Er-xotin rukniga oid latifalar | 10 dona — 9

— Xotinjon! Men bugun maosh oldim! Yur senga 8—Mart bayramiga qimmatbaho ko‘ylak bilan brilliant ko‘zli uzuk sotib olamiz!
— Voy, dadasi-yey, menga bunday matohlar kerak emas. Undan ko‘ra shu pullarni olib
o‘rtoqlaringiz bilan toqqa borib dam olib keling!
— Hurmatli radiotinglovchilar, sizlar "Ideal er va ideal xotin" ertagini tingladingiz.

Bir kuni Afandi somsa yeb o‘tirib so‘ka boshlabdi. Somsachi kelib unga nega so‘kyapsiz desa
— Yo‘q, men sizni emas, xotinimni so‘kyapman debdi. U har kun aytardi — menga go‘sht olib keling, men somsa qilaman — dyeb, mana, piyozdanam shirin somsa bo‘larkanu.

Er-xotin magazinga kirishdi.
Er:
— Itimizga ikki yuz gramm kolbasa berib yuboring.
Xotin:
— Adasi itimiz yo‘q-ku...
Er:
— Irillama.

Eri chet eldan xotiniga xat yozibdi:
— Salom azizam! Uzr hayotim bu oy sanga pul jo‘natomiman. O‘rniga 500ta o‘pich jo‘natvoman. Qabul qilib ol.
Bir haftadan so‘ng xotini javob yozibdi:
— Salom azizim! Siz yuborgan 500 ta o‘pichni qabul qildim. Ulani 100tasini gazchilaga, 100tasini suv va elektr energiyasiga, 50tasini sutchiga, 120 tasini bozor o‘charga ishlatdim. Xavotir olmang, hali zaxirada 130 ta o‘pich turibdi.

Er-xotin gaplashib o‘tirishsa, telefon jiringlab qolibdi.
Er:
— Agar meni so‘rashsa, uyda yo‘qlar deb aytgin, - debdi.
Xotin borib telefon go‘shagini ko‘tarib:
— Allo, yo‘q, erim uydalar, debdi.
Eri jahli chiqib:
— Ahmoq, meni uyda yo‘q, deb aytgin dedim-ku senga, - desa, xotin bamaylixotir dermish:
— Nega jahl qilasiz? Axir telefon sizga bo‘lmadiku, - dermish.

Mast holda kelgan er sekin eshikni ochib, yotoqqa kirib, yechinib, yotishi bilan, yonidagi ayol baqiribdi:
— Yana ichib keldingizmi?
— Qayerdan bilding?
— Siz ro‘paradagi qo‘shnimsiz-ku! Yo‘qoling uyingizga!

— Adasi, ancha sovuq tushib qoldi. Bolalarni kiyintirish kerak! Qachon bozorga olib borasiz?
— Kecha hisoblab ko‘rdim. Bolalarni issiq o‘lkalarga uch oyga yuborsak arzonroq tusharkan, xotin...

Xotini:
— Men ayolman! Kir yuvish mashinasi emas!
Eri:
— Yo‘g‘-ye, buni qara-ya! Men ham odamman, bankomat emasman!

Hayvonot bog‘i. Maymun turgan qafas yonida qizaloq oyisidan so‘radi:
— Oyi, nega maymunlar yuzlarini bo‘yab olishgan?
— Boshqa maymunlarni qo‘rqitish uchun.
— Iye, unda siz dadamni qo‘rqitish uchun bo‘yanib olar ekansiz-da, a?
Yonida indamay ketayotgan dadasi javob berdi:
— Yo‘q qizim. Onang ko‘chadagi odamlarni qo‘rqitib yubormaslik uchun bo‘yanadi.

Er-xotin urushib qolishibdi. Xotin eriga:
— Bundan keyin uyda hamma narsa pulli bo‘ladi. Ovqat qilish 15 ming, choy damlash 5 ming va hokazo, - debdi. Birozdan keyin eri xotiniga qarab:
— Xotin, yonimda biroz o‘tirgin, - desa
Xotini:
— Yoningizda o‘tirish 10 ming, - debdi. Eri qarasa cho‘ntagida 7 ming so‘m qolgan ekan. Xotini “yo‘q” deb kelmabdi.
Kechqurun eri uxlayotsa, xotini sumkasini ochayotgan ekan. Eri uyg‘onib ketib xotiniga:
— Nima qilyapsan yarim kechasi? - desa
Xotini:
— Sizga 3 ming qarz berib turmoqchiman, - dermish.

Er-xotin haqida latifalar

Latifa.uz loyihasi haqida

Boshqa loyihalar