Piyonistalar rukniga oid latifalar | 10 dona — 1

Ko‘p ichib qotib qolgan odam ertasiga uchta narsaga qarashga qo‘rqadi:
1. Hamyoniga.
2. Ko‘zguga.
3. Kiruvchi va chiquvchi qo‘ng‘iroqlarga.

Erkak kishi uch holatda ichadi:
1. Siqilganidan.
2. Xursandchilikdan.
3. Hammasi joyida bo‘lganda esa - zerikkanidan...

Erkak do‘stiga dermish:
— Xotinimga nima deb va’da berganim aniq esimda yo‘q!
— Nima deb va’da berganding?
— Bir ryumka aroq ichib, soat sakkizda uyda bo‘laman deganmidim yoki sakkiz ryumka aroq ichib, soat birda uyga kelaman deganmidim???

Bir musiqachining har kuni ishdan so‘ng klubga borib, yana musiqa tinglash odati bor ekan.
Bundan hayron bo‘lgan do‘sti undan so‘rabdi:
— Nega kuni bilan musiqa tinglaysan-da, yana kechqurun klubda musiqa tinglashga borasan? Bu senga nima uchun kerak?
U esa javob beribdi:
— Axir menga kuni bilan pivo ichishga berishmaydi-ku!?

Erining har kuni ichishini ko‘rgan ayoli “Men ham ichaman” deya harhasha qilibdi.
Er-xotin ziyofatdan ichib qaytishibdi. Uyining eshigi oldiga kelib, eri cho‘ntagidan kalitni topolmay tursa, xotini unga qarab:
— Odam bo‘lmay keting! Shunchalik ham ichasizmi?! Eshik qani? Nima qildiz o‘zi eshikni? –dermish.

Mast holda uyga kelgan eri yerga yotib uxlab qolibdi.
Hech nima qila olmagan xotini uni boshiga yostiq qo‘yib, ustiga ko‘rpa yopib qo‘ysa, yarim kechasi eri baqirayotganmish “Xotin chiroqni yoq! Negadir kravatni oxiri ko‘rinmayapti, tusha olmayapman!”

Ichib olib mast bo‘lib qolgan kishi temir panjarani ushlab zo‘rg‘a sudralib yurib ketayotsa, oyog‘i ostidan daydi it o‘tib qolibdi. Mast odam itga:
— Hoy daydi iflos it. Ahvolingni qara! Hamma yog‘ing rasvo, to‘rt oyoqlab loyga botib ketyapsan...! – desa it debdi:
— Hozir mana shu panjara tugasin, keyin o‘zingni ahvolingni ko‘raman!

O‘g‘il kechki payt mast kelib, uyga kirsa, stolni ustida qovun turgan ekan. "Bir oz yeb yotay, bo‘lmasam uydagilar ichib kech kelganimni bilib qolishadi", - deb qovunni yeb uxlabdi.
Ertalab oyisi:
— Ey, uyati yo‘q, tur! Kechqurun uyga ichib kebsan-a?
— Yo‘q, oyi.. Men ichganim yo‘q, nimalar deyapsiz?
— Ichganim yo‘q? Tunda oshqovoqni yarmini yeb qo‘yibsanku, - dermish.

Qish kunlarining birida erkak mast bo‘lib kelib, uyini darvozasini taqillatibdi. Ayoli eshikni ochmasdan:
— Kim-u? Dadasi sizmisiz, - desa hech kim indamabdi.
Ayol qaytib uyga kirib ketibdi. Tong otgach ko‘chaga chiqib qarasa, eri darvoza tagida tirishib uxlab yotganmish.
Shunda xotini erini turtib uyg‘otib:
— Voy dadasi, qachon keldingiz, - desa, eri:
— Kechasi, - debdi.
Ayol:
— Nega "dadasi sizmisiz?" desam indamadingiz:
Er:
— Kallamni qimirlatdim-ku!? - dermish...

Bir mast odam eski chiroq topib olibdi. Ishqalasa, ichidan jin chiqib:
— Tila tilagingni! Uchta tilagingni bajaraman, - debdi.
Mast odam unga:
—Kel yuzta-yuzta olaylik!
— O‘ylab ko‘r. Bu birinchi tilaging hisobidan ketadi.
— Mayli. Qani oldik.
— Endi ikkinchi tilagingni ayt!
— Yana yuz-yuz quy!
— Hoy inson, yaxshiroq narsa so‘rasang-chi?
— Ey, quy degandan keyin, quyda! Qani oldik.
— Balki uchinchi tilagingga biror nima so‘rarsan!
— Yana yuzta-yuzta olaylik!
— Sen aqldan ozibsan! Bu oxirgi tilaging.
— Mayli, roziman, - deb ichib yuborishibdi.
Jin chiroqqa qaytib kirib ketibdi-yu, besh daqiqadan keyin qaytib chiqib kelib:
— Mayli, to‘rtinchi tilagingni ham tila! Men roziman!, - dermish.

Piyonistalar haqida latifalar

Latifa.uz loyihasi haqida

Boshqa loyihalar