Pul-boylik rukniga oid latifalar | 10 dona — 5

Vrach bemorga:
— Sizni operatsiya qilishdimi?
— Ha.
— Xo‘sh qalay?
— Uch yuz ming!
— Meni tushunmadingiz. Sizda o‘zi nima edi?
— O‘zi yuz ming pulim bor edi.
— Aniqrog‘i, nimaga shikoyatingiz bor?
— Kasalxona to‘lovi juda-yam qimmat...

Er xotiniga yalindi.
— 20000 so‘m ber…
— Yo‘q, bersam yana ichib qo‘yasan.
Kechqurun xotin ishdan kelib qarasa, uyda g‘ozlar yo‘q.
— Xoy, er, g‘ozlar qani?
Shirakayf er:
— G‘ozlar janubga uchib ketishdi. Agar 20000 so‘m bermasang, qo‘ylar ham toqqa chiqib ketishadi.

Yigit:
— Seni sevaman.
Qiz:
— Xa-xa-xa.
Yigit:
— Seni sog‘indim.
Qiz:
— Xa-xa-xa.
Yigit:
— Qachon ko‘rishamiz?
Qiz:
— Xa-xa-xa.
Yigit:
— Ko‘rishganimizda sanga tilla oberaman.
Qiz:
— Qachon?
Yigit:
— Xa-xa-xa.

Bir odam donishmandni yoniga kelib debdi:
— Nimaga kambag‘al odamdan yordam so‘rasang, qo‘lidan kelgancha ko‘mak beradi-yu, boy va mansabdordan yordam so‘rasang yordam bermaydi.
Donishmand javob beribdi:
— Derazaga qara! Nimani ko‘ryapsan?
— Ko‘chani, odamlarni, ...
— Endi, ko‘zguga qara!
— Ko‘zguda o‘zimni ko‘ryapman faqat.
— Ana ko‘rdingmi!? Oynaga ozgina kumush qo‘shilgan edi, faqatgina o‘zingni ko‘rsatadigan bo‘lib qoldi. Huddi shu kabi, insonlarga ozgina boylik berilsa, o‘zidan boshqa hech kimni ko‘rmaydigan bo‘lib qoladi.

Kafeda ovqatlanib o‘tirsam, yonimga bir yigit kelib, — Sizni o‘rningizga men to‘lasam maylimi? - degan edi
Sumkamdan gaz, suv, elektr energiyasi uchun kvitansiyalarni olib, qo‘liga tutqazdim!

Pullar - bevafo bo‘lishadi. Ko‘chaga aylanishga sen bilan birga chiqishadi-yu, uyga bir o‘zing qaytasan!

"Ikkichi"larning 2 ta narsasi bo‘ladi: mashinasi va uyi.
"Uchchi"larning 3 ta narsasi bor: mashinasi, uyi va dalahovlisi.
A’lochilarning 5 ta narsasi bo‘ladi: kal boshi, ko‘zoynaklari, eng kam oylik ish haqqi, qon bosimi va ko‘krak nishoni.

Jahon moliyaviy inqirozi jarayonida ikki iqtisodchi bir-biri bilan suhbatlashyapti:
— Og‘ayni shu kunlarda kechalari umuman uxlay olmayapman. Inqiroz qattiq ta’sir qildi menga. Sizchi, sizda qanday kechyapti?
— Men chaqaloqlardek uxlayapman.
— Yo‘g‘-ye?
— Ha, har 10 minutda uyg‘onib, yig‘lab-yig‘lab olyapman.

Adasi do‘stlari bilan karta o‘ynab o‘tirishsa, kichkina o‘g‘li adasini yoniga kelib:
— Ada, to‘rtta tuz bo‘lsa yutadimi-yutqazadimi?, - debdi.
— Yutadi! Nariroqqa bor, - debdi adasi o‘g‘liga.
Bu gapni eshitgan do‘stlari qo‘llaridagi kartalarni tashlab:
— Bo‘ldi, sen yutding, - deyishibdi.
Adasi esa o‘rtadagi pullarni yig‘ib olar ekan, o‘g‘li unga:
— Ada, qo‘lingizda umuman tuz yo‘qligi yomon-a?, - dermish.

— Oxirgi martta so‘rayapman, qani meni pullarim???
— Xudoga shukr, boshqa bu savolni eshitmas ekanman!

Pul-boylik haqida latifalar

Latifa.uz loyihasi haqida

Boshqa loyihalar