Firibgarlar rukniga oid latifalar | 10 dona — 2

Bir soxta tabib odamlarni tomirini ushlab, kasalini aniqlab, dori yozarkan. Bir kuni bemorni chap qo‘l tomirini ushlab, dori yoza boshlasa, bemor tabibga qarab:
— O‘ng qo‘limni tekshiring, chapi pratez, - dermish.

Folbin yoniga kelgan ayolga debdi:
— Sizni eringizni katta xavf kutmoqda!
Ayol bo‘lsa:
— Buni bilaman! Siz aytingchi, meni qamashmaydimi?!

Kunlarning birida chol baliq ovlab o‘tirib, oltin baliqni ushlab olibdi.
— Tila tilagingni! Hammasini bajo keltiraman. Faqat meni qo‘yib yubor...!
Chol debdi:
— Meni uch tilagim bor. Shular qachon amalga oshsa, seni dengizga qo‘yib yuboraman.
1. Qachonki bu ahmoqlar so‘nggi rusumdagi iPhone va dang‘illama to‘ylar qilish uchun kreditlar olishni bas qilsa!
2. Qachonki ayrim rahbarlar yolg‘on gapirishni bas qilsa!
3. Qachonki kollej o‘quvchilari uyda unutib qoldirgan telefoni uchun yarim yo‘ldan orqaga qaytishni bas qilsa!
Rangi oqarib ketgan baliq cholga qarab:
— Meni tushlikka yemoqchimidingiz? - dermish.

Podsho Afandiga ikki yuzta qo‘y berib, ta’kidladi:
— Shu qo‘ylarning sonini kamaytirmay qo‘zilatib, boqib berasan, — sut-qatig‘i xizmatingga!
Afandi qo‘ylarni haydab sahroga chiqib ketdi. Qarasa: poshsho uni aldab, sovliq emas, hammasiga qo‘chqor bergan ekan. Afandi ham qo‘ylarni bir chekkadan so‘yib yeya berdi, Qo‘ylar tugagach, podshoning muhlati ham tugadi. Afandi uyiga qaytib keldi, ammo o‘rdaga bormadi.
G‘azablangan podsho Afandining uyiga yasovul yuborgan edi, u: «Afandi tug‘ib yotgan ekan» degan xabarni keltirdi.
Tutoqib ketgan podsho Afandining uyiga kelib chaqirgan edi, Afandining xotini bunday javob berdi:
— Afandi tug‘ib yotibdilar, ishingiz bo‘lsa aytib keta qoling, aylanay, o‘zlari hech yerga chiqolmaydilar.
— Iya, er kishi ham tug‘adimi? Bu qanday noma’qulchilik!— qichqirdi podsho.
podshoga javoban xotinining yonida turgan Afandi der edi:
— Taqsirimning qo‘chqorlari tuqqanda, men tug‘sam ajablanadigan joyi bormi?!

Million savol-javob o‘yinida yuz million uchun bahs ketmoqda.
Boshlovchi:
— Hurmatli Eshmat, sizga birinchi savol: Bemorga yozilgan shifokor retseptidan Sitromon dorisi degan so‘zni toping.
a).∕ł∕łł∕ł.∕∕łł∕ł
b).∕ł∕ł.∕łł.∕ł∕ł.∕łł
s)łłრ.∕ł∕łฑ.∕łłน.∕ł∕ł

Konservatoriya talabasi mutaxassislik bo‘yicha bitirish imtihoni oldidan hayajonlanib tursa, kursdoshi:
— Shu ham muammomi? Imtihon oladigan o‘qituvching yozgan kompozitsiyasini olgin-da, boshidan oxirigacha teskari o‘girib yozginda, topshirib chiqaver! – deb maslahat beribdi.
Talaba hafa bo‘lib:
— Unaqa qilib ko‘rdim, ustozim yozgan musiqasini teskari chalib ko‘rsam, Betxovenni musiqasi chiqyapti.

Bankni tunagan o‘g‘ri pullarni sanab ko‘rib:
— Bor-yo‘g‘i ellik million ekan..., - dedi g‘azabli ohangda.
Shu payt radiodan: "Shahrimizda joylashgan banklardan birida qo‘poruvchilik sodir etildi. Noma’lum shaxs tomonidan, bir milliard miqdordagi pul o‘g‘rilab ketildi" - degan xabar tarqaldi. O‘g‘rining battar jahli chiqib, o‘ziga-o‘zi ming‘irlab debdi:
— Hayotimni xavf ostiga qo‘yib, atiga ellik million o‘g‘irlay oldim xolos! Bank boshqaruvchisi esa, o‘tirgan joyida to‘qqiz yuz ellik million ishlab oldi-ya...!!!!

Yirik bankda ish qizg‘in ketmoqda. Bir payt niqobli odamlar, qurollari bilan bank eshigidan baqirib kirib kelishibdi:
— Yotinglar, qimirlamanglar, hech narsaga qo‘l tekkizmang!!! Bu bosqinchilik!
Shunda bank raisi boshini ko‘tarib mamnun ovozda:
— Xudoga shukur-yey, men soliq qo‘mitasidagilar deb o‘ylabman-a! – dermish.

Boshliq yangi hisobchini ishga olmoqchi bo‘lib, nomzodlarni suhbatga chaqiribdi:
— Ikki karra ikki nechi bo‘ladi?, - deb savol beribdi. Hammadan "to‘rt" degan javob chiqibdi. Faqatgina bitta nomzod javob bermabdi. Yolg‘iz qolishgach, boyagi indamay o‘tirgan nomzod boshliqqa yaqin kelib:
— Nechi bo‘lsin xo‘jayin? Qancha qilib beray?, - degan ekan, boshliq o‘sha nomzodni ishga olibdi.

Bir odam do‘stidan qarzga pul so‘rabdi.
Do‘sti unga:
— Pulni nima qilasan? – desa, haligi odam:
— Davolanaman. Tilim sinib qoldi. Tilimni gips qildirishim kerak, - dermish.

Firibgarlar haqida latifalar

Latifa.uz loyihasi haqida

Boshqa loyihalar