Transportda rukniga oid latifalar | 10 dona — 4

— Behuda kutyapsan, bolam. Bu avtobus faqat bayram kunlari yuradi, - dedi kampir bekatda turgan o‘smirga.
— Bugun mening tug‘ilgan kunim, - dermish bola ham...

— Oyijon, avtobusda bir ayolga joy berayotgan edim, u menga konfet uzatdi.
— Sen-chi, nima qilding?
— Konfetni olib, yana o‘rnimga o‘tirib oldim.
— Nega?
— Boshqasidan ham konfet olishim kerak-ku!

Yangi o‘zbek tramvayga chiqib haydovchiga:
— Amir Temur mahallasiga, - debdi.
Haydovchi:
— Aka, bu taksimas! - desa, haligi odam cho‘ntagidan bir talay pul chiqarib beribdi.
Shunda haydovchi sheriklarini chaqirib, relslarni qo‘yib, tramvayda Amir Temur mahallasiga boribdi.
Yangi o‘zbek, - Rahmat, - deb tushayotganda, haydovchi so‘rabdi:
— Aka, pulingiz bor ekan, uyingiz ham qasrday ekan. Nimaga bu ko‘chalaringiz rasvo, hamma yoq kovlangan, - debdi.
Shunda yangi o‘zbek:
— Ha uka, bu chuqurlarga e’tibor berma! Kecha uyga metroda kelgandim, - dermish.

Avtobus o‘rindig‘ida qo‘liga qadah bilan aroq shishasini ushlab o‘tirgan mast yo‘lovchini yoniga chiptachi ayol kelib debdi:
— Yo‘l haqi uchun qani?!
Mast odam birdan xursand bo‘lib:
— Ana! Topdim! Yo‘l haqi uchun, mana oldik! – deb qadahdagi aroqni ichib yuboribdi.

Qari chol aerodromga kelib uchuvchiga:
— Iltimos, meni kampirim bilan samolyotingda uchirib kelgin.
— Buni iloji yo‘q!
— Yo‘q dema bolam. Shu yoshga kirib, hali biror marta-yam osmonda uchmaganmiz. Samolyotga chiqish orzuimiz bor!
Uchuvchi rozi bo‘lib, chol va kampirni samolyotga chiqaribdi-da debdi:
— Faqat bitta shartim bor otaxon, agar baqirsangiz shu zahoti yerga qaytamiz.
— Xo‘p, baqirmayman, - debdi chol.
Samolyot havoga ko‘tarilibdi. Uchuvchi bor mahoratini ko‘rsatib, eng yuqori balandlikka chiqibdi. Tepaga , so‘ng zudlik bilan pastga sho‘ng‘ibdi, bir tomonga qayrilib uchibdi. Samolyotni charxpalak singari aylantirib tashlasa ham, chol-kampir indamasmish.
Yerga qo‘ngach, uchuvchi cholga qarab:
— Ha otaxon, qo‘rqmadingizmi? Rostini ayting, baqirib yuboray dedingizmi?, - desa, chol:
— To‘g‘risini aytganda, kampirim samolyotingdan tushib ketganda sal baqirib yuboray dedim bolam, - degan ekan.

Afrosiyob poyezdida Buxoroga ketayotgan yo‘lovchi yoniga nazoratchi kelib debdi:
— Sizni biletingiz oddiy poyezd uchun. Bu - tezyurar poyezd. Marhamat qilib qo‘shimcha to‘lov qilsangiz!
Yo‘lovchi pinagini buzmay:
— Men shoshilayotganim yo‘q. Mashinistga ayting, sekinroq ketaversin!!!

Vokzal oshxonasida ovqatlanayotgan bir xo‘randa:
— Ofitsiant, meni ovqatimni nega buncha kam suzdingiz?
Ofitsiant:
— Poyezdingizdan kechga qolmang dedik-da...

Ikki kampir poyezdda ketayotib gaplashib qolishibdi:
— Siz qayerga ketyapsiz, o‘rgilay?
— Namanganga. Siz-chi?
— Andijonga.
— Zamonimdan o‘rgilay! Bitta poyezdda ikkita joyga borsa-yam bo‘ladi-ya...

Mini yubka kiyib olgan bir qiz avtobus zinasiga chiqa olmayapti, oyog‘ini ko‘tarsa, yubka torlik qilayotgan ekan. Keyin yubkasini orqa tugmasidan birini yechibdi-da, chiqmoqchi bo‘lgan ekan, uddalay olmabdi, keyin yana bittasini yechibdi. Baribir chiqa olmabdi.
Keyin uchinchisini ham yechgan ekan, orqada turgan bir yigit uni belidan ko‘tarib, avtobusga otib yuboribdi.
Shunda qiz:
— Hov shilqim, hammani oldida meni belimdan ushlashga uyalmaysanmi, — desa
Yigit:
— O‘zing meni shimimni tugmalarini yechishga uyalmaysanmi, — dermish

“Har kuni qo‘limdan jaraq-jaraq pul arimasin!” deb duo qilavergan yigit avtobusga chiptachi bo‘lib ishga kiribdi.

Transportda haqida latifalar

Latifa.uz loyihasi haqida

Boshqa loyihalar