Transportda rukniga oid latifalar | 10 dona — 5

Bir akaxon Damasda kirakashlik qilarkan. Yo‘l chetida odam olib tursa, bir yigit kelib haydovchiga debdi:
— Aka, meniyam olib keting, iltimos. Shoshilyapman, qolib ketmay!
— Oltita odam oldim. Yettinchini ololmayman. GAI xodimlari "peregruz" deb jarima yozishadi, - debdi haydovchi.
— Iltimos, 5000 beraman.
— Yo‘q!
— 50 000 beraman, - debdi yigit.
Bu gapni eshitgan haydovchi mashinadan tushib:
— Keling, o‘rnimga o‘tiring! Hech narsaga tegmang. Faqat rulni ushlab o‘tiring. Men mashinani itarib ketaman, - dermish.

Poyezd kupesida er-xotin va yana ikki medik ketishyapti. Xotin rosa ko‘p gapirar ekan, har balo deb tinmay gapirib ketaveribdi. Xotin o‘z ehtiyoji bilan kupedan chiqqan ekan, mediklar erga:
— Voy og‘ayni bunaqa xotin bilan qanday yashab yuribsan? Bir umr buning diydiyosini eshitib o‘lib ketasanku. Yaxshisi hozir Moskvadagi bir xirurgni adresini beraman, xotiningni miyasini operatsiya qilib beradi, qarabsanki kamgap ajoyib xotinli bo‘lasan, narxi ham qimmat emas bori yo‘g‘i 1000$ga gaplashib beraman.
— Jinnimisilar qanaqa ming dollar, kavkazliklar bilan gaplashib qo‘yganman, atigi 200$ga otib tashlasharkan. O‘sha yoqqa olib ketayabman.

Avtobusga og‘ir sumkalar bilan chiqqan ayol birorta bo‘sh o‘rindiq topa olmabdi. O‘tirgan erkak yo‘lovchilar esa o‘zini uxlayotgandek ko‘zini yumib olibdi.
Ayol ovoz chiqarib:
— Tushunarli, birorta ham erkak yo‘q ekan, - desa, o‘tirganlardan biri:
— Erkaklar bor. O‘rindiqlar yo‘q, - dermish.

Avtobus to‘xtashi bilan bekatda turgan birduduqroq kishi barmog‘ini haydovchiga uzatib olib:
— Pax-pax-pax paxtakorga boradimi? – desa, haydovchi:
— Chiqing amaki, boradi. Hammani otib tashladingiz, - degan ekan.

Avtobusda chiptachi yo‘lovchilarga:
— Iltimos, salonni orqasiga o‘tinglar! Axir orqa bo‘m-bo‘sh-ku! Nega hammangiz eshik yoniga yig‘ilib turibsizlar?! – deb baqirsa, yo‘lovchilar chiptachiga qarab:
— Birinchidan, yong‘in avtobusning orqa tarafidan chiqadi, ikkinchidan, tutun hidini sezgan zahoti eshiklardan tezroq qochib qolyapmiz-da! – deyishibdi.

Avtobusga mast odam chiqdi. Konduktor yo‘lkirani so‘radi.
— Pulim yo‘q.
— Aroqqa topilibdi-ku!
— Do‘stim quyib berdi.
— Yo‘lga bermadimi?
— Berdi, mana! - mast shunday deb qo‘ynidan bitta aroq chiqarib ko‘rsatdi.

Bekatdan qo‘zg‘algan avtobus ortidan bir ayol yugura boshlabdi:
— Avtobusni to‘xtating! Ishga kech qolyapman...
Avtobusga yetib olgan ayol:
— Marhamat qilib, chiptalaringizni ko‘rsating!!!

Metro keyin avtobusga chiqib, uyga kelsam, cho‘ntagimdan qog‘oz chiqdi.
Ochib qarasam, ayollarni chiroyli yozuvida telefon raqami va ikki og‘iz gap yozilgan:
"Qo‘ng‘iroq qiling, afsuslanmaysiz!".
Xursand bo‘lib raqamni tersam, "Ortiqcha vazndan qutulmoqchimisiz? Men sizga yordam beraman!"

Avtobus bekatda to‘xtab yana yo‘lida davom etayotsa, bir erkak jon holatda avtobusni orqasidan yugurib kelayotganmish. Qoqilib, yiqilib, yana turib yugurarmish.
Shu payt bir yigit avtobus oynasidan boshini chiqarib:
— Aka avtobusni orqasidan yuguravermang. Hamma kulaverib, ichagi uzilay deyapti, - desa, chopib kelayotgan kishi:
— Agar hozir birortangiz avtobusni to‘xtatmasangiz, boshingiz uziladi... Chunki men shu avtobusni haydovchisiman, - dermish.

Jamoat transportida yurishdan avval hammomga kirishni o‘ylab ko‘rganmisiz?
Afsus...

Transportda haqida latifalar

Latifa.uz loyihasi haqida

Boshqa loyihalar