Ertaklar rukniga oid latifalar | 10 dona — 9

Bo‘g‘irsoq bilan quyon duelga chiqibdi.
Quyon:
— Quloqqa otish yo‘q!
Bo‘g‘irsoq:
— Unday bo‘lsa, boshga otish ham yo‘q!!!

Karlson bo‘ldik go‘yo:
To‘rtta devor tiklangan.
Parrak aylanar, ammo -
Uchish joyi cheklangan...

Bir odamni to‘riga tilla baliq ilinibdi. Baliq tilga kirib:
— Ey odamzot, tila tilagingni, - desa, odam:
— Men hamma narsalarga ega bo‘lgan bo‘lishim kerak, - debdi.
Tilla baliq:
— Tilaging ijobat bo‘ldi. Seni hamma narsang bo‘lgan edi, - dermish.

Bir kuni quyon bilan ayiq tish sindirishdan garov bog‘labdi.
Quyon ayiqni bir ursa, ayiqni 4 ta tishi to‘kilib tushibdi.
Ayiq quyonni ursa, 2 dona tishi tushibdi. Shunda quyon kulib "Boshqa yo‘q!" dermish.

Tipratikan bilan ilon turmush qursa, bir yarim metrli tikanli sim tug‘iladi.

Daryoni narigi qirg‘og‘ida yashaydigan bo‘riga quyon sohilni bu tarafida har kuni turib olib:
— Hoy bo‘ri, o‘t bu yoqqa! - deb maqtanar ekan.
Bir kuni jahli chiqgan bo‘ri daryoni suzib o‘tib quyonni orqasiga berkinib olibdi.
— Hoy bo‘ri, o‘t bu yoqqa! - deyishi bilan bo‘ri:
— Mana o‘tdim! Nima deysan endi?! - desa, quyon:
— Yuring, choyga chaqirgandim, - dermish.

Bir kuni chumoli bilan fil do‘st bo‘lishibdi. Issiq kunlarning birida fil hovuzda cho‘milayotgan ekan chumoli kelib:
— O‘rtoq, bir minutga suvdan chiq, - debdi.
Fil:
— Nima bo‘ldi? - deb tashqariga chiqsa, chumoli:
— Bo‘ldi,bo‘ldi cho‘milaver! Men cho‘milish kiyimimni topolmayapman. Sen kiyib olmadingmi deb qaradim, - dermish.

Bir kishi tilla baliq ushlab olibdi.
— Tila tilagingni ey yaxshi inson! - debdi baliq tilga kirib.
— Mashina olishni istayman, - debdi kishi.
— Kreditgami yoki naqdgami? - debdi baliq.
— Paxta yog‘ida qovuraymi seni yoki pista yog‘idami? - debdi haligi kishi.

O‘rmonda katta bayram! Hamma hayvonlar xursand yuribdi, ayniqsa ayiq.
Chunki Masha turmushga chiqib ketayotgan ekan!

O‘rmonda ovchilar o‘ra kavlab ketishgan ekan. O‘raga bo‘ri, tulki va cho‘chqa tushib qolibdi.
Tulki cho‘chqaga qarab, ichida debdi: “Go‘sht bor. Qorin to‘ydirsam bo‘ladi. Bir necha kun yashayman”.
Bo‘ri tulki va cho‘chqaga qarab ichida debdi: “Go‘sht bor, suhbatdosh bor. Mazza qilib yashasam bo‘ladi.”
Cho‘chqa ikkalasiga qarab:
— Zerikib qolasizlar. Qo‘yshiq kuylab bersam bo‘ladimi? – debdi.
Bo‘ri va tulki:
— Yaxshi bo‘lardi, - deyishibdi.
Cho‘chqa ovozi boricha baqirib qo‘shiq ayta boshlabdi. Bir zumda ovchilar yetib kelishibdi.
Bo‘ri va tulkini o‘ldirishga shaylanib turishsa, bo‘ri ichida o‘ziga-o‘zi dermish:
“Qorin to‘ydirib, gaplashib yotaversam bo‘lmasmidi. O‘yin-kulgiga balo bormidi...!”

Ertaklar haqida latifalar

Latifa.uz loyihasi haqida

Boshqa loyihalar