Telefon rukniga oid latifalar | 10 dona — 6

Bir kuni taksida qo‘rqoq, sarguzashtparast va ziqna odam ketayotishsa, birdan taksi yonidan boshqa mashina kelib urilibdi. Shu payt taksi mashinasi joyida aylana boshlabdi, haydovchi mashinani to‘xtata olmay sarosimada...
Qo‘rqoq:
— Voy-dod! To‘xtang mashinani! - deb baqira boshlabdi.
Sarguzashtparast haydovchiga:
— Iye, shoshmay turing! Selfivideo qilib olay! - desa, ziqna:
— Taksini kilometr hisoblagichini o‘chirmaysizmi!? - dermish.

— Meni qo‘l telefonim uy telefoniga aylanib qoldi.
— Nega?
— Nuqul elektr quvvatlagichda turadi...!

Beshta og‘ayni choyxonada o‘tirsa, telefon jiringlabdi:
— Allo, adasi, kecha men sizga aytgan tilla zanjirni bugun qo‘shnimiz sotib chiqdi. Olaveraymi?
— Ha, olaver!
— Keyin, internet orqali yangi telefonga ham buyurtma berib yubormoqchiman, maylimi?
— Mayli!
— Kelasi hafta 8 mart bayrami ekan. Shunga yangi ko‘ylak ham tiktirmoqchiman. Uydagi puldan olib, tikuvchiga borib kelsammikin degandim?!
— Xo‘p mayli, boraver!
Telefon suhbati tugagach, yigit telefonni joyiga qo‘yib debdi:
— Og‘aynilar, manavi telefon o‘zi kimniki edi???

Uyida qo‘l telefonini unutib qoldirgan er ishxonadan xotiniga qo‘ng‘iroq qilyapti:
— Azizim, telefonimni o‘chirib qo‘ysang. Jiringlayverib seni bezovta qiladi.
Xotini:
— Sizga Alisherdan SMS keldi. Bugun tunda kutar emish...! Ko‘ziga uyqu kelmayotgan ekan...! – debdi jahl bilan.
Eri:
— Meni uyga kirgizmaysanmi??? – desa, xotini:
— Nega endi!? Bugun kechasi uxlashingiz uchun darvozani yoniga joy tayyorlab qo‘ydim! – dermish.

Qiz yigitdan so‘radi:
— Lasettingiz bormi?
Bola:
— Yo‘q!
Qiz:
— Narxozda o‘qiysizmi?
Bola:
— Yo‘q!
Qiz:
— 2 etajli uyiz bormi?
Bola:
— Yo‘q!
Qiz:
— Unda sizga bort!
Bola:
— Nima san bilan tanishish uchun Pradoimni sotib Lasetti olishim, Westminster'dan Narxozga perevod qilib, 3 etajli uyimni buzib 2 etaj qilishim keremi? Yo‘q, man bunaqa qilomiyman uzur! Sanga bort!!!
Qiz:
— Alo, alo, man hazillashudim!!!
— Tuuut—tuuut—tuuut

Yarim tunda bir ayolning telefoni jiringlabdi:
— Allo, kim bu?
Go‘shakdan mast erkakning ovozi kelibdi:
— Hozir men telefonda gapiryapmanmi?
Ayol asabiylashib:
— Yo‘q, televizorda gapiryapsan!
— Voy, jonli efirga kiyimsiz chiqdimmi?!

— Yaxshi qiz, sizni suratga olsam maylimi?
— Nega kerak sizga???
— Telefonimni ekraniga qo‘ymoqchiman, bolalarim unga tegmasliklari uchun...

Ota: O‘g‘limni telefonini qo‘limga olib, qaradim. Xotinimni raqamini "Xo‘jayin" deb yozib qo‘yibdi. Meni raqamimni nima deb saqlagan ekan??? "Xo‘jayinning xo‘jayini" degan yozuv chiqdi. Ma’qul!

Bir mast odam militsiyaga qo‘nqirok qilib:
— Allo, militsiya. Bu yerda 1000 kishi o‘lib yotibdi.
Militsiya:
— Allo, allo, siz hozir qayerdasiz?
— Qabristonda.

Bir qiz dugonasiga maslahat bermoqda:
— Agar sevgan yigiting seni rashk qilishini xohlasang, unga mana bunaqa sms xabar yozib yubor!:
"Jonim, yaqinda to‘yim bo‘ladi. ...voy uzr, sizga ketib qolibdi".

Telefon haqida latifalar

Latifa.uz loyihasi haqida

Boshqa loyihalar