Doʻstlar rukniga oid latifalar | 10 dona — 12

Bir yigit do‘stidan:
— Nega kechasi uxlamaysan? Biror muammoing bormi?
— Ha, muammoim bor! Tungi smenam!

Talaba bo‘lgan ikki do‘st uchrashib qolibdi.
— Sen qaysi institutga kirding?
— Tibbiyotga. Sen-chi?
— Veterinar bo‘lishga o‘qiyapman. Juda yaxshi bo‘pti. Institutni tamomlagach, bir-birimizni davolay olarkanmiz.

Yaqin do‘stlar choyxonada o‘tirishsa, bitta yigitni kayfi oshib qolibdi. O‘rtoqlari ustidan kulmoqchi bo‘lib, unga savol bera boshlashibdi:
— Eshikni qulfladingmi?
— Ha, - debdi yigit.
— Kalitni ikki martta aylantirdingmi?
— Ha, ikki martta, - deb yana javob beribdi.
— Kalitni oldingmi?
— Mana, cho‘ntagimga soldim...
— Bo‘ldi, unga boshqa quymanglar! Supada o‘tiribmiz-ku! Eshikni qulflaganmush...!!! – deb kulib yuborishibdi.

Ikkita og‘ayni gaplashmoqda:
— Mana ko‘rasan, 5 yildan keyin biz amerikaliklardek yashaymiz! Hayotimiz ularnikidan ham yaxshi bo‘ladi...!
Og‘aynisi hayron bo‘lib:
— Ular-chi? Ular 5 yildan keyin nima qilishadi unda?

— Do‘stim, menga 50 ming bersang... Ertalabdan beri tuz totganim yo‘q.
— Umuman olganda men ham ochman...?
— Unda 100 ming ber, seni ovqatlanishga taklif qilaman.

Sinfdosh do‘stlardan biriga dedi:
— Eshmat bilasanmi, sinfdoshimiz bor-ku Toshmat.
— Xo‘sh?!
— Juda puldan qiynalib qolgan ko‘rinadi.
— Yo‘g‘-e, nega? Qayerdan olding bu gapni?
— Kecha birrov ko‘rib o‘tay deb uyiga kiruvdim. Ishonasanmi, ikki qizi yonma-yon o‘tirvolib bitta pianinoni chalyapti!

Yigit do‘stiga dedi:
— Keyingi paytlarda kunduz kunlari dahshatli darajada bo‘shashadigan bo‘ldim. Nuqul uyqum kelaveradi. Tunda esa buni teskarisi. Rosmanasiga to‘laqonli, haqiqiy erkakning umrini kechirayotganday bo‘laman.
— Tunda nima ish qilasan o‘zi?
— Uxlayman.

Yigit do‘stidan so‘rabdi:
— Seni katta opang stomatolog bo‘lib ishlaydimi?
— Ha, u stomatolog.
— Nega u bu kasbni tanlagan?
— Chunki opamga erkaklar og‘zini, ko‘zlarini katta ochib unga qarab turishlari juda yoqadi!

Ikki o‘rtoq do‘stini uyiga mehmonga borishibdi. Uy eshigini yoniga yetib kelgach, yigitlardan biri eshikni oyog‘i bilan tepib taqqillatibdi.
Yonidagi do‘sti hayron bo‘lib:
— Nega eshikni oyog‘ing bilan taqqillatyapsan? - deb so‘rasa, do‘sti:
— Mezbon bizni qo‘limiz band ekan deb o‘ylasin. Aks holda u bizni quruq qo‘l bilan uyiga kirgazmaydi, - degan ekan.

Biri maqtanchoq boshqasi esa kamtar bo‘lgan ikki do‘st suhbati. Maqtanchoq kerilib gap boshladi:
— Vanihoyat iPhone 8 oldim. Telefonmisan telefon ekan!
Funksiyalari dahshat!
— Tabriklayman do‘stim!
— Ishonasanmi, ko‘chada, ishxonada, transportda hamma menga qaraydi... Seni esa yurishingni qara!? Xitoyliklarni matohini tutib...! Gadoymisan nima balo?!
— Nasib qilgani shu ekanda...
— Mayli siqilma, zo‘r bo‘ladi hali. Ha, aytgancha, do‘stim, maoshgacha ozgina qarz berib turolmaysanmi???

Doʻstlar haqida latifalar

Latifa.uz loyihasi haqida

Boshqa loyihalar