Telefon rukniga oid latifalar | 10 dona — 5

Uyga qaytgan o‘g‘il, telefonidan ko‘zini uzmay o‘tirgan onasiga:
— Oyijon men keldim! – desa, onasi o‘g‘liga qaramay:
— Qayerlarda sang‘ib yuribsan? – debdi beparvolik bilan.
O‘g‘li onasiga:
— Oyi, men armiyadan qaytdim!!! – degan ekan.

Yigit qizga sms yozayapti:
— Shalom shevgilim! Yaxshimisan?
Qiz hayron bo‘lib:
— Jonim, nega "s" harfini o‘rniga "sh" harfini yozayapsiz?
— Og‘zimda nosim bor-da, ashalim!

Bir qizalok oyisiga:
— Oyi, men kecha telefon topib oldim.
— Qani u?
— Tashlavordim.
— Nimaga?
— Uni qech qanaqa knopkalari yo‘q, buni ustiga orqasida yarmi tishlangan olma rasmi yopishtirib qo‘yilgan ekan.

Radioning jonli efiriga navbatdagi tinglovchi qo‘ng‘iroq qilib gapiryapti:
“Kecha ko‘chadan pul to‘la hamyon topib oldim. Hamyon ichida puldan tashqari Yunusobod tumani, Bodomzor ko‘chasi 8 uyda yashovchi Qodirov Alishyer nomiga tashrif qog‘ozi ham chiqdi. Iltimos, Alisherga biror-bir qo‘shiq qo‘yib bersangiz”.

Xotirasi past yigit sevgan qizidan SMS kutaveribdi-kutaveribdi...
Oxiri sevgilisi yo‘qligi esiga tushib qolibdi.

Shifokor huzurida:
— Salom doktor! Biz keldik.
— Kechirasiz, siz bir o‘zingiz-ku?!
— Men va mening kasalliklarim!

Biri maqtanchoq boshqasi esa kamtar bo‘lgan ikki do‘st suhbati. Maqtanchoq kerilib gap boshladi:
— Vanihoyat iPhone 8 oldim. Telefonmisan telefon ekan!
Funksiyalari dahshat!
— Tabriklayman do‘stim!
— Ishonasanmi, ko‘chada, ishxonada, transportda hamma menga qaraydi... Seni esa yurishingni qara!? Xitoyliklarni matohini tutib...! Gadoymisan nima balo?!
— Nasib qilgani shu ekanda...
— Mayli siqilma, zo‘r bo‘ladi hali. Ha, aytgancha, do‘stim, maoshgacha ozgina qarz berib turolmaysanmi???

Bir kishini uyiga o‘t ketibdi.
O‘t o‘chiruvchilarga qo‘ng‘iroq qilsa, operator gapira boshlabdi:
"Oshxonangiz yonayotgan bo‘lsa 1 raqamini bosing, mehmonxonangiz yonayotgan bo‘lsa 2 ni bosing, yotoqxona yonayotgan bo‘lsa 3 ni bosing, ..."
Haligi kishi shoshib-pishib bitta raqamni bosibdi. Operator yana gapiraveribdi:
"Operator bilan 10 daqiqadan so‘ng bog‘lana olasiz".
Uyi yonib kul bo‘lgan kishi:
"Rahmat! Uyim yonib bo‘ldi!" deb telefonni qizil tugmasini bosib qo‘ygan ekan.

Yarim tun, soat 2:00.
Telefon qo‘ng‘irog‘i jiringlab, narigi tomondan "Nega shu mahalda uxlamayapsan?" degan savolni eshitib aqldan ozay dedim.
Menga qo‘ng‘iroq qilgan odam shu savolni o‘ziga ham berib ko‘rganmikin?!

Bir talaba yigit ertalab nonushta qilib, telefoniga o‘rnatilgan TashBus da avtobus qachon kelishini qarab o‘tirsa, buvisi debdi:
— Bolaginam, nima qilyapsan?
— Avtobus kutyapman, - javob beribdi nabirasi.
Buvisi nabirasini ahvolidan xavotir olib:
— Bu telefon o‘lgur yoshlarni aqldan ozdirmasaydi. Oshxonada-yam avtobus kutadimi?! - dermish.

Telefon haqida latifalar

Latifa.uz loyihasi haqida

Boshqa loyihalar