Er-xotin rukniga oid latifalar | 10 dona — 36

— Dada, kecha ko‘chada bir ayol bilan kinoga kirib ketdingiz-a?
— Jim, onang bilmasin! Mana senga o‘n ming!
— Yo‘q dada, o‘n ming kam!
— Mana yigirma ming bo‘ladimi?
— Dada, ziqnalik qilmang! O‘tgan kuni oyim bilan qo‘l ushlashib ketayotgan amaki ellik ming berdi-ku...

Yangi kelin-kuyov chimildiqda o‘tirganmish. Kuyov barmog‘idagi uzukni aylantirib o‘tirgan ekan, kelinni sabri tugab:
— Siz boshqa ishni ham bilasizmi? – desa, kuyov:
— Bilaman. Uzukni narigi tarafga ham aylantira olaman - debdi.

Tongga yaqin uyiga kirib kelgan erga xotini dedi:
— Qayerlarda yuribsiz? Tuni bilan uxlolmay chiqdim!
Er:
— Meni uxladi deb o‘ylaysan-mi!?

Uchta xotin suhbatidan:
Birinchi xotin:
— Erim har bayram kunlari to‘yib aroq ichadi.
Ikkinchi xotin:
— Meni-yam erim ichadi. Faqat choyxonaga borgan kunlari ichadi.
Uchinchi xotin:
— Meni erim... – deb tursa, eri kelib qolib debdi:
— Xotin, kalendarga qara-chi, bugun bayrammi? “Yo‘q” deysanmi!? Unda men choyxonaga ketdim, – dermish.

Choyxonada oshxo‘rlik qilib o‘tirgan Afandiga bir tanishi debdi:
— Uyingizga o‘t ketdi, tez boring!!!
— E, yo‘q! Biz xotinim bilan ishlarni bo‘lishib olganmiz. Men pul topib boraman. Xotinim uydagi ishlarga qaraydi. Bor o‘ziga ayt!

Xotinim semizligidan nolib:
— Ozishim uchun nima qilay?
— Tongda qirolichalardek, peshinda malikalardek va kechki vaqt gadolardek ovqatlan. Dedim.
Xotinim tongda huddi qirolichalardek uni yemayman, buni yemayman deb hech narsa yemaydi.
Peshinda huddi malikalardek bu qanday ekan, u qanday ta’m ekan deb bir-bir chimdiydi.
Kechki ovqat vaqti huddi gadoylarga o‘xshab ko‘zi nimani ko‘rsa yeydi.

Qahraton qishda afandining uyiga mehmon kelibdi. Afandi issiq sandalda dutor chalib o‘tirgan ekan. Duoi fotihadan so‘ng mehmon so‘radi:
— Yangamiz ko‘rinmaydilar?
— Tashqarida o‘tin yoryapti.
— Siz issiq uyda dutor chalib o‘tirsangiz, ayolingiz sovuqda o‘tin yorsa, shuyam insofdanmi?, - debdi mehmon.
— Yangangiz dutor chalishni bilmasa, nima qilay?

Bir tanishim gapirib berdi. U ishxonada biror qiyinchilikka duch kelsa, cho‘ntagidan xotinini suratini olib, qarab qo‘yarkan-da, darhol tinchlanarkan.
Xotinini suratiga qarab shunday der ekan:
"Yetti yildan beri shu shallaqi, janjalkash, vaysaqi bilan yashab kelyapman-ku, ishxonadagi qiyinchiliklar buni oldida nima bo‘pti?! Hammasi joyida!"

Xotin eriga:
— Azizim, qahvangiz achchiqroq bo‘lsinmi?
Eri:
— Ha, gap-so‘zing kabi achchiq bo‘lsin!
— Voy, umuman suv qo‘shmas ekanmanda-a?!

Bir yigit do‘stiga debdi:
— Yuzingga nima qildi? Hamma yog‘ing tirnalgan!
— Qizlarni deb urushdim.
— Kim bilan?
— Kim bilan bo‘lardi, xotinim bilan-da!

Er-xotin haqida latifalar

Latifa.uz loyihasi haqida

Boshqa loyihalar