Oʻqish-maktab rukniga oid latifalar | 10 dona — 12

Imtihonda chiroyli talaba qiz biletdagi savollarga javob topa olmay o‘tirsa, o‘qituvchi yoniga kelib:
— Yaxshi qiz, bugun kechqurun bo‘shmisiz...? - debdi.
Qiz xursand bo‘lib, — Ha bo‘shman, - deb nozlanib javob bersa, o‘qituvchisi:
— Bo‘lmasa, kechasi o‘tirib savollarga yaxshilab tayyorlaning. Qayta topshirasiz! - degan ekan.

O‘g‘li matematika fanidan "2" baho olib kelibdi.
Ota:
— Nega "2" olding?
O‘g‘il:
— Ustozim 2+3 nechi bo‘ladi dedilar. Men 5 dedim.
Ota:
— Xo‘sh?
O‘g‘il:
— 3+2 nechi deb yana so‘radilar.
Ota:
— Tentak. Ahmoq. Esing joyidami? Ikkalasi ham bir xil-ku!
O‘g‘il:
— Men ham unga huddi shu so‘zlarni aytdim-da!

Konservatoriya talabasi mutaxassislik bo‘yicha bitirish imtihoni oldidan hayajonlanib tursa, kursdoshi:
— Shu ham muammomi? Imtihon oladigan o‘qituvching yozgan kompozitsiyasini olgin-da, boshidan oxirigacha teskari o‘girib yozginda, topshirib chiqaver! – deb maslahat beribdi.
Talaba hafa bo‘lib:
— Unaqa qilib ko‘rdim, ustozim yozgan musiqasini teskari chalib ko‘rsam, Betxovenni musiqasi chiqyapti.

Yoshim 25 da bo‘lsa ham, hafta kunlarini eslasam, maktabdagi kundaligim ko‘z o‘ngimga keladi.
Sizlarda-chi?

Daraxt tepasida rektor, dekan va kafedra mudiri o‘tirishgan ekan. Bir payt daraxt tagidan talaba o‘tib qoldi.
Rektor:
— Kelinglar, uning oyog‘i ostiga 10000 so‘m tashlaymiz. Uni olib, hursandchilik uchun ichadi. Biz uni qo‘lga tushurib, stipendiyasidan mahrum qilamiza.
Dekan:
— Yo‘q, yaxshisi 50000 so‘m tashlasak, butun gruppa ichadi. Hammasini stipendiyasini bekor qilamiza.
Kafedra mudiri dekan qulog‘iga:
— Yaxshisi, rektorni daraxtdan itarib yuborsak, yarim soatdan so‘ng butun institut hursandchiligidan ichadi.

Institut va universitetlarda kontrakt asosida o‘qiydigan, lekin darslarga qatnashmaydigan talabalarda ajoyib imkoniyat bor.
Ular bir necha million so‘mga to‘rt yil ichida savodsizlikni sotib olishlari mumkin. Kamlik qilsa, yana ikki yil bor...!

— Enajon, yoshingiz 80 ga yetibdi. Sizning hujjatlaringizni institutga qabul qila olmaymiz. Qarigan chog‘ingizda nima uchun o‘qishga kirmoqchisiz?
— Bolam, hamma gap cholimda. Cholim talaba qizlarni yaxshi ko‘radi-da.

— Ertalab uyg‘onganingda sendan maktab, institut yoki ish? Qaysi biriga borishni xohlashingni so‘rashsa, sen nima degan bo‘larding.
— Men bog‘chaga degan bo‘lardim.

O‘qituvchi o‘quvchidan so‘rabdi:
— Shekspir nechanchi yilda tug‘ilgan?
— 1564 yilda.
— 1565 yilda esa nima bo‘lgan?
— Shekspir 1 yoshga to‘lgan.

Talabalar yotoqxonasi. Tong.
— Voy belim, yomon og‘riyapti!
— Kechasi bilan hurrak otganingdan keyin og‘riydi-da!
— Kechasi bilan yana meni tepib chiqding-mi...?

Oʻqish-maktab haqida latifalar

Latifa.uz loyihasi haqida

Boshqa loyihalar