Eng dodalari rukniga oid latifalar | 10 dona — 499

Bir kuni kishi afandini oldiga kelib maslahat so‘rabdi:
— Afandi janoblari, men yaqinda uylandim. Lekin xotinim cho‘loqligini uylangach bildim. Endi ajrashaymi? Nima qilay?
Afandi kulib debdi:
— Agar xotining bilan yugurish musobaqasini o‘ynamoqchi bo‘lsang albatta ajrashasan-da!

Rossiyadagi yirik boylardan biri Putin qabuliga kirib:
— Vladimir Vladimirovich, men xorijga butunlay ko‘chib ketmoqchiman. O‘zimga tegishli hamma uy-joy, mol-mulklarimni sotib pullarni bolalar uyiga hadya qildim. O‘zimga tegishli qimmatbaho aksiya va ko‘chmas mulklarimni barchasini ehson tariqasida kambag‘allarga tarqatdim.
Endi davlatdan chiqib ketsam bo‘ladimi? - debdi.
Putin o‘ylanib turib:
— Ruslarda yo‘l oldidan biroz o‘tirib ketish odati bor. Shunga nima deysiz?! - dermish.

Puli yo‘q odam restorandan kabobni hidini hidlab-hidlab qaytib keladi.
Tishi yo‘q bo‘ri ham qo‘ylarni atrofini aylanib-aylanib qaytib keladi.

Bir kuni ko‘r bilan kar ovga borishibdi. Yo‘ldan chiqqan quyonni ko‘r otibdi.
Keyin qarg‘a:
— Tegdimi? - desa,
Kar:
— Otmisanmi?, - dermish.

— Nima bilan shug‘ullanasiz?
— Men ayni damda odamlarni hayotdagi o‘rnini topishga yordam beraman.
— Ruhshunosmisiz?
— Yo‘q, taksi haydovchisiman!

Boy xizmatkorini chaqirib buyuribdi:
— Kuchugimni dumini kesib tashla!
Xizmatkor hayron bo‘lib:
— Axir bu sodiq itingiz Djek-ku
— Ertaga qaynonam kelayotgan ekan. Uni tashrifidan hech qanday xursandchilik namoyish etilmasligi kerak!

Dorixonada:
— Menga og‘riq qoldiradigan dori bering.
— Qayering og‘riyapti?
— Kechqurun kundaligimni adamga ko‘rsatmoqchi edim.

Kelin ishdan qaytdi. Qarasa bitta ovsini yig‘layotgan emish, ikkinchisi esa kulayotgan emish.
— Nega kulyapsiz? - deb so‘rabdi.
— Qaynonamiz tomga chiqaman deb, umbaloq oshib yiqilib tushdi.
— Unda siz nega yig‘layapsiz, tegida turganmidingiz?
— Yo‘q, man qanaqa qilib yiqilganlarini ko‘rolmay qoldim…

Afandi shayx bilan qabristonni ziyorat qilib yurar edi. U qabr toshiga yozilgan bir lavhani o‘qib hayron qoldi, unda: «Bu shaharning podshosi Sulton Abdulmalik pop Sulton Abdulmutalib jahonga mashhur bo‘lib uch yoshida vafot etdi» deb yozilgan ekan:
Afandi taajjublanib shayxdan so‘radi:
— Uch yoshida o‘lgan bola qanday qilib jahonga mashhur bo‘ladi?
Shayx javob berdi:
Sulton Abdulmalik yetmish yil yashab shundan faqat uch yilini xursandchilik bilan o‘tkazgan ekanlar. Shuni umr hisoblab, vasiyat qilganlar.
— Agar shunday bo‘lsa,— dedi Afandi,— men o‘lganimda qabrimga lavha tosh qo‘yiladigan bo‘lsa, unga: «Mulla Nasriddin tug‘ildi-yu o‘sha zamoni o‘ldi» deb yozilar ekan-da!

Yigit bo‘lajak kelinining otasi bilan suhbati:
— Qizingiz, meni xotinim bo‘lishga rozilik bildirdi!
— Hmm, o‘zing aybdorsan, har kun qatnab yurish natijasi shu-da...

Eng dodalari

Latifa.uz loyihasi haqida

Boshqa loyihalar