Lof-yolgon rukniga oid latifalar | 10 dona — 22

— Salom do‘stim! Eshitishimcha urushda sen yarador bo‘lgan ekansan?
— Ha, chap ko‘kragimga o‘q tekkan.
— Unda qanday qilib tirik qolgansan, yuragingga tegmaganmi o‘q?
— Yo‘q! O‘q tekkan paytda yuragim tovonimga tushib ketgandi.

Buyurtmachi tayyor binoni qabul qilib olayotib 50 metr yerga qazib qurilgan quduqni ko‘rib qolibdi. Quduqni atrofini g‘isht bilan o‘rab, oxiriga katta chiroq ham o‘rnatilgan emish.
— Bu nima? – deb so‘rabdi prorabdan.
— Mana siz bergan loyiha chizmasi bo‘yicha qurdik, - deb chizmani uzatibdi prorab.
Buyurtmachi chizma tushirilgan qog‘ozni 180 graduska aylantirib:
— Axir bu 50 metrli minora edi-ku! – degan ekan.

Bir er xotiniga 8 mart bayramiga uchta bir xil ichki kiyimlardan sovg‘a qilsa, xotini sovg‘alarni olib:
— Adasi, bu nima qilganingiz? Nega bularni hammasi bir xil? Ko‘rganlar umuman almashtirmas ekan demaydimi?! - degan ekan.

Erkak do‘stidan so‘radi:
— Xotiningga 8 martda nima sovg‘a qilding?
— Erkinlik sovg‘a qildim, erkinlik!

Talaba burga ustida tajriba o‘tkazmoqchi bo‘lib, uni stol ustiga yotqizib qo‘yib, buyuribdi:
"Sakra!"
Burga sakrabdi. Talaba uni tag‘in tutib, bir oyog‘ini uzib olib, so‘ng stolda qo‘ydi-da, - "Sakra", - debdi:
Burga bu safar ham sakrabdi. Talaba uni yana tutib olib, qolgan oyog‘ini ham uzib tashlab:
"Sakra!" debdi.
Burga qimirlamay turaveribdi. Shunda talaba daftariga yoza boshladi: “Tajribalar shuni ko‘rsatdiki, burganing quloqlari panjasida bo‘lar ekan. Agar oyoqlaridan judo etsangiz, u karga aylanadi qoladi...

Bir shifokor Koronavirusga qarshi dori topgan ekan, xalqaro konferensiyaga borib dorini taqdimotini o‘tkazmoqchi bo‘libdi.
Lekin uni mamlakatdan Koronavirus karantini sababli chiqarishmayotgan emish.

Eshitishimizcha ba’zi gazeta nashrlari koronavirus tufayli yuz bergan tualet qog‘ozi tanqischiligi sababli, oxirgi sahifalarni tualet qog‘ozi uchun bo‘sh qilib chiqarmoqda ekan

Bir kuni gaz bilan svet turmush quribdi. Oradan bir yil o‘tib ulardan gazbalon bilan dvijok dunyoga kelibdi.
Yillar o‘tib, gaz bilan svet ajrashibdi. Svet Xitoyga, gaz esa Rossiyaga ketib qolishibdi. Bizlarga gazbalon bilan dvijok qolgan ekan.

Boshliq majlis o‘tkazyapti:
— Sattorov! Siz umuman ma’suliyatni his qilmayapsiz! Ishga kech kelasiz! Topshiriqlarni bajarmaysiz! Bunday davom etaversa, siz bilan birga ishlay olmaymiz! - desa, Sattorov o‘rnidan turib:
— Boshliq, qayoqqa ketmoqchisiz? - dermish.

Bitta odam 4 raqamini ayta olmas ekan.
Non do‘koniga kirib "Menga 6 ta non bering. 2 tasi kerakmas" der ekan.

Lof-yolgon haqida latifalar

Latifa.uz loyihasi haqida

Boshqa loyihalar