Piyonistalar rukniga oid latifalar | 10 dona — 8

Bir aroqxo‘rning ichgisi kelib ko‘chaga chiqibdi. Hamma do‘konlar berk ekan. Nima qilishini bilmay tursa, notanish kampir unga qarab imlabdi.
Yaqinroq borsa, kampir unga bir shisha aroq ko‘rsatibdi:
— O-xo, buvijon, aroq necha pul?
— Uch ming besh yuz so‘m. Agar yana ichging kelsa, manavi raqamga telefon qil!
Piyonista aroqni uyiga olib kelib ichib ko‘rsa, oddiy suv!
Rosa jahli chiqib, kampir bergan raqamga qo‘ng‘irok qilibdi.
U yokdan ovoz eshitilibdi:
— Shahar suv oqova tarmog‘i eshitadi...

Daraxt tepasida rektor, dekan va kafedra mudiri o‘tirishgan ekan. Bir payt daraxt tagidan talaba o‘tib qoldi.
Rektor:
— Kelinglar, uning oyog‘i ostiga 10000 so‘m tashlaymiz. Uni olib, hursandchilik uchun ichadi. Biz uni qo‘lga tushurib, stipendiyasidan mahrum qilamiza.
Dekan:
— Yo‘q, yaxshisi 50000 so‘m tashlasak, butun gruppa ichadi. Hammasini stipendiyasini bekor qilamiza.
Kafedra mudiri dekan qulog‘iga:
— Yaxshisi, rektorni daraxtdan itarib yuborsak, yarim soatdan so‘ng butun institut hursandchiligidan ichadi.

Xotin eriga javray boshlabdi:
— Sizga nechi martta aytaman, ichimlik olayotganingizda qarang, sharbatlarga 100 foiz deb yoziladi.
Gazli ichimliklarga 50 yoki 80 foiz deb yoziladi. Nektarlarga 40 foiz deb!
Eri xursand bo‘lib:
— Ana aytdim-ku xotin, aroq - bu nektar deb, - dermish.

Ko‘chada ketayotgan bir qari choldan jurnalist qiz intervyu olyapti:
— Kechirasiz, shu yoshga kirishingizga asosiy sabab nima deb o‘ylaysiz?
— Bilmadim. Kuniga uch quti sigaret chekaman, pulim yetguncha aroq ichaman.
— Qoilman otaxon! Shu yoshga kirib, haliyam aroq ichasizmi?
— Ey, qanaqa otaxon?! Endi 32 ga kirdimku.

Boshi qotgan bir erkak do‘stiga:
— Bugun xotinimni tug‘ilgan kuni. Nima sovg‘a qilsam ekan? - debdi.
Do‘sti:
— Uyga mast holatda bormasang bo‘ldi. Sovg‘a - shu!
Erkak o‘ylanib turib:
— To‘g‘ri, xotinimni yubileyi har holda...!

Ikkita aroqxo‘r suhbatlashmoqda:
— Eshitganmisan? Shokolad kayfiyatni ko‘tarar emish?!
— Menimcha bu gapni eshitgan odam aroq ichib ko‘rmagan bo‘lsa kerak...

Oddiy askar rota komandiriga shikoyat qilibdi:
— O‘rtoq komandir, meni boshqa qismga o‘tkazinshingizni surayman.
— Nima uchun? Biror sabab bormi?
— Bu qismda askarlar har kuni to‘y-to‘y o‘ynashadi. Meni qo‘limga etikni berib, to‘yni videoga oldirishadi.
— Yaxshimasmi? Har kuni to‘y ko‘rasan...
— Yaxshilikka yaxshi, lekin ertasiga to‘yni diskini so‘rashadi-da...

Bir mast kishi Chorsuda taksiga o‘tirib haydovchiga:
— Meni Chorsuga olib borib qo‘ying, - debdi.
Shunda taksist:
— Siz allaqachon Chorsudasiz desa, haligi mast chontagidan pulini chiqarib, yo‘l haqqini ikki hissa to‘lab haydovchiga:
— Ikkinchi bunaqa tez haydamang, - degan ekan.

Ikki futbol muhlisi restoranga kirib, ichishib, mast bo‘lib qolibdi-da, tortishib ketishibdi. Birinchisi o‘rnidan turib debdi:
— Messi dunyodagi eng kuchli futbolchi. Eng tezkor texnikali. Bir o‘zi hammani aldab o‘tadi.
Ikkinchisi o‘ylanib o‘tirib:
— Ronaldoga o‘xshaydi deb qo‘yaqol, - dermish.

Er-xotin aylangani chiqishsa, yo‘lda tilanchi o‘tirganmish. Er tilanchiga sadaqa berib, undan so‘rabdi:
— Chekasizmi?
— Yo‘q.
— Ichasizmi?
— Yo‘q ichmayman.
— Jazmaningiz-chi bormi?
— Yo‘q, - desa, haligi er xotiniga qarab:
— Ko‘rdingmi, ichmagan, chekmagan, yurmagan erkakni ahvoli nima bo‘ladi?! - dermish.

Piyonistalar haqida latifalar

Latifa.uz loyihasi haqida

Boshqa loyihalar