Qariyalar rukniga oid latifalar | 10 dona — 4

Chol kampiriga ovqat qilishini tayinlab, o‘zi hovlida yong‘oq chaqib o‘tirsa, bir yong‘oq puch chiqib qolibdi. Puch yong‘oqni olib, “Hozir kampirimni oldiga borib, mana bu yong‘oq seni miyangga o‘xshab puch ekan deb boplayman”, deb kampirini oldiga kiribdi.
Kampiri so‘ligan sholg‘omni qiynalib archayotganini ko‘rgan chol jimgina ortiga qaytgan ekan...

Kunlarning birida chol baliq ovlab o‘tirib, oltin baliqni ushlab olibdi.
— Tila tilagingni! Hammasini bajo keltiraman. Faqat meni qo‘yib yubor...!
Chol debdi:
— Meni uch tilagim bor. Shular qachon amalga oshsa, seni dengizga qo‘yib yuboraman.
1. Qachonki bu ahmoqlar so‘nggi rusumdagi iPhone va dang‘illama to‘ylar qilish uchun kreditlar olishni bas qilsa!
2. Qachonki ayrim rahbarlar yolg‘on gapirishni bas qilsa!
3. Qachonki kollej o‘quvchilari uyda unutib qoldirgan telefoni uchun yarim yo‘ldan orqaga qaytishni bas qilsa!
Rangi oqarib ketgan baliq cholga qarab:
— Meni tushlikka yemoqchimidingiz? - dermish.

Bir kuni chol-kampir yoshlikni eslashmoqchi bo‘lishibdi. Chol kampirga debdi:
— Men seni uchrashuvga chaqiraman.
Chol uchrashuv joyiga borib, kampirni bir soat kutibdi. Kampirni yoniga qaytib kelib:
— Nega bormading, - desa, kampir:
— Onam ruxsat bermadilar, - dermish.

— Hayotimda 3 ta ayol bor ular: onam, xotinim va qizim, - deb intervyu bergan qo‘shiqchiga, buvisidan sms kelibdi:
— Pensiya pulimga obergan sovg‘alarim teshib chiqsin!

Falsafa fanidan imtixon bo‘lyapti...
Talaba: Domla keling yaxshisi men sizga bir savol beraman, topsangiz zachyotkamga bahoimni qo‘ymaysiz, topolmasangiz 5 baho qo‘yib berasiz.
O‘qituvchi: Ho‘p, eshitaylikchi...
Talaba: Nima qonuniy-yu, mantiqiy emas, nima mantiqiy-yu, qonuniy emas, nima qonuniy ham emas, mantiqiy ham emas?
O‘qituvchi savolga javob berolmay bahosini qo‘yib berdi.
O‘qituvchi: Qani endi javobni o‘zingizdan eshitaylikchi...
Talaba: Siz xotiningiz bilan ZAGSdan o‘tgansiz — bu qonuniy, lekin siz 70 yoshdasiz, xotiningiz 20 yoshda — bu mantiqqa to‘g‘ri kelmaydi. Sizning xotiningizni jazmani bor — bu mantiqiy, lekin qonunga xilof ish qilyapti — bu qonuniy emas. Siz hozirgina o‘sha xotiningiz jazmaniga baho qo‘yib berdingiz — bu qonuniy ham emas, mantiqiy ham emas.

Kollej orqasidagi stadionda 1ta yigitni 2ta yigit rosa do‘pposlab tursa, qari otaxon kelib:
— Iye, nega bu bolani uryapsilar? - desa, yigitlar:
— Otoxon qo‘shiq eshtasizmi? - deb so‘rashibdi.
— Ha, - debdi otaxon.
Shunda yigitlar:
— Qo‘shiqni mazza qilib eshtayotganizda "OQ AYIQ.UZ" deydigan bola shu bo‘ladi, - deyishsa, otaxon hassasini ko‘tarib:
— Yaxshilab ur, yaxshilab! - dermish.

Operatsiyadan chiqqan otaxonning oldiga ko‘rgani do‘stlari kirishibdi. Uch daqiqadan so‘ng bemor otaxon jon xolatda qimirlab, qog‘ozga bir nimani yozib jon beribdi.
Do‘stlari:
— O‘limidan oldin ko‘rganimiz yaxshi bo‘ldi. Nima yozdi ekan deb yozuvni o‘qishsa:
— Kislorod shlangidan oyoklaringni ol padarlanat deb yozilgan ekan.

Xitoylik qizni sevib qolgan o‘zbek yigiti qizning otasiga debdi:
— Qizingizni qo‘lini so‘rab keldim. Menga turmushga chiqishiga ruxsat bering!
Xitoylik ota javob beribdi:
— Ajdodlarimiz kabi bu ishni buyuk ajdar bilan maslahatlashib, keyin aytaman.
Yigit quvonib debdi:
— Ovora bo‘lmang! Rafiqangiz bilan gaplashib bo‘ldim...

Bryus Li O‘zbekistonga kelib, Yunusoboddagi Stroy Mir ni aylanib yursa, qurilish asboblari do‘konida lomni ko‘rib qolibdi. Bryus Li o‘zini ko‘rsatib qo‘ymoqchi bo‘lib, sotuvchi cholga qarab turib, lomni qo‘li bilan qayirib tashlabdi-da, joyiga qo‘yibdi. Jahli chiqqan chol:
— Olmasang nima qilasan tegib, - debdi-da, lomni yana tekislab qo‘ygan ekan.

Ikkita yoshi katta chol-kampirlar bir-birinikiga mehmonga borishibdi.
Kampirlar oshxonada pishir-kuydir qilguncha, ikkala qariya gap boshlashibdi:
— O‘tgan kuni kampirimni restoranga olib borgandim. Unga yoqmadi.
— Qaysi restoran ekan u?
— Esim qursin! Hozir yodimdan chiqdi... Ayollarga bahorda sovg‘a qiladigan gul nomi nima edi?
— Nastarinmi?
— Yo‘q!
— Lolami?
— Yo‘q!
— Atir gulmi?
— Yo‘q!
— Nargis gulmi?
— Ha!
Chol oshxona tarafga o‘girilib:
— Nargizaxon, o‘tgan kuni biz borgan restoranni nomi nima edi?

Qariyalar haqida latifalar

Latifa.uz loyihasi haqida

Boshqa loyihalar