Erkaklar rukniga oid latifalar | 10 dona — 91

Xotin eriga telefon qilayapti:
— Dadasi tez yetib keling uyimiz yonayapti!
— Uyda kim bor?
— Onamlar bor, uxlayotgan edilar.
— Bo‘lmasa sekinroq gapir, uyg‘otib yuborasan!

Yangi kelin-kuyov tushlik ovqatdan keyin ota-onasi bilan gaplashib o‘tirishsa, kuyov bola kelinga "Tur uyga kiramiz" degan parolni bermoqchi bo‘lib, stol tagidan xotinini oyog‘i bilan turtib imlabdi. Yana bir ozdan keyin sal kuchliroq turtsa, kelin yana indamabdi. Bundan kuyov bolani jahli chiqib bir tepgan ekan, kuyovni adasini jahli chiqib:
— Gaping bo‘lsa gapir! Boyadan beri nega oyog‘imga tepasan?! - dermish.

Bir kishi xotinini stomatologga olib boribdi. Stomatolog hazillashib:
— Kenayi, tishlaringizni eringiz urib to‘kib tashladimi? - debdi. Shunda ayolni eri:
— Uka, seniki hozircha butun ekan. Tilinga ehtiyot bo‘l! - dermish.

Xotin eriga debdi:
— Adasi, men homiladorga o‘xshayman. Endi nima bo‘ladi?
Eri:
— Nima bo‘lardi!? O‘g‘il yoki qizimiz bo‘ladi...

Mayxonada aroq ichib, kayfiyatsiz o‘tirgan kishi yoniga bir odam kelib:
— Nima bo‘ldi og‘ayni? - debdi.
— Xotinim bilan urushib qoldim. Men bilan o‘n kun gaplashmas ekan...- desa, boyagi odam:
— Ahvoling chatoq ekan-ku! - debdi.
U kishi yana aroqdan ichib:
— Gapirma! Bugun oxirgi kun, - dermish.

Er xotiniga jahl bilan dedi:
— Bilasanmi sen qanaqasan?!
— Qanaqaman? - dedi xotini xursand bo‘lib?
— Huddi meni jazolash uchun yaratilgandeksan!

— Azizim, menga uzuk olib bering.
— Uzukka pulim yo‘q!
— Unday bo‘lsa, ko‘ylak obering.
— Ko‘ylakka ham yo‘q pul...
— Og‘zimni yopish uchun hech bo‘lmasa saqich olib berarsiz?!

To‘ydan o‘n kun o‘tgach kuyov:
— Bo‘ldi go‘zalim, boshqa yaramayman. 10ta bo‘ldi, bugunga yetadi. Soat ham 3 bo‘libdi. Ertalab ishga borishim kerak.
— Yo‘q, yana bitta bo‘lmasa uxlatmayman, o‘zingiz aytgansiz bugun 12ta deb.
— Boshqa yaramayman, charchadim axir.
— To‘ygacha hamma ishga yarayman, - deb lag‘mon osgan ekansiz-da! Kimga turmushga chiqdim men o‘zi?
— Bo‘pti farishtam, yana bitta bo‘lsa bittada. Faqat kelishvolaylik, bu oxirgisi.
— Rahmat jonim, shu remontni to‘ygacha bitkazvorganingizda, hozir yarim kechagacha oboy yopishtirmayotgan bo‘lardik. Qani oling oboyni yana bittasini...

Qari chol aerodromga kelib uchuvchiga:
— Iltimos, meni kampirim bilan samolyotingda uchirib kelgin.
— Buni iloji yo‘q!
— Yo‘q dema bolam. Shu yoshga kirib, hali biror marta-yam osmonda uchmaganmiz. Samolyotga chiqish orzuimiz bor!
Uchuvchi rozi bo‘lib, chol va kampirni samolyotga chiqaribdi-da debdi:
— Faqat bitta shartim bor otaxon, agar baqirsangiz shu zahoti yerga qaytamiz.
— Xo‘p, baqirmayman, - debdi chol.
Samolyot havoga ko‘tarilibdi. Uchuvchi bor mahoratini ko‘rsatib, eng yuqori balandlikka chiqibdi. Tepaga , so‘ng zudlik bilan pastga sho‘ng‘ibdi, bir tomonga qayrilib uchibdi. Samolyotni charxpalak singari aylantirib tashlasa ham, chol-kampir indamasmish.
Yerga qo‘ngach, uchuvchi cholga qarab:
— Ha otaxon, qo‘rqmadingizmi? Rostini ayting, baqirib yuboray dedingizmi?, - desa, chol:
— To‘g‘risini aytganda, kampirim samolyotingdan tushib ketganda sal baqirib yuboray dedim bolam, - degan ekan.

Er:
— Xotin, bugun nima ovqat qilding? – deb so‘rasa, xotini:
— Qo‘y go‘shtli tovuq sho‘rva, - degan ekan.

Erkaklar haqida latifalar

Latifa.uz loyihasi haqida

Boshqa loyihalar