Er-xotin rukniga oid latifalar | 10 dona — 49

Kelin:
— To‘ydan keyin, men sizga haligacha hech kim mendan bo‘sa olmagan joyni ko‘rsataman.
Kuyov:
— Qayerda ekan u joy?
Kelin:
— Bu Gavai orollarida!

Xotini eriga:
— Qayerda edingiz?
— A, sinfdoshlar bilan uchrashdim...
— Uch kun-a?! Nimalarni esladingizlar?
— Qayerda yashashimni...

Ayol sud ajrim komissiyasi xodimiga eridan arz qilyapti:
— Erimdan to‘ydim, ajrashaman.
— Ajrashishga biror sabab ko‘rsatishingiz kerak.
— Erim dangasa yalqov, hech qayerda ishlamaydi. Mani topgan pulimga kun ko‘radi, alkash.
— Eringizni shunaqaligini bilib, nega turmushga chiqqansiz?
— Ahmoq, befahm ekanman!!!
— Ko‘rdingizmi, ahmoq bo‘lsangiz ham sizni xotinlikka olibdi. Demak eringiz yaxshi odam.

Xotin eriga:
— Kecha cho‘kayotganimda meni qutqarib qolgan odamni ko‘rdingizmi?, - desa,
— Ha, ko‘rdim. Kecha kelib mendan uzr so‘rab ketdi, - debdi eri.

— Adasi, sizga romashkali choy damladim. Mana, ichib oling.
— Sen meni asabiy demoqchimisan? Nima, senga yoqmay qoldimmi? Balki ajrashmoqchidirsan?
— Yo‘q, yo‘q!
— E-e, ming la’nat! Quy choydan!

Erini ko‘rgani kelgan xotin, yig‘lagancha palataga kirib keldi.
Eri:
— Ha xotin, nima bo‘ldi?
Xotin yig‘laganicha:
— Kecha onamni mashina urib ketdi, - desa...
Er:
— Xotin bilasanku jag‘im singan. Meni kuldirma, - dermish

Uchta erkak 8 mart kuni mazza qilib maishat qilib o‘tirishibdi-da, kechasi uyiga sovg‘alarsiz qaytishibdi.
Ertasiga ko‘rishib, bir-biridan hol-ahvol so‘rashibdi. Birinchisi:
— Kecha men uyga borsam, xotinim janjal ko‘tardi.
Ikkinchisi:
— Meni xotinim hafa bo‘lib, arazlab gaplashmadi.
Uchinchisi:
— Meni xotinim esa yedirib, ichirib qornimni to‘ydirdi.
— Nima??? Nimalar yeb-ichding?
Uchinchi erkak xo‘rsinib debdi:
— Kaltak yeb, zahar ichdim...!

Futbol hakami kechasi xotinini erkalayotsa.
Xotini:
— Charchadim uxlayman, - desa
Hakam shartta sariq kartochka ko‘rsatibdi.
Xotini:
— Nimaga?
— Simulyatsiya uchun, - debdi.
Bir biriga teskari qarab yotishibdi. Oradan yarim soat o‘tgach, xotini eriga qizil kartochka ko‘rsatib turarmish.
Eri:
— Nimaga?
— Qo‘l bilan o‘ynaganiz uchun.

Ota-ona o‘g‘lini armiyaga kuzatyapti.
Ona:
— Doim haqiqatni yozgin!
Ota:
— E, uyoqda har bitta xatni tekshirishadi.
Ona:
— Unda ahvoling yomon bo‘lsa, qizil, yaxshi bo‘lsa, ko‘k rangli siyohda xat yozgin!
O‘g‘il jo‘nab ketdi. Oradan qanchadir vaqt o‘tib, ko‘k siyohda yozilgan xat kelibdi:
"Onajon, otajon, hammasi yaxshi! Faqat, bu xatimni qizil ko‘zoynak taqib o‘qinglar..."

Tongga yaqin uyiga qaytgan erini hamma yog‘ida lab bo‘yog‘i va sariq soch ko‘rgan xotin janjal qilib:
— Bu nima ahvol? - deb baqirsa, eri:
— Aytsam ishonmaysan, masharaboz bilan rossa urushdim, - dermish.

Er-xotin haqida latifalar

Latifa.uz loyihasi haqida

Boshqa loyihalar