Er-xotin rukniga oid latifalar | 10 dona — 6

Bir erkak do‘stiga debdi:
— Kecha tungi klubda xotinimni bir mast odam bilan raqs tushayotganini ko‘rdim.
— Yoniga borib tarsaki tortib yubormadingmi?!
— Qanaqasiga yoniga boraman? Axir men zarur ish bilan xizmat safariga ketganman-ku!?

Xotin eriga qo‘ng‘iroq qilib debdi:
— Adasi, sizga ikkita yangiligim bor. Birinchisi yaxshi, ikkinchisi yomon.
G‘azablangan er:
— Yomonidan boshla!
— Yomoni shuki, kaptivani urib oldim.
— Yaxshisi-chi?
— Boshqa bunday qilmayman...

— Adasi, yana ovqat yeysizmi?
— Ha, albatta. Axir shuncha mehnatim ketgan.
— Qanaqa mehnat? Ovqatni men tayyorladim-ku?!
— Men xotin tanlashga deyapman.

Er xizmat safariga keta turib, xotiniga debdi:
— Kompyuterimni aslo yoqa ko‘rma! Agar yoqsang, kayfiyating buzilishi aniq!
Tabiiyki, xotini kompyuterni yoqib ko‘rgan...
Er safardan qaytsa, ostonada g‘azab bilan xotin kutib turibdi.
— Kompyuterimga tegibsan-da baribir...!? – debdi er.
Xotini javray boshlabdi:
— Ha, kompyuteringizni yoqib, behayo suratlar, ma’shuqangizga yozgan xatlaringizni qidirdim. Shuncha vaqtim ketdi. Birortasini ham topa olmadim, umuman yo‘q!!!
— Shunga kayfiyating yo‘qmi?
— Ha!
— Men senga nima degandim!?

Konsert paytida ayol erini turtib debdi:
— Shoqosim aka qarang, anavi kishi konsert paytida uxlab o‘tiribdi-ya...
Eri:
— Shuni deb meni uyg‘otdingmi?!

Ishdan qaytgan er xotiniga debdi:
— Bugun ertalab shunchalik achchiq qahva damlab beribsanki, ishda umuman uxlolmadim.

Sotsiologlar 500 nafar erkak o‘rtasida so‘rovnoma o‘tkazishibdi. Savol quyidagicha:
“Kimning taomi mazali? Xotin tayyorlaganimi yoki ma’shuqami?”
So‘rovnoma natijasida 300 nafar erkak “Xotinim tayyorlagan” deb, 200 tasi esa “Ma’shuqamning ovqatlari” deb javob bergan. Lekin birortasi ham “Bilmayman!” deb yozmagan.

Qo‘shnimnikiga kirsam, xotini qo‘y go‘shtidan sho‘rva qilgan ekan. Meni ko‘rib ensasi qotdi.
— Adasi kelaqoling, ovqat pishdi, - dedi-da, eriga bir kosada sho‘rva, bir laganda go‘sht olib kelib yoniga qo‘ydi. Qornim och, nima qilishni bilmay, ichimda “Shoshmay tur!” deb tursam, qo‘shnim:
— Go‘shtdan oling, - deb qoldi. Lagandagi go‘shtga qo‘l uzatib bir bo‘lagini tishladim-u, “Voy-dod” deb yerga ag‘anadim.
Shu payt qo‘shnim meni ko‘rib qo‘rqib ketdi-da, xotiniga:
— Sen jodugar meni zaharlamoqchi bo‘ldingmi? – deb o‘dag‘aylab quvlab ketdi.
Sekin o‘rnimdan turdim-da, sho‘rva va bir lagan go‘ shtni paqqos tushirib “Ziqna bo‘lish shunaqa bo‘ladi!” deb uyimga jo‘navardim.

Yaqindagina qizini turmushga uzatgan ota deraza oldida turib qudalar bilan xayrlashayotganmish.
Ona:
— Hoy adasi, nima qilyapsiz? Uyat bo‘ladi-ya! – desa, otasini jahli chiqib:
— Nima qilay, shimimni ham kuyov sarpoga qo‘yib yuborgan bo‘lsang!? - dermish.

Xotin eridan so‘rabdi:
— Adasi, basseyn qurish uchun hayriya so‘rashyapti. Nima beray?
— Bir chelak suv berib yubor!

Er-xotin haqida latifalar

Latifa.uz loyihasi haqida

Boshqa loyihalar