Erkaklar rukniga oid latifalar | 10 dona — 15

Nafaqaga chiqgan boy amaki ov qilgani yo‘l olibdi. Ov qilib yursa, oldidan bir qurbaqa chiqib, tilga kiribdi:
— Meni o‘zingiz bilan olib keting. Uyingizga olib borib, menga bo‘sa hadya etsangiz, men go‘zal qizga aylanaman...
Amaki o‘ylanib turib:
— Mayli uyga olib ketaman. Lekin bo‘sani hayolingdan chiqar! Go‘zal qizlar tiqilib yotibdi. Gapiradigan qurbaqa esa hech kimda yo‘q!

Jahongir maktabdan kelib, adasiga debdi:
— Ada, bugun 5 oldim! Ertaga pul berasizmi?
Adasi o‘g‘liga qarab turib:
— Qachon maktabdan 777 olib kelsang, so‘ragan pulingni beraman. Boshingga shapkayam olib beraman, - dermish.

Ikkita yigit shiftdagi chiroqqa lampochka o‘rnatmoqchi bo‘lishibdi. Qo‘li yetmagach, biri ikkinchisini yelkasiga chiqibdi. Ancha vaqtdan keyin pastda ko‘tarib turgan yigit yelkasidagi do‘stiga:
— O‘rnatib bo‘ldimi? – desa,
— Sen aylanmasang, qanday qilib o‘rnataman? – dermish.

Oʻzbekiston - Suriya oʻyinidan soʻng championat.atsia saytidan eng qiziqarli izohlar toʻplami:

1. “Choʻpon” oʻzgardi! Lekin qoʻylar oʻsha-oʻsha!
2. Kuperni kimdir aldab, “Shu oʻyinchilar - eng zoʻrlari! deyishgan shekilli!?
3. Yangi avtobus, yangi forma, yangi murabbiy va eski oʻyin!
4. Kuper tarjimonidan “Eng tez qaysi transportda Oʻzbekistondan chiqib ketsam boʻladi?” deb soʻradi...
5. Argentinalik mutaxassis qoʻl ostida futbolchilarimiz oʻzgarib ketgan boʻlsa, tanimay qolsak-a, deb havotirlanayotgan edik. Yoʻq, hayriyat hammasi oʻsha-oʻsha, oʻzimiznikilar. Darrov tanidik!
6. Matbuot anjumani: Kuper tarjimonidan yana bir bor soʻradi “Kim menga tez borib, birinchi reysga chipta olib kelib bera olarkin?!”
7. Ey birodarlar, axir Kuper aytdi-ku, “Ertaga moʻjiza kutmanglar” deb! Futbolchilarimizga farqi yoʻq, ularga kim murabbiylik qilishini...
8. Futbolchilarimiz Kuperni koʻrishdi. “Bir kichkina, oqsoch boboycha ekan” deyishdi.

Qamoqxonaga yangi mahbusni olib kelishibdi.
Boshqa mahbuslar undan:
— Seni nega qamashdi? – deb so‘rashsa, yangi mahbus:
— Men qayoqdan bilib o‘tiribman, Amerikada ham huddi men chiqarayotgan pullardan chiqarayotganligini??? – degan ekan.

Bir kishi qari donishmanddan:
— Ayollarni yaxshi yoki yomonligini qanday ajratsa bo‘ladi? - deb so‘rabdi.
— Ularni gapirishidan, - javob beribdi donishmand.
— Agar gapirmasa-chi?, - so‘rabdi kishi.
Shunda donishmand:
— Shuncha yashab, bunday yaxshi ayolni uchratmadim, - deb javob beribdi.

Xotirasi past yigit sevgan qizidan SMS kutaveribdi-kutaveribdi...
Oxiri sevgilisi yo‘qligi esiga tushib qolibdi.

Ulfatlar do‘stinikiga yig‘ilishib, gaplashib o‘tirishgan ekan. Dasturxonda hamma narsa bor, faqat aroq yetishmayotgan emish. O‘tirganlardan biri yonidagi o‘rtog‘ini turtib so‘rabdi:
— Bugun ichamizmi o‘zi?!
— Biroz sabr qil, - debdi do‘sti.
Qarashsa, uy egasi qo‘lida ikkita shisha olib kelayotgan emish.
— Ana, aytdim-ku senga olib keladi deb! – debdi do‘sti.
Sabri chidamayotgan ulfati bo‘sh qadahni ko‘tarib:
— Men ungacha tost aytib turaveraman! – dermish.

To‘qson yoshga kirgan otaxon ko‘zguga qarab, — Mana bugun to‘qsonni qarshiladim, - debdi-da, boshiga qarab, — Sen ahmoq 40 yoshdayoq sochlarga ruxsat berib yubormaganingda, ular ham bugun to‘qsonga kirar edi, - dermish.

Bir kishi hojatxonaga kirish uchun kelsa, xojatxonalarning eshiklaridan biriga “J”, ikkinchisiga “M” deb yozilgan ekan.
Boyagi kishi “J”ga qarab:
— “Juda shoshilganlarga” bo‘lsa kerak. Shu eshikka kira qolay, - debdi-da, ichkariga yugurib kirsa, bir ayol turgan ekan. Ayolga qarab:
— Meniki ham juda shoshilinch edi-da... – dermish.

Erkaklar haqida latifalar

Latifa.uz loyihasi haqida

Boshqa loyihalar