Hayvonot rukniga oid latifalar | 10 dona — 13

Yosh kelin eridan so‘rabdi:
— Rostini ayting, siz mengacha birortasiga qaraganmisiz?
Kuyov:
— Ha, juda ko‘piga qaraganman.
Kelin:
— G‘amxo‘rlik ham qilganmisiz ularga?
— Ha! Hammasiga!
— Kim ekan ular???
— Qo‘ylarga-de...!

— Amaki, avvallari shirin sut olib kelardingiz, nega olib kelmayapsiz?
— Eshagim sut bermay qo‘ydi, bacham...

Er-xotin televizor ko‘rib o‘tirib, xotiniga eri:
— Leopard rosa tez yuguradi-de, xozir kiyikni yeb qo‘yadi debdi
Shunda xotin eriga qarab:
— Agar kiyik tirik qolsa, ikkinchi xotin olishizga ruxsat beraman, debdi.

Kunlarning birida fermerning oti kasal bo‘lib qolibdi. Har qancha davolasa ham tuzalmabdi. Veterinar vrach olib kelib ko‘rsatsa, vrach otxonadan tashqariga debdi:
— Hozir bitta dori ichiraman, ertaga oyoqqa tursa-turdi. Turmasa, so‘yib yuboring!
Bu gapni hovlida yurgan xo‘roz eshitib qolibdi. Otxonaga kirib, bor gapni otga aytib beribdi.
Ertasi kuni egasi kirsa, ot zo‘rg‘a oyoqqa turibdi. Otning egasi cho‘ntagidan telefonini olib:
— Allo, doktor. Otim tuzaldi. Kelsangiz, suyunchisiga xo‘rozimni so‘yib, bir mazza qilib o‘tirardik, - dermish.

Bir kuni afandining xotini chuchvara tugib o‘tirsa, yoniga mushugi kelib suykalibdi. Xotini uni bir tepib, haydabdi. Mushuk qasd olmoqchi bo‘libdi.
Chuchvara pishgach, afandi endi yemoqchi bo‘lib turgan ekan, mushugi unga ham suykala boshlabdi. Afandi birinchi chuchvarani mushukka bersa, mushuk chuchvarani yeb, o‘zini o‘lganga solib yerga yotib olibdi.
Afandi xotiniga:
— Meni o‘ldirmoqchi bo‘ldingmi?, - deb baqira ketibdi.
Mushuk esa bitta ko‘zini ochib:
— Ajab bo‘pti, - dermish.

Sher o‘rmondagi hamma hayvonlarni yig‘ib, latifa ayttiribdi.
— Kimni latifasi kulgili chiqmasa, o‘shani yeyman, - debdi sher.
Birinchi bo‘lib quyon latifa aytibdi. Hamma hayvonlar kulibdi. Faqat jirafa kulmabdi. Sher quyonni yeb bo‘lgach, bo‘ri latifa aytibdi. Jirafa rossa kulibdi.
— Nega kulyapsan? - deyishsa, jirafa:
— Quyonni latifasi kulgili ekan, - dermish.

Bir chol baliq ovlab o‘tirgan ekan, uning oldiga militsiya kelib dedi:
— Otaxon, bu yerda baliq tutish ta’qiqlangan!
— Men baliq ovlamayaman, chuvalchang cho‘miltiryapman, - debdi chol.
Militsiya xodimi:
— Axir siz chuvalchangni ta’qiqlangan joyda qip yalang‘och cho‘miltiryapsiz!

Kunlarning birida xo‘roz tovuqni restoranga taklif qilibdi.
Restoranda ofitsiant:
— Nima buyurasizlar? - desa, xo‘roz:
— Menga bitta grill, tovuqga esa to‘rtta qaynatilgan tuxum olib keling, - dermish.

Erkak dinozavr xotiniga:
— Kel yonimga.
— Yo‘q.
— Kel endi bir marta, yo‘q demagin.
— Yo‘q dedimmi yo‘q!!!
Shunday qilib yer yuzidan dinozavrlar butkul yo‘q bo‘lib ketishdi...

Qarg‘a tumshug‘ida pishloq tishlab, daraxtda o‘tirgan ekan. Bir payt daraxt tagiga ayyor tulki kelibdi-da, qo‘lidagi gazetani varoqlab o‘qiy boshlabdi:
— O‘rmonimizdagi hayot kundan-kunga yaxshilanmoqda. Tez orada har bir daraxt shohlarida pishloqlar pishib turadi...
Qarg‘a esa buni eshitib, tulkining ustidan — "xa-xa-xa", - deb kulgan ekan, og‘zidagi pishloq to‘ppa-to‘g‘ri tulkining qo‘liga kelib tushibdi.
Shunda tulki pishloqni og‘ziga solib, daraxt tepasidagi qarg‘aga:
— Gazetadagi xabarlar ustidan kulish yaxshi emas, - degan ekan.

Hayvonot haqida latifalar

Latifa.uz loyihasi haqida

Boshqa loyihalar