Yangilari rukniga oid latifalar | 10 dona — 506

Yirik neft ishlab chiqarish zavodi direktoriga savol berishdi:
— O‘rtoq boshliq, siz haydovchilik guvohnomasi bo‘lmagan odamni o‘zingizga haydovchi qilib ishga olgan bo‘larmidingiz?
Direktor:
— Yo‘q albatta! Axir men o‘z jonimni xavfga qo‘ya olmayman-ku!
— Unda nega falsafa fakultetini bitirgan jiyaningizni o‘zingizga o‘rinbosar etib tayinladingiz?

Afandi qarib qolgan chog‘ida mevali daraxt ko‘chatlarini o‘tqazayotgan edi, podsho kelib qoldi.
— Hoy chol,— dedi podsho,— sen piri-foniy bo‘p qolibsan. Bu ekayotgan daraxtlaringning mevasini yeyman, deb o‘ylayapsanmi?
— O‘tganlarning ekib qoldirganlaridan biz foydalanyapmiz. Endi bizning ekkanlarimizdan kelgusidagilar foydalansinlar, deb ekayapman.
Bu gap podshoga yoqib ketib, «Za» devordi. Uning «Za» degani ofarin degani edi, podsho har gal «Za» deganida ming tanga in’om berilishi shart edi. Podshoning yonidagi xazinachi darhol Afandiga ming tanga sanab berdi. Afandi qulluq qilib:
— Mana ko‘rdingizmi podshohim, mevalarim hoziroq xosil berdi,— dedi.
Podsho yanayam xursand bo‘lib, «Za» dedi. Xazinachi yana ming tanga sanab berdi. Afandining ta’bi ochilib ketdi:
— Aslida mevali daraxtlar yilda bir marta hosil beradi. Lekin podshoximning poyi-kadamlari sharofatidan ikki marta hosil berdi.
Podshoga bu gap ham xush kelib, yana «Za» devordi. Xazinachi Afandiga yana ming tangani sanab berdi-da, sekin podshoning qulog‘iga shivirladi:
— E podshohi olam, agar bu yerdan tezroq ketmasak, bu chol xazinangizni butkul, qurutadi...

Bitta erkak yiqilib tushib, boshini yorib olibdi. Qonini yalab ko‘rib, “Peshonam sho‘r ekan”, - dermish.

— Eshitdingmi? Doniyor mashina olibdi!
— O, zo‘r-ku! Qanakasidan?
— «D» harfidan boshlanadiganidan.
— «Damas»mi?
— Yo‘q.
— «Dogan»mi?
— Yo‘q. Dab-dalasidan! Besh martta urilgan.

Restoranda quyon va bo‘ri suhbatlashib o‘tirishibdi. Quyonjon, senga maza, doim puling bor menda esa hech vaqo yo‘q, shuncha pulni qayerdan olasan?
— Menga pulni mashuqam beradi.
— Meniki esa bir tiyin ham bermaydi, debdi bo‘ri
— Eh, bo‘rivoy sen juda qo‘polsan, tirnoqlaring o‘tkir. Sen asta-sekin muloyimlik bilan xotiningni qo‘lini, qo‘lingni orqasi bilan silasang albatta pul beradi.
Bo‘ri shoshib uyga borsa, xotini uxlab yotgan ekan, sekin borib kaft orqasini silasa,
— Ha, quyonjon, puling tugadimi, debdi.

Bog‘cha bolalari kasallikka qarshi emlanibdi. Bir bolakay spirtli paxtasini olib hidlayotganmish.
— Nega unaqa qilyapsan? - deyishsa, bolakay:
— Adamni hidi kelyapti, - dermish.

O‘g‘li onasidan so‘rabdi:
— Oyijon sizni ko‘zingiz qorong‘ida ko‘radimi?
— Yo‘q, ko‘rmaydi, nimaga so‘rayapsan?
— Kecha kechqurun dadamdan soqolingiz o‘sibdi deganizga, - debdi.

Bir shilqim oshnasi bilan ketayotib, otda sayr qilib yurgan bir go‘zalni uchratib qoldi va do‘stiga dedi:
— Oh, shu go‘zalning oti bo‘lib qolsam ham mayli edi!
— So‘rab ko‘rchi, balki eshakda sayr qilishga ham rozi bo‘lar, taklif qildi sherigi.

Uzoq vaqt ko‘rmagan dugonamni uchratib qoldim.
— Qalaysan? Voy, namuncha semirib ketding? – desam, dugonam:
— Axir men 2ta farzandli bo‘ldim, - dedi. Shunda:
— Nima sen ularni yeb qo‘ydingmi? – deb yuboribman.

Bugun dahshatli tush ko‘ribman. Tushimda ishga kech qolayotgan ekanman...
Voy! (Uyg‘onib ketib...) Iye, ishxonada ekanman-ku... Ko‘rgan tushim qurib ketsin...!

Yangilari

Latifa.uz loyihasi haqida

Boshqa loyihalar