Uddaburonlar rukniga oid latifalar | 10 dona — 34

So‘nggi xabarlardan biri:
Aniqlashlaricha, hamma dinazavrlarni ko‘rinishi bir xil bo‘lgan. Faqat hamma arxeologlar suyaklarni har xil qilib yig‘gan ekanlar.

Niqob taqib yurgan odamni yoniga bittasi kelib debdi:
— Koronavirus uzoqqa cho‘zilmaydi.
— Nega? - debdi haligi odam.
— Xitoyliklarni ishlab chiqargan narsasini bilasan-ku... - degan ekan.

Bugun ertalab xotinim:
— Dadasi, bugun oyim mehmonga kelar ekanlar, - dedi.
Men o‘zimni iloji boricha xotirjam tutib:
— Onajonimiz necha yoshda edilar? - desam, xotinim:
— 58 yoshdalar, - dedi.
Men yanada bosiqlik bilan:
— Eshitmayapsanmi xabarlarni? Koronavirus 50 yoshdan oshganlarda ko‘p uchraydi.
Mehmondorchiliklar ham vaqtincha to‘xtatilib turilishini-chi, eshitdingmi o‘zi!?
Onangga ayt, men ular haqida qayg‘uryapman, - dedim-da ancha yengil tortdim.
Bu so‘zni 16 yildan buyon shunaqayam aytgim kelardiki...

Bugun korzinkada aravachaga bir talay oziq-ovqatlarni to‘ldirib olgan ikkita yigitga ko‘zim tushdi.
Biri ikkinchisiga:
— Shuncha grechka, un va shakarlarni nima qilamiz? - desa, ikkinchisi:
— Menimcha g‘irt ahmoqgarchilik bilan shug‘ullanyapmiz! - debdi.
Keyin yana birinchisi:
— Ko‘p gapirmasdan yog‘dan ol! Qara hamma olib ketyapti. Hozir qolmaydi...! - dermish.

Bir qizni uyiga yigitidan sovchilar keladigan bo‘lib qolibdi. Lekin qiz onasiga bu haqda nima deb aytishni bilmay debdi:
— Oyijon, yaqinda uyimizda to‘y bo‘ladi.
Onasi bo‘lsa:
— Voy qizim, otang olamdan o‘tganidan keyin ancha yolg‘izlanib qoldim..., - degan ekan.

Tanish-bilishlariga qarz berib qaytarib ololmayotganlar diqqatiga:
Hozir uyiga boring! Aniq topasiz!

Karantinda o‘tirish juda foydali ekan.
Bitta paketga 2078 ta, ikkinchi paketga esa 3020 ta grechka donasini solib bizni aldab yurishgan ekan insofsizlar! Bugun shuni aniqladim!

Yigit:
— Men sizni sevaman.
Qiz:
— Kim bu?
Yigit yana:
— Men sizni juda qattiq sevaman.
Qiz:
— Kim bu deyapman? Menga bunday SMSlarni yozmang!
Yigit:
— Meni ikkita Kaptivam bor.
Qiz:
— Men ham sizni sevaman.
Yigit:
— Kim bu?

Bir kishi omborida qo‘lbola aroq tayyorlar ekan. Chelakni ko‘tarib suvga chiqib ketib qaytib kelib qarasa, ikkita militsioner turganmish.
— Hm, samogon qaynatyapmizmi? – deyishibdi ular. – Tushuntirish xati yoz!
— Nima deb yozay?
— Borini yoz! Qanday bo‘lsa shunday!
Haligi kishi shunday deb yozib beribdi:
“Qarasam ombordan tutun chiqyapti. Yong‘in deb o‘ylab, chelakni suvga to‘ldirib chopib kelsam, ikkita melitsiya qo‘lbola aroq qaynatib o‘tirishgan ekan...”

Hozircha kreditlarni to‘lamay turing! Bankdan qo‘ng‘iroq qilishsa, telefon go‘shagiga qattiq yo‘taling.

Uddaburonlar haqida latifalar

Latifa.uz loyihasi haqida

Boshqa loyihalar