Erkaklar rukniga oid latifalar | 10 dona — 39

Mashina bozorida bittasi mashina sotayapti.
Haridor:
— Oka qancha bo‘lyapti mashina?
Sotuvchi:
— 12 ta limon.
Haridor:
— Bo‘ldimi oka, gapizga javob berasizmi?
Sotuvchi:
— Javob beraman.
Haridor borib mashinani ustiga setkada turgan 2kg limondan 12tasini sanab taxlab qo‘yib:
— Mana oka 12ta limon. Endi mashina maniki, — debdi.
— Gap yo‘q, man erkakman, gapimda turaman, mana kalit.
— E, gap yo‘q oka bitta choyxona mandan.
— Gapingda turasanmi?
— E, oka uyaltirvos man bitta gapiraman.
— Bo‘ldi san tayyorgarligini ko‘raver. Man choyxonani qayerga qurishingni aytaman

Shaharlik yigit bilan qishloqdan kelgan qiz ovqatlanib o‘tirishgan ekan, yigit ofitsiantga:
— Bizga salfetka bilan "zubachistka" bering, - desa,
Qiz:
— Yo‘q bo‘ldi, men to‘ydim, - dermish.

Bir kishi mashinasini haydab ketayotsa yo‘l chetida to‘rtta yigit bitta odamni urayotgan ekan:
— Nima qilyapsanlar to‘rttalang bitta odamni urib? - so‘rabdi haydovchi to‘xtab.
— Chorrahada buzilgan kameralarni tuzatadigan ustani ushlab oldik, - debdi yigitlar.
Shunda haligi odam:
— Qo‘l bilan urishni nima xojati bor?! Oyoq bilan tepa qolinglar? - dermish.

Yigit tarixshunos, adabiyotshunos ekan. Uylansam, tarixni biladigan, adabiyotga qiziqadigan qizga uylanaman, - debdi.
Uchrashuvga chiqqanida yigit qizga:
— Beruniy kim? - debdi
Qiz indamabdi.
— Farobiy kim?
Qiz yana jim.
— Qodiriy kim?
Yana jim.
— Alisher Navoi kim?
Qiz:
— Bo‘ldi yetar, hech birini tanimayman. Anavi Alisher, o‘zicha gap chiqargan, hech ham u bilan yurmaganman, - dermish

Eri xotiniga quticha beribdi. Quti ustida esa quyidagi so‘zlar yozilgan ekan:
“Men senga kerakligimning 50 ta sababi shu yerda!”
Quti ichidan elektr go‘sht maydalagichning 50 ta qismlari chiqibdi. Xotini ikki soat harakat qilsa ham, uni yig‘a olmabdi.
Shunda quti ustidagi so‘zlarning asl ma’nosini tushunib yetibdi.

Eski yog‘ochdan yasalgan uyning oldiga, qimmat mashina kelib to‘xtabdi-da ichidan bashang kiyingan erkak tushib, uyga kiribdi. Uyda qari chol derazadan ko‘chani tomosha qilib o‘tirgan ekan.
Erkak uning ro‘parasiga o‘tirib gap boshlabdi:
— Assalom alaykum, mani tanimadiz-a? Man sizni o‘g‘lingizman. Esingizdami, 10 yil oldin mani sigaret olib kel, deb bozorga yuborgandiz? Man shu ketgancha shaharga ketdim, yaxshi odamlarni uchratdim, ishlab pul topdim, o‘zimni biznesimni boshladim, uy, mashina oldim, mana bugun millionerga aylandim, - desa
Dadasi jim qarab turganmish.
O‘g‘li:
— Dada biror nima desangizchi?, - desa
Dadasi:
— Sigaret qani?!, - dermish

Haydovchi DAN xodimiga:
— Soatiga bir yuz yigirma kilometr, deysizmi? Axir mening tezligim soatiga 30 kilometrdan ham past edi-ku?!
— Hali mashinam bir joyda to‘xtab turuvdi ham dersiz?
— Ha-ha, deryali shunday...
— Unda baribir jarima to‘laysiz: bu joyda to‘xtab turish taqiqlangan.

— Doktor, tishlarim sarg‘ayib ketdi, maslahat bering.
— Jigarrang bo‘yinbog‘ taqib yuring, rangi mos keladi.

Qamoqxonaga yangi mahbusni olib kelishdi. Uni nohaq qamashgani uchunmi, o‘zidan o‘zi siqilib, qulog‘ini kesib derazadan otibdi.
Yonidagi bangi hayron.
Yana nohaqlikka chidolmay, ikinchi qulog‘ini ham kesib derazadan otibdi.
Bangi yana hayron.
Mahbus oxiri chidolmay, burnini, sochini, hatto barmoqlarini kesib derazadan otgan ekan...
Yonidagi bangi:
— Aaaaa, aferist-eey, sekin-sekin qochib ketyapsanmi, - dermish.

Qiz yigitiga:
— Joon, agar sizni qo‘yib boshqa yigit bilan bo‘lsam achinarmidiz? - desa
— O‘libmanmi yetti yot begana bolaga achinib, - debdi

Erkaklar haqida latifalar

Latifa.uz loyihasi haqida

Boshqa loyihalar