Uchrashuv rukniga oid latifalar | 10 dona — 3

Yigit bilan qiz kechqurun gaplashib o‘tirsa, bir payt qiz:
— Sovuqottim, - debdi
Yigit kostyumini kiydiribdi.
Qiz yana:
— Sovuqotvomman, - desa
Yigit:
— Shapkasiniyam kiydiribdi.
Qiz:
— Yo‘q, siz meni tushunmadingiz. Men oyijonimga sovuqottim desam, quchoqlab, isitib qo‘yardilar, - desa
Yigit:
— Voy, san g‘alati qiz ekansan-ku. Yarim kechasi oyingni qattan topib kelaman, - dermish

Yigit bilan qiz uchrashuvga chiqibdi.
Yigit juda uyatchan ekan, qiz esa uni quchoqlab o‘pishini xohlab turibdi.
Sal turib qiz:
— Voy, ko‘zim og‘riyapti.
Yigit qizni ko‘zidan o‘pib:
— Endi og‘rimayaptimi, - debdi
— Yo‘q...Voy, bo‘ynim og‘riyapti...
Yigit bo‘ynidan o‘pib:
— Endi og‘rimayaptimi?
— Yo‘q.
Sal narida kuzatib turgan bir chol kelib yigitga:
— O‘g‘lim gemoroyni ham davolaysanmi?, - dermish

Yigit:
— Menga turmushga chiqasizmi?
Qiz:
— Men turmushga chiqadigan yigit kuchli va ishbilarmon ham bo‘lishi kerak.
Yigit:
— Axir men seni bezorilardan qutqardim-ku!
Qiz:
— Albatta! Lekin ishbilarmon emassiz-ku?!
Yigit:
— Agar bilsang, o‘sha bezorilarni yuborgan ham men bo‘laman.

Ikki sevishgan gaplashib o‘tiribdi. Qiz:
— Dadam bilan gaplashib ko‘ring. Menga shunda uylansangiz bo‘ladi, - debdi.
Yigit qizning otasini yoniga boribdi. Otasi yigitdan so‘rabdi:
— Nima ish qilasan?
— Falon joyda.
— Maoshing qancha? – yana so‘rabdi qizning otasi. ⠀
— 400 ming so‘m debdi yigit.
— Iye, bu oyliging qizim bir oyda yeydigan go‘shtning ham puli emas-ku! – deb yigitni haydab yuboribdi otasi.
Yigit qizning uyidan chiqib ketayotsa, qiz:
— Ha, otam rozi bo‘lmadilarmi? - desa, yigit qizga qarab:
— Bor-yey! Sen ham ko‘p go‘sht yeydigan o‘zbeklardan ekansan! – dermish.

Afandi eshagini yetaklab ketayotsa, oldidan katta amaldor chiqib qolibdi.
— Ha, afandi! Eshagingizni maktabga olib ketyapsizmi? – debdi amaldor kulib.
— To‘g‘ri topdingiz. Maktabga ketyapti. O‘qisin! Yaxshi o‘qisa, kelajakda katta amaldor bo‘ladi, - degan ekan hozirjavob afandi.

Qiz bolani uyiga sovchilar kelib-ketibdi.
Onasi:
— Nimasi yoqmadi? Tuppa-tuzuk yigit-ku!
Qiz:
— Yoqmadi! Sariq-mashak! Sochini qarang, sap-sariq!
Qo‘shni xonada qizini gapini eshitib o‘tirgan adasi:
— Tegaver, zarari yo‘q! Sen bilan 1 yil yashasa, sochi oppoq bo‘ladi-ku!

Bir tadbirkor yigitning sevgan qiziga aytgan so‘zlari:
“Sog‘lom inson yuragi nechi pul turishini bilasanmi?!
Men ahmoq sen noshukurga yuragimni “shundoq” berib o‘tiribman-a!!!”.

Avtobus bekatida ikki notanish erkak turibdi. Birining sochlari malla, ikkinchisi kal. Mallasoch erkak nimadan gap boshlashni bilmay so‘radi:
— Ha, birodar, Xudo sizni sochdan qisganga o‘xshaydi-a?
— Nega qisadi? Malla soch bermoqchi bo‘lgandi, o‘zim istamadim.

Parkda yigit bilan qiz quchoqlashib o‘tiribdi.
Qiz:
— Menga shunday ishonarli chin so‘zingizni ayting yuragim hayqirib ketsin,
Yigit
— Orqamizda dadang bilan ikkta milisa turibdi!

Uchrashuv haqida latifalar

Latifa.uz loyihasi haqida

Boshqa loyihalar