Eng dodalari rukniga oid latifalar | 10 dona — 500

Telefon jiringladi. 5 yoshli bola trubkani oldi.
— Allo dadang qani?
— Dadam hammomda!
— Oying qani?
— Oyim ham hammomda!
— Oyingmi, dadangmi hammomdan chiqsa menga telefon qilishsin!
— Ular hali beri chiqishmaydi, chunki mendan vazelin so‘rashganda, men bilmay "superkley" berib yuboribman.

Ertalab turgan erning ro‘parasida, xotini enkayib, go‘yoki ta’zim qilib turgan ekan.
Er:
— Tazim qilishing shart emas. "Assalomu-alaykum, xayrli tong begim" - desang yetarli!
Xotini:
— Ey, boring-ye, byelim qotib qoldi, - dermish

Bir kuni Afandi:
— Xotin, tanish mullabachchalar kelishdi, oshni katta qil,— dedi.
Xotini tajang bo‘lib o‘shqirdi:
— Uyingizda sichqonlar hassa tayanib yuribdiku, nimangizga mehmon boshlab keldingiz?
Afandi myehmonlar oldiga chiqib dedi:
— Xotinim behisiz osh yaxshi bo‘lmaydi deya yotibdi. Ulmay-netmay kuzga yetib olsak, xotinim otasinikiga borib behi olib keladi. Osh dam yeguncha bir aylanib kelinglar!

100-marshrutkada:
— Itingizni sal nariroqqa oling, ustimda burgalar sakrab yuribdi, — deb noroziligini bildirdi yo‘lovchi ayol.
— Qoravoy, yonimizdagi ayolni burga bosib yotibdi, pastga tushaqol.

Bir duduq kishi bo‘lgan ekan. Nuqul gapirsa, duduqlanib qolarkan. Bir kuni marshrutka to‘xtatibdi-da, eshikni ochib "Taq-taq, taq-taq" desa, haydovchi asabiylashib:
— Namuncha taqqillatasan?!, o‘tir tezroq! - debdi.
Duduq kishi bo‘lsa:
— Taq, Taqachiga boradimi? - deb so‘rabdi.

3 ta o‘rtoq avtobusga chiqishibdi.
Tushadigan bekatiga yetib kelgach, avtobusdan tushib qarashsa uchinchi o‘rtog‘i yo‘q emish.
Avtobusda ketib qolibdi deb unga qo‘ng‘iroq qilishibdi.
— Qayerdasan do‘stim? - deyishsa,
— Avtobusda, birga ketvammizku, - debdi.
— Boshingni ko‘tarib qara-chi, - deyishibdi o‘rtoqlari.
Haligi bola qarasa, o‘rtoqlari allaqachon tushib ketgan ekan.
"Kamroq telefonda o‘yin o‘ynash kerak edi", - deb avtobusdan yugurib tushib ketgan ekan.

Bir xo‘jayinning haydovchisi ziyofatlarga borsa, mast bo‘lib qolarkan. Ziyofatdan qaytishda mashinani xo‘jayinni o‘zi haydab ketar ekan.
Bir kuni haydovchi xo‘jayiniga maslahatli ishi bor ekanini aytibdi.
Xo‘jayin:
— Nima gap, - deb so‘rasa:
— Xo‘jayin, ikkovimizga bitta shofyor olsak, qanday bo‘larkin?!, - dermish.

Javob varaqasini tavakkal qilib to‘ldirgan Bozorboy Xoshimov, Sport-lottodan mashina yutib oldi.

Er ishdan uyga kelsa, xotini kitob o‘qib o‘tiribdi. Er undan so‘rabdi:
— Xotinjon mensiz zerikmadingmi? Yo‘q, men kun bo‘yi Shekspir bilan tillashib o‘tirdim.
— Shunaqami? Ko‘rdim.
— Nimani ko‘rdingiz?
— O‘sha Shekspir karavat ustida shlyapasini unutib qoldiribdi, - dermish.

Kechasi Afandining mahallasiga o‘t ketib, aholi qo‘shni mahallaga ko‘cha boshladi. Hamma ko‘ch-ko‘lonini aravaga ortib jo‘naganda, Afandi bir sholcha, ikki ko‘rpa, ikki bolishni orqalab yo‘lga tushdi.
Yo‘lda hammahallalardan biri Afandining ko‘chini ko‘rib so‘radi:
— Bor ko‘chingiz shumi? Bu qanaqa ro‘zg‘or? Afandi javob berdi:
— To‘rt qiz chiqarganning ro‘zg‘ori!

Eng dodalari

Latifa.uz loyihasi haqida

Boshqa loyihalar