Erkaklar rukniga oid latifalar | 10 dona — 28

— Bizni korxonamizda ikkita xodim bir kunda uylanishdi. E’lonlar taxtasida quyidagi yozuvni ko‘rdik!
"Botir va Akmaljonlarning nikoh to‘ylari bilan tabriklaymiz"!!!

Yosh yigit ko‘chada otaxonni uchratib qolib, so‘rabdi:
— Amaki, chekishdan bormi?
— Mana, ol bolam!
— Gugurt-chi bormi?
— Mana, ol gugurt! Saqich ham bor, beraymi?
— Bering, amakijon.
Chol saqichni uzatib turib dermish:
— Eh, axir men sehrgar edim. Sen bo‘lsa arzimagan uchta tilagingni tilab bo‘lding...

Bola adasiga shikoyat qildi:
— Bilasizmi, dunyoda eng kechikadigan poyezd qaysi?
— Bilmadim bolam?!
— Siz 3 yildan beri menga olib bermoqchi bo‘lgan poyezd!

Qiz yigitdan so‘radi:
— Lasettingiz bormi?
Bola:
— Yo‘q!
Qiz:
— Narxozda o‘qiysizmi?
Bola:
— Yo‘q!
Qiz:
— 2 etajli uyiz bormi?
Bola:
— Yo‘q!
Qiz:
— Unda sizga bort!
Bola:
— Nima san bilan tanishish uchun Pradoimni sotib Lasetti olishim, Westminster'dan Narxozga perevod qilib, 3 etajli uyimni buzib 2 etaj qilishim keremi? Yo‘q, man bunaqa qilomiyman uzur! Sanga bort!!!
Qiz:
— Alo, alo, man hazillashudim!!!
— Tuuut—tuuut—tuuut

Haydovchi avtomobilda ketayotib, xavfli burilishga yaqinlashib qolibdi.
— Qarachi, yon tomonda mashina yo‘qmi, - debdi yonidagi sherigiga.
— Yo‘q, haydayvering, - debdi.
Bir payt avtomobilga "qars" etib mototsikl urilibdi.
Haydovchi:
— Axir senga qara degandimku!
— Siz mashina yo‘qmi degandingiz...

— Yaxshi qiz, men sizni qanday topib olsam bo‘ladi?
— Juda oson! Bo‘yim 167 sm, vaznim 54 kg.
— Bo‘ldi. O‘zim bilan tarozi va metr olib yuraman.

Harbiy qismni tekshirgani kelgan general saf ko‘rigini o‘tkazmoqda:
— Shikoyatlar bormi? — so‘radi u.
— Huddi shunday, o‘rtoq general, bor shikoyat! — javob beribdi serjant Ivanov, — Komandir meni dangasalikda ayblab, nuqul bo‘kib qolguday yeb-ichishim, ertadan kechgacha uxlashim va shu bois basharam yog‘ bosib, koptokka o‘xshab qolganini aytib, menga baqirgani-baqirgan. O‘zining basharasi esa sizning basharangizdan battar yog‘ bosganidan xabari yo‘q!

— Eshitdingmi, Abduraim oshnamiz kaltak yeb kasalxonada yotgan emish.
— Yo‘g‘e, o‘zim ko‘rdim, kecha kechgi payt Abduraim bitta ketvorgan qiz bilan podrushka qilib yurgandiyu, - debdi
— Ularni podrushka qilib yurganini Abduraimning xotini ham ko‘ribdi-da oshna.

Yosh yigit ko‘chada o‘tgan-ketganlar bilan garov o‘ynab, pul ishlab turgan ekan. Yoniga bir chol kelib:
— Nimadan garov o‘ynayapsan? - deb so‘rabdi.
— Otaxon, mana shu archadan baland sakrasam, siz menga yuz ming berasiz. Sakray olmasam men sizga, - debdi.
Otaxon rozi bo‘libdi. Yosh yigit abjirlik bilan archani ustidan sakrab o‘tib:
— Pulni cho‘zing, - desa, chol:
— Sen "Archadan baland sakrasam" deganding. Archa umuman joyidan qimirlamadi-ku!? O‘zing pulni ber, - dermish.

Bir odamni yong‘in paytida ikkita qulog‘i ham yonib ketibdi. O‘ylab-o‘ylab, oxiri boshqa quloq qo‘ydiradigan bo‘libdi. Unga operatsiya qilib boshqa quloq o‘rnatishibdi. Hammasi yaxshi chiqibdi. Kunlardan bir kun u doktorga qo‘ng‘iroq qilibdi:
— Doktor, nima menga ayollar qulog‘ini o‘rnatdingizmi? - debdi.
— Nima qildi biror muammo bormi? Mana yaxshigina eshityapsiz, - desa,
— Eshitganda yaxshigina eshitaman. Lekin hech nimani eslab qola olmayman. Bittasidan kirib, ikkinchisidan chiqib ketyaptida, - dermish.

Erkaklar haqida latifalar

Latifa.uz loyihasi haqida

Boshqa loyihalar