Ertaklar rukniga oid latifalar | 10 dona — 8

O‘g‘li otasidan so‘radi:
— Dada hayotda yalmog‘iz kampir yo‘q-a?
Dadasi divanda o‘tirgan qaynonasiga qarab qo‘ydi-da, so‘ng o‘g‘liga dedi:
— Men ham bolaligimda shunday deb uylardim.

Bir o‘tinchi dengiz bo‘yida o‘tin kesayotgan ekan, qo‘lidagi boltasi suvga tushib ketibdi. Shunda suvdan Suvparisi chiqib:
— Nega xomushsan, - desa,
O‘tinchi unga qarab:
— Boltam suvga tushib ketdi, - debdi.
Suvparisi suvga sho‘ng‘ib oltin bolta olib chiqsa, o‘tinchi:
— Bu mani boltam emas debdi.
Keyin kumush bolta olib chiqibdi.
— Bu ham mani boltam emas.
Suvparisi o‘tinchiga o‘zini boltasini olib chiqib berib:
— Halol yigit ekansan deb 3 ta boltani berib yuvoribdi. O‘tinchi xotiniga bo‘lgan voqeani aytib beribti. Keyin er-xotin o‘sha suvni yoniga borishibdi. Xotini o‘zini suvga otibdi, keyin yana Suvparisi chiqib:
— Nega xomushsan desa,
— Xotinim suvga tushib ketdi debdi.
Keyin Suvparisi Monnalizani olib chiqibti. O‘tinchi o‘ylanib turib:
— Mana shu mani xotinim, - debdi.
Suvparisi o‘tinchiga qarab:
— Nega yolg‘on gapiryapsan desa, o‘tinchi;
— Hozir bu mani xotinim emas desam, Selena Gomezni olib chiqasan. Bu ham xotinim emas desam, o‘zimni xotinimni olib chiqasan. Shu mani xotinim desam, halol ekansan deb uchalasini berasan. Keyin man 3 ta xotinni qanday boqaman, - dermish....!

Bir kun samolyotda hayvonlar uchib ketvotganakan. Shunda bir qarg‘a styuardessani chaqiradigan tugmachani bosibdi. Styuardessa kelib qarg‘aga:
— Nima xizmat, - debdi.
Qarg‘a:
— Xizmat yo‘q, hazillashdim, - debdi.
Styuardessa jahli chiqib indamiy qaytib ketibdi. Keyin qarg‘a yana tugmachani bosib styuardessa chaqiribdi. Styuardessa kelib yana:
— Nima xizmat, - deb so‘rabdi.
Qarg‘a yana:
— Xizmat yo‘q hazillashdim, debdi.
Styuardessani yana jahli chiqib indamiy ketibdi. Nariroqda bo‘ri kuzatib o‘tirgan ekan. Bo‘riyam tugmachini bosibdi. Styuardessa kelib:
— Sizga nima xizmat, debdi.
Bo‘riyam:
— Xizmat yo‘q, manam hazillashdim, - debdi.
Shunda styuardessani battar jahli chiqib qarg‘a bilan bo‘rini samolyotdan tashab yuboribdi. Qarg‘a bo‘rini oldiga kelib:
— Ey, bo‘ri uchishni bilasami, debdi
Bo‘ri:
— Yo‘q, - desa
Qarg‘a:
— Unda nimaga hazillashasan, debdi.

Uch toshbaqa toqqa dam olgani chiqishibdi. Tog‘ni uchiga chiqqunlaricha 20 kun o‘tibdi. Endi o‘tirib gulhan yoqamiz deyishsa, gugurt pastda qolib ketgan ekan. Toshbaqalardan biri debdi:
— Men pastga tushib gugurt olib chiqaman.
Oradan 3 kun, 5 kun, 1 hafta o‘tibdi. Ikkita toshbaqa bir-biriga qarab:
— Endi qachon keladi? Juda sekin yuradi-da! – deb turishsa, sal nariroqdan sherigining ovozi kelibdi:
— Agar meni yomonlayversanglar bormayman! O‘zlaring tushib gugurt olib kelaverasanlar!

O‘rmonning podshohi bo‘lgan sher uzoq safarga otlanibdi.
— Kim baland qoyaga chiqib pastga sakrasa-yu, tirik qolsa o‘sha hayvon meni o‘rnimga shoh bo‘lib turadi, - debdi.
Birorta hayvon qoyadan sakray olmabdi.
Bir vaqt qoyaning baland joyidan “gup” etib pastga bo‘ri tushibdi-yu, tirik qolibdi.
— Sen juda mard ekansan! Endi meni o‘rnimga shoh bo‘lasan, - debdi sher.
Bo‘ri bo‘lsa:
— Shoshmay turing! Avval meni qoyadan itarib yuborgan quyonni topib, adabini berib kelay... – dermish.

Erkak do‘stiga dedi:
— Kecha kechqurun kelayotsam, yo‘l chetida qurbaqa yotibdi. Rahmim kelib uyga olib keldim. Uxlashga yotayotib uni yonimga yotqizdim. Ertalab uyg‘onsam qurbaqa malikaga aylanib qolibdi. Ishonasanmi do‘stim?
— Ha ishonaman.
— Negadir xotinim ishonmayapti.
— Menda-yam shunaqa bo‘lgandi-da...

Bir chol tilla baliq ushlab olgan ekan. Har doimgidek, baliq tilga kirib cholga debdi:
— Meni qo‘yib yubor! Istagan tilagingni bajo keltiraman...!
Chol ko‘pam o‘ylab o‘tirmay:
— Go‘zal ayol ber menga! – debdi.
Suvdan go‘zal pari chiqibdi.
— Bundan ham go‘zalroq bo‘lsin, - debdi yana chol.
Avvalgisidan ikki karra go‘zal husnli pari chiqibdi.
Chol yana:
— Go‘zallikda tengsiz bo‘lsin! – degan ekan, baliqni jahli chiqib:
— Noshud banda, yaxshilikni bilmading, - deb suvga kirib ketibdi.
Chol ne ko‘z bilan ko‘rsin-ki, suvdan o‘zini kampiri chiqib turganmish.

Ota o‘g‘liga Pushkinning “Oltin baliq" ertagini o‘qib beryapti.
Ertak oxirida o‘g‘li otasiga qarab:
— Dada, nega chol oltin baliqdan yangi kampir so‘ray qolmaydi?, - dermish.

Bir kuni jin uch kishini ushlab olibdi. Xitoylik, hind va o‘zbek. Uchchalasiga shart qo‘yibdi. "Xoxlagan narsangiz bilan o‘zingizni himoya qiling. Men mushtum bilan uraman". Birinchi bo‘lib xitoylik o‘rtaga chiqibdi.
Jin: O‘zingni nima bilan himoya qilasan?
Xitoylik: Buyuk Xitoy devori bilan.
Jin bir urishda Xitoy devorini parchalab ikkinchi urishda xitoyni urib o‘ldiribdi.
Navbat hindga kelibdi. Hind yoga usullaridan foydalanib allanima bir holatda o‘tiribdi. Jin uraveribdi, uraveribdi. Hindga xech narsa qilmabdi. Oxiri charchagan jin o‘zbekdan so‘rabdi:
— Sen nima bilan himoyalanasan?
— Hind bilan.

Chol dengizdan tilla baliq tutib oldi. Tilla baliq tilga kirdi:
— Kampiring haliyam bormi?
— Ha.
— Unday bo‘lsa meni yeb qo‘yaver.

Ertaklar haqida latifalar

Latifa.uz loyihasi haqida

Boshqa loyihalar