Erkaklar rukniga oid latifalar | 10 dona — 106

Eshmat lofchi Toshmat lofchiga aytarmish: Bilasanmi, kecha yap-yangi "Malibu"ni salondan olib chiqib, sening ko‘changda, naq balkoning tagida uyoqdan buyoqqa, buyoqdan uyoqqa rosa maza qilib haydadim, ko‘rmading.
Toshmat lofchi javob beribdi: Kecha band edim. Uyimga Munisa Rizayeva bilan Shahzoda kelgandi. Maza qilib choy ichib, o‘tirdik.
Eshmat lofchi: Yo‘g‘e, nega meni chaqirmading?, desa, Toshmat lofchi: Ayb o‘zingda. Chaqirmoqchi bo‘lib, balkonga chiqsam, ko‘chada uyoqdan bu yoqqa, bu yoqdan u yoqqa yurib, eshitmading, dermish...

E’lon:
Xotinimning haydovchilik guvohnomasi yo‘qolgan.
Topib olganlardan iltimos, yoqib yuboring!
Suyunchisi bor!

Bir kishi ko‘chadan tovuq o‘g‘irlab kelib o‘g‘liga debdi:
— Mana shu tovuqni bozorga olib borib sotib kel.
O‘g‘li ham tovuqni bozorga olib borib yo‘qotib qo‘yibdi.
Uyga qaytib kelsa:
— Tovuqni necha pulga sotding? - debdi otasi.
— O‘zini narxiga berib yubordim ota, - debdi bolasi.

Piyodalar yo‘lagidan o‘tib ketayotgan piyodani mashina urib yuboribdi.
Mashinadan haydovchi hovliqib tushib:
— Baxtingiz bor ekan, men – vrachman! – desa, yerda yotgan piyoda:
— Sizni baxtingiz yo‘q ekan, men – yuristman! – dermish.

— Ma’ruzachi ichkilikning zarari to‘g‘risida ajoyib ma’ruza qildi, to‘g‘rimi? Hozir borib buni o‘ziga aytaman.
— Siz u bilan tanishmisiz?
— Bo‘lmasamchi!? Har kuni birga ichamizku!

Bir odamni yoniga gadoy kelib pul so‘rabdi:
— Akajon pul bering. Avtobusga ham pulim yo‘q...
Haligi odam gadoyga pul bersa, gadoy pulni olib to‘g‘ri barga kirib ketibdi.
Ortidan kirib:
— Avtobusga pulim yo‘q deding. Pul berdim. Nega aroq ichgani o‘tirib olding? - desa, gadoy:
— Shu aroqni ichsam avtobusda ham tekinga ketaman-da aka. Sizni aldaganim yo‘q, - debdi.

Ikki qo‘shni liftda:
— Durdona, seni judayam sevaman!
— Imron-aka tinchlikmi? Oldinlari bunday tuyg‘ularingiz haqida hech etmas edingiz.
— GreenCard 2020 yutib olishingni bilmasdim-da.

Er-xotin choy ichib o‘tirishibdi.
Xotin:
— Bilasizmi, Afrikadagi ba’zi qabilalarda erlar o‘z xotinlarini sotib yuborar ekan. Mabodo shunday odat bizda ham bo‘lganida meni sotarmidingiz?
Er:
— Yo‘q, men seni sovg‘a qilib yuborardim!

Er-xotin ovqatlanib o‘tirishsa, xotin chapillab ovqat yebdi.
Shu payt eri bir turtib debdi:
— Chapillatmasdan yegin!
Birozdan keyin yana bir turtibdi:
— Yana nimaga turtasiz? - debdi xotini.
— Chapillatganing esimga tushib ketdi, - dermish eri.

Bir erkak ko‘chada mast bo‘lib o‘tirsa, yonidan o‘tib ketayotgan odam:
— Birodar, nega ko‘chada o‘tiribsan? - debdi.
Erkak:
— Uyga kiritmayapti-da, - debdi.
— Kim? Xotiningmi? - deb so‘rabdi haligi odam.
— Yo‘q! Xotindan himoyalanish instinktim kiritmayapti uyga, - degan ekan.

Erkaklar haqida latifalar

Latifa.uz loyihasi haqida

Boshqa loyihalar