Er-xotin rukniga oid latifalar | 10 dona — 12

Bir yigit uylanibdi. Chimildiqqa kirgandan so‘ng, xotiniga qarab:
— Bu uy endi seniki ham, hamma narsaga teginishing va ishlatishing mumkin. Faqat bitta anavi sandiqqa tegmaysan. Teginsang kechirmayman seni, - debdi.
Xotini xo‘p deb 20 yil teginmabdi. Oxiri sabri chidamay sandiqchani ochibdi.
Qarasa 500000 ming so‘m pul bilan uch dona tuxum bor ekan. Eri kelgandan keyin so‘rabdi.
— Ha, mayli ochibsanda oxiri. Gap shundaki qachon senga hiyonat qilsam sandiqchaga bitta tuxum qo‘yar edim, - desa
Xotini:
— Ha, 20 yil ichida uchta hiyonatni kechirish mumkin. 500000 ming so‘m pul qanday keldi? - desa..
Er:
— Bilasanmi asalim tuxumlar ko‘payib ketgandan so‘ng sotishga to‘g‘ri keldi, - dermish

Er-xotin xorijga dam olishga borishibdi. Mehmonxonaga kirishsa, xonada sichqon yugurib yurgan emish.
— Voy-dod, sichqon!, - baqiribdi xotini. — Tezroq ma’murga qo‘ng‘iroq qiling. Ingliz tilini bilasiz-ku axir!
Eri raqamni terib:
— Hallo (Salom)
— Hallo (Salom)
— Do uou know «Tom and Jerru»? (“Tom va Jerri”ni bilasizmi?)
— uyes, I do (Ha, bilaman!)
— Jerru is here. (Jerri shu yerda!)

Er:
— Bilasanmi, xotinjon, tuya sakkiz kun ishlab, hech narsa ichmasligi mumkin ekan!?
Xotin:
— Men sakkiz kun ichib, hech qanday ish qilmaydigan tuyani-yam bilaman, - dermish.

Bir erkakning ikkita xotini bor ekan. Ammo ikkala xotini ham bu haqda mutlaqo bexabar ekan. Bir kuni o‘sha odam ikkala xotinini ham birga, bitta joyga dam olishga yuboribdi. Dam olishga borgan ayollar hech narsadan bexabar, bir-birlari bilan yaqin dugona bo‘lib qolishibdi, birga suratlarga tushibdi. Dam olishdan qaytgach, eri birinchi xotinini oldiga borib:
— Xo‘sh, qanday dam olding, kimlar bilan tanishding, - dyeb so‘rabdi.
Shunda xotini:
— Mazza qilib dam oldim. Bir ayol bilan tanishdim, - deb erining ikkinchi xotinini rasmini ko‘rsatibdi. - Lekin judayam yengiltak ayol ekan, har kuni har-xil erkaklar bilan yurdi-ya, - debdi.
Ertasi kuni ikkinchi xotinini oldiga borgan er, u ayoldan ham gapirib berishini so‘rasa:
— Adasi manavi rasmdagi ayolni qarang. Judayam yaxshi ayol ekan. Dam olishga eri bilan kelib, eri bilan ketdi, - degan ekan.

Eridan qattiq ranjigan xotin:
— Hech bo‘lmasa uzr so‘rasangiz bo‘lardi...
— Xo‘p, uzr. Kechiraqol!
— Boshimga uramanmi uzringizni?! Kimga kerak kechirim so‘rashingiz?!

Bir ayol kelin ko‘ylaklar saloni yonidan o‘tib keta turib, ajoyib kelin ko‘ylagiga ko‘zi tushibdi.
U ko‘ylak ayolga juda-yam yoqib qolibdi.
Yonida jimgina ketayotgan eriga qarab:
— Keling azizim, men bilan ajrashing. Qaytadan turmush qurardik. Men shu ko‘ylakni kiygim kelyapti, - debdi.
Eri bo‘lsa:
— Ajrashing??? Seni o‘rningda bunday xatarli ishga qo‘l urmagan bo‘lardim. Menga bunday imkoniyat berishdan avval yaxshilab o‘ylab ko‘r! - dermish.

Ayol eri bilan ko‘chada ketayotsa, birdan qattiq shamol turib, ayolning sochlarini to‘zg‘itib yuboribdi.
— Voy xudoyim-yey! Sochlarim to‘zg‘ib ketdi. Juda badbashara ko‘rinyapmanmi? - deb so‘rabdi ayol eridan.
— Yo‘q, har doimgideksan... - degan ekan eri.

Xotin eriga:
— Azizim, qaymoq tugadi!
Eri:
— “Tugadi” emas, “Tugatdim” degin. Qachon vijdon bilan gapiradigan bo‘lasan-a?

Afandining xunukroq bir xotini bor ekan. U do‘stlarini yonida xotinini "go‘zalim”, "quyoshim” derkan. Bir kuni Afandidan do‘sti so‘rab qolibdi.
— Do‘stim, xotining chiroyli bo‘lmasa, nega endi uni "go‘zalim”, "quyoshim" deysan?
— Bilasanmi, quyoshga qarab bo‘lmagani kabi bizning xotinga ham qarab bo‘lmaydi-da!

— Haqiqiy sevgi bor narsa!
— Bo‘lmagan gap!
— Hechamda. Mana qo‘shnimiz Natashaxon. Haqiqiy muhabbat timsoli. Sevgi nimaligini biladi!
— O‘lsin Natashaxoning sevgi timsolimush. U to‘rt marta erga tekkanku! Qayerdan bilsin sevgi nimaligini!
— Biladi, chunki to‘rt marta erga tekkan bo‘lsa ham o‘ynashi hali ham bitta odam!

Er-xotin haqida latifalar

Latifa.uz loyihasi haqida

Boshqa loyihalar