Eng dodalari rukniga oid latifalar | 10 dona — 496

Restoran direktori ofitsiantga dedi:
— Mijozlar bilan hech qachon tortishmang, ular hamisha haq bo‘lishadi.
— Tushunarli, ammo u mijoz sizni ...tentak deb aytdi—da!

Bir kuni Afandi go‘sht olib keldi. Xotini undan so‘radi:
— Nima ovqat qilay?
— Bilmayman, bu qanaqa ovqatga yarasa, o‘shani qila ber!
Xotini go‘shtni qo‘liga olar ekan suyunib:
— Qo‘y go‘shti yaxshi narsa-da, undan hamma narsani pishirish mumkin,— dedi.
— Unday bo‘lsa,— dedi Afandi,— hamma narsani pishira ber!

Bir odam yo‘lda ketayotib bir qizchani ko‘rib qolibdi va so‘rabdi:
— Hoy qiz, nega bu yerda turibsan, adashib qoldingmi?
Qizcha:
— Nega so‘rayabsiz, turib ham bo‘lmaydimi
— O‘zim shunday, uying qayerda?
— O‘zingiznikichi?
— Meniki chilonzorda! O‘zingizniki qayerda?
— Meniki ham Chilonzorda!
— Unda bu yerda nima qilyapsan?
— Sizni kutib turibman!
— Meni?
— Ha sizni dada!
— Iye, qizim Gulchapchap oying qani?!

Bir qari odam kasal bo‘lib yotib qoldi. Yoniga o‘g‘lini chaqirib, vasiyat qila boshladi:
— Bolalarim, jon bor yerda qazo bor. Shuning uchun hozirdan aytib qo‘yay, odamlardan olasi-berasilarim bor. Men aytib turaman, sen yozib ol.
— Xo‘p, dada, aytavering! Qani, oldin kimlardan ola-silaringiz bor, shuni ayting!
— Yoz, Eshmatda yuz so‘m, Toshmatda yuz so‘m, Isavoyda ikki yuz so‘m, Musavoyda ikki yuz so‘m...
— Ha, dadajon, aytavering, tag‘in kimlarda bor? Dadasi yana uch-to‘rt odamning nomini aytdi. Olasi-larning jami ming so‘mcha bor edi.
— Bolam, endi qog‘ozning narigi tarafini ag‘dar. Kimlarga berasilarim bor, shuni yoz.
— Qani, ayting-chi.
— Ismatxo‘ja akaga ming so‘m, Rustamxo‘ja akaga ming so‘m, Eshon akaga ikki ming so‘m, Mulla Umarboyga...
— E to‘xtang, to‘xtang, dada, endi ayniy boshladingiz,— deb, o‘g‘li uning boshini ushlab ko‘rdi,— bu gaplar isitmaning haroratiga o‘xshaydi. Yota qoling dada...

Vrach qabuliga kelgan bemordan so‘rabdi:
— Yoshingiz nechida?
— 50 ga kirdim.
— Farzandlardan nechta?
— 3 ta.
— Hammasini to‘yini ko‘rganmisiz?
— Ha, doktor! Lekin savol-javobingizdan qo‘rqib ketyapman. Kasalim jiddiymi?

— Dugonajon, chatda nima qilyapsan?
— Erni qidiryapman.
— O‘zingga umr yo‘ldoshni chatdan qidirib topmoqchimisan?
— O‘zimni erimni qidiryapman!

Dugonam bilan uni uyida kechgacha gaplashib o‘tirdik.
Hech qanday ish qilmadi. Eri ishdan kelishiga yarim soat qolganda muzlatgichdan do‘kondan xarid qilgan tayyor chuchvarani oldi-da, oshxonadagi stolga ozgina un sepib chuchvaralarni terib chiqdi.
Birozdan keyin eri ishdan qaytdi.
"Azizim! Siz yaxshi ko‘rgan chuchvarani tugib qo‘ydim. Hozir pishiraman!" - desa bo‘ladimi...?!
Kim aytdi sizga uyda o‘tirgan ayollar ko‘p ish qiladi deb? Unda bu nimasi?!

Bir mashhur chet ellik yulduz ko‘chada kimdandir qochib ketayotsa, oldidan ichki ishlar xodimi chiqib qolibdi:
— Kimdan qochyapsiz? Nima bo‘ldi? - desa, haligi mashhur yulduz:
— Yordam bering komandir! Meni bezorilar quvlab kelishyapti, - debdi.
— Mana bu yoqda, kelinglar tezroq bu yoqqa, - deb baqiribdi xodim.

May oyida ham karantin davom etishini eshitgach, boshimda qattiq og‘riq sezdim. May uchun ko‘zlagan rejalarim parchalanib ketdi shekilli.

Bir kuni Messi bilan Ronaldo gaplashib qolishibdi.
Messi:
— Meni bir nechta kuboklarim bor, - debdi.
Ronaldo esa:
— Menda esa, O‘zbekistondagi “Ummon” guruhini dastxati bor, - degan ekan.

Eng dodalari

Latifa.uz loyihasi haqida

Boshqa loyihalar