘y egalari kazo-kazolarga chiroyli to‘nlar kiydirishibdi. Afandiga esa eshakni po‘stinini beribdi.
Shunda afandi hammaga eshittirib debdi:
— Ko‘rdingizmi, sizlarga to‘n kiydirishdi. Menga esa o‘zlarini kiyimlaridan had qilishdi!

Imtihonga kirgan talaba bitta biletni olib joyiga qo‘yib qo‘yibdi.
Uzoqdan kuzatib o‘tirgan professor:
— Nega biletni qaytarib qo‘ydingiz? - debdi.
— 13 bilet ekan. Men irimchiman. Xosiyatsiz raqamli biletni olishni istamadim, - debdi talaba.
— Irim-sirimlarga ishonmang. 13-raqamli biletga ham yaxshi javob bersa bo‘ladi, - debdi professor va talabaga 13-biletni topib beribdi.
Talaba hamma savollarga javob berib "5" baho olib tashqariga chiqibdi.
Do‘stlari "Nima bo‘ldi?" deyishsa, talaba:
— O‘zi faqat 13-biletni savollariga tayyorlangan edim. Professorni laqqa tushirdim, - degan ekan.

— Azizim, to‘ydan oldin meni taksida olib yurardingiz. Endi esa metroda yuribmiz...
— Chunki sen bilan faxrlanaman. Taksida seni 1 ta odam ko‘radi. Metroda yuzlab odamlar ko‘radi.

Barzangi yigit qo‘lida tayoq bilan sartaroshxonaga kirib debdi:
— Sochimni zo‘r qilib kaltalatib qo‘y! Agar sal noto‘g‘ri kesadigan bo‘lsang, shu tayog‘imdan kaltak yeysan!
Sartarosh yigitni sochini chiroyli qilib kaltalatib qo‘yibdi.
— Qo‘rqib ketmadingmi tayog‘imni ko‘rib, - desa, sartarosh:
— Nega qo‘rqaman?! Tomog‘ingni yonida meni ustaram turganda! - degan ekan.

Dugonam bilan uni uyida kechgacha gaplashib o‘tirdik.
Hech qanday ish qilmadi. Eri ishdan kelishiga yarim soat qolganda muzlatgichdan do‘kondan xarid qilgan tayyor chuchvarani oldi-da, oshxonadagi stolga ozgina un sepib chuchvaralarni terib chiqdi.
Birozdan keyin eri ishdan qaytdi.
"Azizim! Siz yaxshi ko‘rgan chuchvarani tugib qo‘ydim. Hozir pishiraman!" - desa bo‘ladimi...?!
Kim aytdi sizga uyda o‘tirgan ayollar ko‘p ish qiladi deb? Unda bu nimasi?!

Gadoy birovni eshigini taqillatsa, uy egasi chiqib:
— Biroz yirtiq kiyimlarim bor, shuni senga beraman, - debdi.
Gadoy bo‘lsa:
— Men sal turib kelaman, yirtiq joylarini tikib qo‘ysangiz...! - dermish.

Uddaburonlar haqida latifalar

Latifa.uz loyihasi haqida

Boshqa loyihalar