Doʻkon-bozor rukniga oid latifalar | 10 dona — 13

Bitta odam 4 raqamini ayta olmas ekan.
Non do‘koniga kirib "Menga 6 ta non bering. 2 tasi kerakmas" der ekan.

Karantin payti bir ayol eri bilan bozorlik qilib, uyga qaytibdi. Piyoda horib-charchab kelib, uyda niqoblarni yechishsa yonida begona erkakmush. U ham hayron emush. Bozorda qaysi payt almashib qolishgan - eslasholmabdi.
Shu uchun ko‘cha-ko‘yda hushyorroq bo‘lib yuraylik.

Xotin eriga:
— Bo‘ldi, men ketyapman.
Er:
— O‘zi anchadan beri qovoq-tumshuq qilib yurganingni sezgandim. Qayoqqa ketasan? Onangni uyiga borasanmi yana?
Xotin:
— Adasi, nimalar deyapsiz? Do‘konga ketyapman...
Er:
— Ha, shunaqami!? Qaytishingda menga ham biror narsa olib kelarsan...!

Bozorda ishbilarmon odam tarvuz sotayotgan ekan.
Uni ishbilarmonligini qarang! 1 ta tarvuz 3 ming, 3 ta tarvuz 10 ming deb yozib qo‘yibdi.
Bir xaridor yoniga kelib:
— Sen xaridorni chalg‘itmoqchi bo‘ldingmi?! Hozir men 1 tadan 3 ta tarvuz sotib olaman 9 ming so‘m bo‘ladimi? - debdi.
Sotuvchi:
— Ha, shunaqa bo‘ladi, - deb 3 ta tarvuzni sotib yuboribdi.
Xaridor ketayotib:
— Savdo qilishni bilmas ekansan! - deb kulib ketibdi.
Sotuvchi bo‘lsa:
— Menga aql o‘rgatishini qara! 1 ta tarvuzni o‘rniga 3 tadan sotib yuboryapman-ku! - debdi.

Bir kishi 5 sonini esidan chiqarib qo‘yibdi.
Do‘konga kirib:
— Menga 6 ta non bering. Bittasi kerakmas! - debdi.

Qo‘qonda ishlab chiqarilayotgan ayollar kiyimini bir odam juda katta miqdorda sotib olarkan.
Bir tikuvchi qiziqib undan so‘rabdi:
— Xotiningiz kiyadimi hammasini yoki opa-singillaringizga ham sovg‘a qilasizmi?
— Yo‘g‘-ye! Xotinimni telegramda "Turetskiy" kiyimlar sotadigan gruppasi bor.

Mo‘ynali palto do‘koniga er-xotin xaridorlar kirishsa, yoniga sotuvchi qiz yugurib kelibdi:
— Biror nima qidiryapsizmi? - debdi xushfe’llik bilan.
Xaridor er:
— Kuya kapalagiga yemish qidiryapmiz, - degan ekan.

Do‘konga bir yigit kirib 5 kg go‘sht, 5 kg guruch, yog‘, kolbasa, qizil ikra va yana bir talay tansiq masalliqlarni sotib olsa, do‘konchi bola "Endi meni ham olib ketinglar" debdi.

Bozorda bir ona bolasini go‘sht sotadigan amakini yoniga yuborib debdi:
— Borib ayt, mana bu pulga 2 ta oyoq berar ekansiz degin.
Bolakay birozdan keyin molni oyoqlarini ko‘tarib kelib onasiga:
— Oyi, shuncha kutdim, amaki o‘zini tuyog‘ini yechmadi. , - degan ekan.

Bir qiz do‘konga kirib debdi:
— Banan bormi? Yaxshi pishganidan 1 ta bering.
Sotuvchi:
— Nima qilasiz? Yana har doimgidekmi?
Qiz:
— Yo‘q, bu safar yegani olyapman.
Sotuvchi:
— Banandan yuzga niqob tayyorlash jonga tegdimi?

Doʻkon-bozor haqida latifalar

Latifa.uz loyihasi haqida

Boshqa loyihalar