Er-xotin rukniga oid latifalar | 10 dona — 14

Er uyga qo‘lida pыlesos ko‘tarib kirib kelibdi.
Xotin:
— Voy, dadasi pыlesos sotib oldizmi?
— Yo‘q, sotib olmadim. Bugun dugonangni uchratib qolgandim. Uyiga taklif qildi. Kirdik. Yedik, ichdik. Shunda u yechina boshladi va yalang‘och bo‘lib erkalanib: "Nima xohlasangiz roziman", - degandi...
Shunda Xotin erini gapini bo‘lib:
— Iye, keyin nima bo‘ldi? — desa.
Er:
— Nima, nima bo‘ldi? Mana pыlesos kerak edi, oldimda kelaverdim, - dermish.

Afandining xotini jangari chiqib qoldi. U arzimagan narsaga idish-tovoqlarni sindirar, Afandining yuziga chang solar, yana dod deb, qo‘shnilarni yig‘ar edi. Afandi uyiga kelishga yuragi betlamay, kechgacha ko‘chada sanqib yurdi, kech bo‘lganda uyga kelsa, ustidagi to‘nini yechmay turib, xotini janjal boshladi:
— Onam tug‘may o‘lsin, sizga tegib hech halovat ko‘rmadim! Odamlarning eri har ko‘chaga chiqqanda hech bo‘lmasa mozi ko‘tarib keladi, siz bo‘lsangiz so‘ppayib kirib kelasiz!
— Hmm... shuni ayting, taqdir ekan-da!
— Qanoatli xotinni topib olib qadriga yetmaysiz. Mendan boshqa xotin bo‘lganda nikoh kechasi siz bilan janjal boshlar edi.
— Ofarin,— dedi Afandi. — O‘rtamizda tinch o‘tgan kun o‘sha kun edi!

Er xotin kafeda o‘tirsa. Bir qiz kelib erini bir o‘pib, qaytib ketibdi.
Xotinini jahli chiqib:
— Kim u? Nimaga sizni o‘padi?, - desa
— O‘chir ovozingni! Hali unga ham tushuntirishim kerak seni kimligingni

Afandining xotini homilador ekan. Vaqti-soati yetgach, tug‘ruqxonaga olib boribdi. Bir soat kutibdi, ikki soat kutibdi. Oradan uch soat o‘tgach, vrach afandiga derazadan qop-qora chaqaloq ko‘rsatib: — Tabriklayman, o‘g‘illi bo‘ldingiz!, - desa, afandi:
— Ovqatni-ku nuqul kuydirardi. Bolaniyam kuydirvaribdi, - dermish.

To‘ydan bir oy o‘tgach kelin uyda qaynona-qaynotasi, hech kim yo‘q fursatni kutib, kuyovni yoniga kelib debdi:
— Azizim, to‘yimizdan avval menga e’tiborli edingiz. Sovg‘alar olib berar edingiz, restoranlarga olib borar edingiz...
Endi bo‘lsa, na kino yo‘q, na ko‘chaga chiqmayman, sovg‘alardan umuman nom-nishon yo‘q!
Kuyov bo‘lsa:
— Qiziqmisan!? Qaysi baliqchi qarmog‘iga ilingan baliqni chuvalchang bilan boqib yurganini ko‘rgansan? – degan ekan.

Xotin eriga:
— Adasi, qachon gilam olib berasiz? - desa, eri:
— Haddingdan oshma, supurgingda uchib yuraver! - degan ekan.

Liftga yosh qiz bilan er-xotin kirishibdi. Bir payt qiz o‘girilib, erkakni yuziga tarsaki tushiribdi-da,
— Xotiningizni oldida uyalmaysizmi tegajoqlik qilishga?!, - deb baqiribdi-da, liftdan chiqib ketibdi.
Er esa yuzini ushlagancha xotiniga qarab:
— O‘lay agar, hech narsa qilganim yo‘q, - debdi qo‘rqib.
Xotini:
— Tinchlaning, bu men edim, - debdi.

Bir yigit qo‘shnisidan:
— Tug‘ilgan kuning qachon?, - deb so‘rabdi.
— May oyida. Nega so‘rayapsan?
— Senga parda sovg‘a qilmoqchiman. Derazangga osib qo‘yasan. Xotining uyda nuqul ochiq-sochiq kiyinib yuradi.
— Men esa seni tug‘ilgan kuningga binokl sovg‘a qilaman. Ko‘rgan ayoling, kim ekanini kuzatishing uchun...

Tug‘ruqxonadagi ayolni yoniga farishta kelib:
— Farzandingni dunyoga keltirayotganingda senda bo‘ladigan og‘riqlarning yarmini bolaning otasiga o‘tkazib qo‘yaman, - debdi.
— Tunda ayol farzandini dunyoga keltirib bo‘lgach, tongda uni ko‘rgani kelgan eriga:
— Adasi, kechasi yaxshi uxladingizmi? - desa, eri:
— Yo‘q, qo‘shnimiz Normat aka kechasi bilan baqiraverib, umuman uyqu bermadi, - dermish.

Ertalab yo‘lda ketayotib ikkita kabutarga ko‘zim tushdi. Biri tumshug‘i bilan ikkinchi kabutarni boshini cho‘qib turibdi.
Unisi esa indamasdan yerga qarab jim turibdi. Miyamga bir fikr keldi. Shunisi eri bo‘lsa kerak...

Er-xotin haqida latifalar

Latifa.uz loyihasi haqida

Boshqa loyihalar