Ayollar rukniga oid latifalar | 10 dona — 79

Ikkita ovsin gaplashib o‘tirishsa biri debdi:
— Hoy ovsinjon, oldingizdan ikkita qop chiqdi. Birida to‘la oltin, ikkinchisida esa aql. Siz qaysi birini olardingiz? – desa, ovsini ham o‘zini ko‘rsatmoqchi bo‘lib:
— Men aql solingan qopni olardim, - desa, ovsini:
— Ha, kimga nima yetmasa shuni oladi-da...- dermish.

O‘qituvchi ona tili fanidan "Olmoshlar" mavzusini o‘tibdi.
"Biz" olmoshini tushuntirib berib debdi:
— Uyda yaxshilab takrorlanglar, - debdi.
O‘quvchilardan biri "Biz" olmoshini yaxshilab tushunib olish maqsadida, eshikdan kira solib oshxona tomonga qarab:
— Oyi bizni qornimiz ochib ketdi, ovqat yeymiz, - desa, oyisi sekin oshxonadan boshini chiqarib:
— Hoy o‘rtoqlaring ketsin. Keyin ovqat yeysan. O‘zi ovqat bir kishilik, - dermish.

Bankomat oldida:⠀
— Qizim hozir plastikdan pul yechamiz va senga shokolad olib beraman, - debdi onasi.
— Oyijon, buni ichida dadam bormilar? – dermish qizi.

Ayollarning muammosi – erkaklar. Lekin erkaklarni o‘zlari dunyoga keltiradi.
Demak, ayollar o‘zlarining muammolarini o‘zlari yaratar ekanlar.

Dorixonaga bir ayol kirib debdi:
— Hurrakni to‘xtatishim kerak, shunga dori bormi?
— Hurrakni o‘zi kim otadi?
— Erim.
— Mana sizga 1 o‘ram paxta!
— Paxtani boshimga uramanmi?
— Har kuni qulog‘ingizga tiqib yotsangiz, hurrakni eshitmaysiz.

Ishdan g‘amgin qaytgan eridan xotini so‘rabdi:
— Nima bo‘ldi?
— Bilasanmi, bugun qanaqa kun? – debdi eri.
— Yo‘q, - hayron bo‘lib javob beribdi xotin.
— Bundan 20 yil avval, maktabda o‘qib yurgan paytlarimiz... Ikkalamiz otangni qimmatbaho mashinasini haydab ketib, urib olganmiz. Pachoq bo‘lgan mashinasini ko‘rgan otang “yoki mashinamni pulini har oyda falon so‘mdan to‘lab borasan yoki shu qizimga uylanasan” degandilar... – debdi eri.
Xotini yana tushunmay:
— Ho‘sh, nima bo‘pti. Nega shu voqeani bugun eslayapsiz? – desa, eri afsus bilan:
— Agar o‘shanda otangni birinchi shartiga rozi bo‘lganimda, bugun mashinani puli to‘lab qutulgan bo‘lardim! – dermish.

Xotin erini do‘konga jo‘natayotib tayinlabdi:
— 1 ta buxanka non olingda, tuxumni so‘rang. Bor bo‘lsa, 10 ta oling!
Eri do‘konga kirib sotuvchiga debdi:
— 1 ta buxanka bering. Tuxum bormi?
— Bor, - debdi sotuvchi.
— Unda 10 ta buxanka berasiz, - dermish eri.

Zargarlik do‘koniga kirgan yigit soatlarga qarab tursa, sotuvchi qiz kelib debdi:
— Hurmatli mijoz, sizni omadingiz bor ekan. Bizda ayollar ziraklariga chegirmalar boshlandi. Sevgan qizingizga arzon narxlarda zirak sotib olishingiz mumkin.
Yigit xafa bo‘lib:
— Sevgan qizim yo‘q meni, - debdi.
Sotuvchi yana:
— Qanaqasiga?! Shunday kelishgan yigitni sevgan qizi bo‘lmasa?! Nega axir? – desa, yigit yana xafa bo‘lib:
— Xotinim ruxsat bermayapti, - dermish.

Juda qalin dugonalar suhbatlashmoqda:
— Bilasanmi, erim meni “Quyoncham” deb chaqira boshladi.
— Axir bu zo‘r-ku!
— Nimasi zo‘r?! Erim ismimni unutib qo‘yganga o‘xshaydi....!

Qizni uyiga sovchilar kelibdi. Qizning onasi yigitni onasidan so‘rayotganmish:
— O‘g‘lingiz oilani boqa oladimi?
— Ha, albatta. Axir bu uni vazifasi...!
Qizni onasi yana so‘rabdi:
— Yaxshilab o‘ylab ko‘ring! Axir biz oilada 8 kishimiz!

Ayollar haqida latifalar

Latifa.uz loyihasi haqida

Boshqa loyihalar