Piyonistalar rukniga oid latifalar | 10 dona — 3

Agar chap tarafingiz bilan tursangiz, bilingki bugun sizning kuningiz emas. Ertaga yaxshi bo‘ladi.
Agar o‘ng tarafingiz bilan tursangiz, bugun oshig‘iz olchi, kun sizniki.
Agar umuman oyoqqa turolmayotgan bo‘lsangiz, kecha yaxshi bo‘lgan ekan!

Do‘konga chiqib kelishini so‘ragan xotin erining qo‘liga xarid ro‘yxatini tutqazibdi:
1. Non
2. Tuxum
3. Quruq choy
4. Sovun
5. Pivo
Er do‘kondan qaytgach, xotin xarid qilingan narsalarni xaltadan ola boshlabdi: Bitta non, ikkita tuxum, uch quti quruq choy, to‘rtta sovun va besh shisha pivo.
Jahli chiqqan xotin eriga hech qanday e’tiroz bildirolmabdi-yu, lekin keyingi safar pivoni ro‘yxatning boshiga yozishni yodidan chiqarmabdi.

Mast holda uyga kelgan erini ko‘rib, xotinini jahli chiqibdi:
— Yana ichib keldingizmi? Ichgan joyingizga boring!
Er o‘zida yo‘q xursand, telefonini olib kimgadir qo‘ng‘iroq qilib debdi:
— Og‘ayni shoshmay turinglar! Men ham boraman! Ruxsat oldim!

Yarim kechasi kiyimsiz, yalong‘och odam barga kirib, aroq so‘rasa, sotuvchi unga qarab turganmish.
Shunda boyagi odam:
— Nima?, Yalong‘och odam ko‘rmaganmisan?, - desa, barmen:
— Yo‘q, shunchaki, pulni qayerdan olib berishingizni o‘ylayapman, - dermish.

Bir kuni eri uyiga ichib kelibdi. Xotinini yonida yotib:
— Xotin, bor suv olib kel, - deyaveribdi. Xotini eriga:
— Xozir tinch uxlamasangiz oqlov bilan uraman, - debdi.
Eri:
— Oqlovga borganda suv ham olib kel! - degan ekan.

Oq va qora tanli amerikaliklar Rossiyaga kelib qurilishda ishlar ekan.
Bir kuni ikkalasi ish joyida "ruschasiga" aroqni rossa ichib, qora tanlisi oyoqda turolmay qolibdi.
Oq tanli amerikalik sherigini orqasiga ko‘tarib olib ketayotsa, birdaniga qurilish qorovuli baqirib qolibdi:
— Hoy, to‘xta! Saqichni tashla joyiga!!!

— Agar yana ichadigan bo‘lsangiz jigaringiz bilan xayrlashavering.
— Alvido jigarim, alvido !!!

Bir yigit pivoxonaga kirib bir bokal pivo ichib:
— Qancha berishim kerak? - desa, barmen:
— Uch yuz, - debdi.
Haligi yigit cho‘ntagidan bir hovuch tanga chiqarib, uch yuzini sanab, rastani ustiga sochib tashlab, chiqib ketibdi.
Barmen hayron qolaveribdi. Ertasiga o‘sha yigit yana kelib bir bokal pivo ichib, debdi:
— Pivo haliyam uch yuzmi?
— Ha, uch yuz!
Yigit cho‘ntagiga qarab:
— Mayda yo‘q ekan. Mana besh yuz! Ikki yuz qaytimini ber! - deb bitta besh yuztalik beribdi. Barmen ham kechagi qasdini olmoqchi bo‘lib, ikki yuz tiyinni polga sochib:
— Ana qaytimi, terib ol! - debdi.
Yigit bir barmenga, bir polda sochilib yotgan tiyinlarga qarab, cho‘ntagidan yuz so‘mlik tiyin chiqarib, rastani ustiga sochib tashlabdi-da:
— Menga yana bir bokal pivo, - dermish.

5 yoshli bolacha dadasiga debdi:
— Dada pul nima?
Dadasi:
— Pul bu konyak,chiroyli ayollar, mashina, xullas o‘g‘lim maishat, - debdi.
Shunda o‘g‘li:
— Dada agar pulingiz bo‘lmasa-chi? - desa, dadasi o‘g‘liga:
— Eh o‘g‘lim... Agar puling bo‘lmasa oddiy ko‘k choy, avtobus va onang-da, - dermish.

Tun qorong‘usida bir erkak uyiga mast, ust-boshi kir, g‘ijim holda kirib kelib, uxlab qolibdi. Ertalab uyqudan tursa, xotini uyda yelib-yugurib yuribdi. Erini kiyimlarini tozalagan, dazmollagan. Oshxonaga kirsa stol ustida turli xil noz-ne’matlar bilan to‘ldirilgan nonushta, ... Xotini u yoqqa o‘tsa ham eriga jilmayarkan, bu yoqqa o‘tsa ham jilmayarkan. Er bu holatni ko‘rib hangu-mang bo‘lib, o‘g‘lidan so‘rabdi:
— Nima bo‘ldi onangga, nega bunaqa? - desa, o‘g‘li:
— Kechasi kelganingizda onam jahl bilan sizni uyga sudrab kirib, kiyimlaringizni yechayotgan edilar, siz onamga qarab:
— Menga yaqinlashma, meni xotinim bor deyishiz bilan, onam o‘zgarib qoldilar, - dermish.

Piyonistalar haqida latifalar

Latifa.uz loyihasi haqida

Boshqa loyihalar