Qaynona-qaynota rukniga oid latifalar | 10 dona — 1

Qaynona kuyoviga:
— Agar sen meni erim bo‘lganingda, senga zahar bergan bo‘lardim, - desa.
Kuyov:
— Agar siz meni xotinim bo‘lganingizda, o‘sha zaharni o‘zim ichgan bo‘lardim.

Bir yigit uylanmoqchi bo‘lib, onasiga uchta qizni ko‘rsatibdi-da, — Onajon, toping qaysi biri keliningiz?, - desa, onasi:
— O‘rtadagisi, - debdi.
Yigit hayron bo‘lib:
— Qayerdan bildingiz?, - desa, onasi:
— Shunisiga qarasam, asabim buzilyapti, - dermish.

Er-xotin va mehmonga kelgan qaynona tushlik qilib o‘tirishibdi. Ovqatini yeb bo‘lgan qaynona o‘rnidan turishi bilan, u o‘tirgan joyga devordagi katta soat to‘satdan sharaqlab tushibdi.
Shunda eri:
— La’nati soat. Doim kechikib yuradi-ya.

Kuyovjo‘ra kuyovdan so‘rayapti:
— To‘ydan keyin labingga uchuq toshib ketibdimi? Nimadan bunchalik qo‘rqib ketding...?
— E-ey, to‘yxonada qaynonam uchta bo‘lib qolganini ko‘rdim.
— Ular qaynonangni opa-singillari edi-ku...

Er va xotinning ajrashib ketishiga faqat er sababchi emas! Unutmang, qars ikki qo‘ldan chiqadi. Qaynona-chi, u ham aybdor!

Fermer xotiniga:
— Xotinjon, bahorda atrof qanday go‘zal-a! Qaynonamni, opa-singillaringni, amma-yu xolalaringni qizlarini, dugonalaringni, xullas hamma ayol qarindoshlaringni uyimizga chaqir. Sizlarga tabiat qo‘ynida osh damlab bermokchiman, - desa
Xotini:
— Voy, o‘zimni mard erjonim-yey, bizni toqqa olib borasizmi, - desa
Eri:
— Qanaqa tog‘?! Kuzda ekib qo‘ygan 3 gektar piyozimni o‘t bosib ketibdi, dalaga piyoz o‘toqqa borasizlar, - dermish.

Er-xotin televizor ko‘rib o‘tirsa, xotini:
— Voy, oyijon! – deb yuboribdi.
Eri bo‘lsa:
— Rostan, o‘xshar ekan! – dermish.

Qaynona kuyovlarini sinab ko‘rmoqchi bo‘libdi. Kuyovlari mehmonga kelgan kuni hovlisidagi basseynga qaynona o‘zini tashlabdi. Katta kuyovi ko‘rib qolib, "Oyijon" deb yugurib kelib, suvga sakrab qutqarib olibdi.
Ertasi kuni qaynona shu kuyoviga Neksiya sovg‘a qilibdi. Yana bir kun poylab o‘zini suvga tashlabdi. Bu kunni intizorlik bilan kutgan o‘rtancha kuyov yugurib kelib, kiyimlari yechmasdan suvga sakrab qaynonasini qutqarib chiqibdi. Ko‘p o‘tmay u kuyov ham Matizli bo‘libdi.
Uchinchi martta cho‘kayotganida kenja kuyov parvo ham qilmabdi. Qaynona baqirarmish: "Qutqaringlar, Yordam bering kuyov bola!!!
Kenja kuyovi buni eshitib:
— Menga velosiped sovg‘a qilgandan ko‘ra, cho‘kib ketganingiz yaxshi, - debdi.
Qaynona cho‘kib ketibdi. Marakalarni o‘tkazib, uyiga qaytmoqchi bo‘lgan kuyovni qaynotasi uni bir chepga chaqirib:
— Kuyov bola, mana kalit! Darvozani yonida turgan yangi Malibuni haydab ketarsiz...! - dermish.

Ko‘chada kuchli shamol ko‘tarilib, yomg‘ir yog‘a boshlabdi. Shu payt uy eshigini kimdir taqillatibdi. Er borib, eshikni ochsa, ostonada shalabbo bo‘lib ketgan qaynonasi turgan emish. Kuyov hayajonlib:
— Oyijon, shu yomg‘irda nega ko‘chada yuribsiz? Tez uyingizga boring! – debdi-da eshikni yopib qo‘yibdi.

Xotini ota-onasini uyidan xomush qaytib kelib, erini yoniga o‘tirib unga debdi:
— Otamni biznesi muvafaqqiyatsizlikka uchradi. Endi umuman pulsiz qoldilar...
Eri bu gapni eshitib, jig‘ibiyron bo‘la boshlabdi:
— Bilardim, otang bizni ajratish yo‘lini baribir topishlariga ishonchim komil edi...!

Qaynona-qaynota haqida latifalar

Latifa.uz loyihasi haqida

Boshqa loyihalar