Uchrashuv rukniga oid latifalar | 10 dona — 2

Uchrashuvga chiqqan yoshlar suhbatlashmoqda:
— Qayerda ishlaysiz?, - so‘rabdi qiz.
— Yoqilg‘i quyish shahobchasida, - javob beribdi yigit.
— Qo‘lingizdan yana biror nima keladimi?
— Ha. Benzinning hidi keladi.

Bir yigit taksi to‘xtatib turgan ekan. Matiz, Jiguli kelib to‘xtasa, o‘tirmabdi. Oxiri Kobalt to‘xtagan ekan o‘tiribdi-da, haydovchidan so‘rabdi:
— Isming nima?
— Azamat.
— Sendan bir iltimosim bor Azamat. Hozir yaxshi ko‘rgan qizimni yoniga ketyapman. Uni oldiga borganda, "Menga ruxsatmi xo‘jayin?" deysan. Men "Ha" deyman. Keyin benzinga pul so‘raysan, men senga besh ming beraman. Shu bilan oramiz ochiq, - debdi.
— Haydovchi ham rozi bo‘libdi.
Qizni yoniga yetib borishibdi. Yigit qiz bilan ko‘rishib tursa, kelishilganidek haydovchi — Menga ruxsatmi xo‘jayin?, - debdi.
— Ha ruxsat. Bo‘shsan, - debdi yigit.
Shunda haydovchi:
— Xo‘jayin mashinamizdan shovqin chiqyapti. Yuz ming bering, ustaga ko‘rsatib kelay!, - dermish.

Kinoteatrda yigit bilan qiz o‘tirishibdi.
Yigit:
— Sizga yaxshi ko‘rinyaptimi kino?
— Ha.
— O‘tirish qulaymi? Oldizdagi odam xalaqit bermayaptimi?
— Yo‘q.
— Oyog‘izga pastdan shabada urmayaptimi?
— Muncha myehribonsiz-a... Yo‘q hammasi juda yaxshi. Havotir olmang! - desa
— Keling unda almashib olaylik, - dermish...

Bir kuni chol-kampir yoshlikni eslashmoqchi bo‘lishibdi. Chol kampirga debdi:
— Men seni uchrashuvga chaqiraman.
Chol uchrashuv joyiga borib, kampirni bir soat kutibdi. Kampirni yoniga qaytib kelib:
— Nega bormading, - desa, kampir:
— Onam ruxsat bermadilar, - dermish.

Qiz kafeda o‘tirar edi. Begona yigit yoniga kelib:
— Yaxshi qiz, tanishamizmi?
Qiz:
— Meni yigitim bor.
Yigit:
— Meni 2 etajli uyim, kaptivam bor.
Birdan qiz yig‘lab yubordi.
Yigit:
— Ha, nima bo‘ldi?
Qiz:
— Meni yigitim tashlab ketgan...

— Yaxshi qiz, siz bilan bugun biror joyda uchrashsak bo‘ladimi?
— Keling, ertaga uchrashamiz... Bugun erimni tug‘ilgan kuni edi, bolalarni bog‘chadan olishim kerak!

Bir yigit chiroyli qizni oldiga kelib:
— Yaxshi qiz, menimcha siz oq otdagi shahzodangizni kutyapsiz, shundaymi?
Qiz:
— Ha, shunday!
Yigit:
— Ketdik unda...
Qiz:
— Shahzoda qani...?

Yigit qiz tanishuvi:
Yigit:
— Yaxshi qiz, sizga qanaqa yigitlar yoqadi?
— Menga harbiy yigitlar yoqadi ular qo‘rqmas bo‘ladi. Yanachi-yana hind yigitlari yoqadi, ular judda ehtirosli bo‘lishadi.
— Yanachi?
— Koreys yigitlari yoqadi ular mohir qilichboz bo‘lishadi.
— Unda tanishib qo‘yaylik, oddiy leytenant Amitabx Jumong.

— Yaxshi qiz, yoshingiz nechida?
— 23ni urib qo‘ygandim...
— Ancha bo‘ldimi urganingizga?
— 7 yilcha bo‘lib qoldi...

— Salom yaxshi qiz! Ismingiz nima? Tanishsak bo‘ladimi?
— Yo‘q!
— Aytaqoling...
— Yosh bolamisiz!? Yo‘q dedim-ku!
— Men sizni bir ko‘rishda sevib qoldim. Siz bilan baxtli hayot qurmoqchiman!
— Mayli, ismim – Zarina.
— Yosh bolamisiz?! Aldasam ham ishonaverasiz...

Uchrashuv haqida latifalar

Latifa.uz loyihasi haqida

Boshqa loyihalar