Ayollar rukniga oid latifalar | 10 dona — 11

Qiz onasiga:
— Oyi, sizga muhim gapim bor. Men erga tegayapman.
— Uyatsiz jonimga tegib ketding. Axir 5 marta erga tegib ajrashding, endi ji-i-i-i-m o‘tir tushindingmi?!
— Oyiijooon, xo‘p deya qoling, tegaman-u, tezda qaytaman. Maylimi oyiiii?

Bir kuni Afandi "Bugun osh qilaman" degan hayol bilan go‘sht, sabzilarni to‘g‘rab, qozon osibdi. Qarasa, guruchi qolmagan ekan. O‘ylab-o‘ylab ro‘parada yashovchi beva ayoldan so‘rashga qaror qilibdi. Qo‘lida kosa bilan chiqib, qo‘ng‘iroqni bosib, o‘ylanib qolibdi Afandi:
"Hozir men guruch so‘rasam, bu ayol menga "osh qilyapsizmi" deydi. Men uni mehmonga chaqirishga majbur bo‘laman. Osh bahona men bilan tanishib olib, keyin undan qutulolmay yursam-chi?!" deb hayol surib turgan ekan, eshik ochilib qo‘shni ayol chiqib qolibdi. Afandi bo‘lsa ayolga qarab:
— E, guruching boshshingda qolsin, - dermush.

Tug‘ruqxonadagi ayolni yoniga farishta kelib:
— Farzandingni dunyoga keltirayotganingda senda bo‘ladigan og‘riqlarning yarmini bolaning otasiga o‘tkazib qo‘yaman, - debdi.
— Tunda ayol farzandini dunyoga keltirib bo‘lgach, tongda uni ko‘rgani kelgan eriga:
— Adasi, kechasi yaxshi uxladingizmi? - desa, eri:
— Yo‘q, qo‘shnimiz Normat aka kechasi bilan baqiraverib, umuman uyqu bermadi, - dermish.

Er ishdan kelsa 3 yoshlik qizchasi xursand bo‘lib yugurib yoniga kelib:
— Dadajon salom! Menga nima olib keldingiz, - dedi?
Dadasi:
— Qizalog‘im hech nima ololmabman-ku senga?!
Qizcha qovogini solib:
— Bu yoqqa chiqing. Oyi eringiz keldi, - dermish!

18 yoshli qizlarga onasi yigitdan gap ochsa, qizlar: "Chiroylimi?" deb so‘rashadi.
25 yoshga kirgan qizlarga gap ochishsa, "Yaxshi yigitmi?" degan savolni berishadi.
30 yoshga chiqganlarida esa "Yigit" deyishsa, "Qani? Qayerda?" deyisharkan.

Ikki do‘st suhbati:
— Nega xomushsan?
— Xotinimni ilon chaqib olgandi, o‘lib qoldi, bechora. Rahmim kelyapti.
— Sen xotiningni yomon ko‘rarding-ku! Nega achinyapsan?
— E-e-e... o‘lgan xotinim emas, ilon-da!

Bir kishining xotini vaznini o‘lchamoqchi bo‘lib tarozi ustiga chiqibdi-da, semiz qornini ichiga torta boshlabdi. Buni ko‘rgan er:
— Ovora bo‘lma xotin, baribir vazning kamayib qolmaydi, - deb kulibdi.
Xotini esa eriga qarab:
— Hech bo‘lmasa tarozi nechini ko‘rsatayotganiga qarab olay!, - debdi.

Konfutsiyni oldiga bir ayol kelib so‘rabdi:
— Aytingchi, qo‘shxotinlik bilan qo‘sherlikni farqi nimada?
Konfutsiy indamay, ikki choynak choy bilan ikkita piyola opkelib ayolga aytibdi:
— Bitta choynakdan ikkita piyolaga choy quychi.
Ayol uni aytganini qilibdi.
— Qalay yoqyaptimi?
— Ha, - debdi ayol.
— Endi bitta piyolaga ikkita choynakdan choy quychi.
Ayol yana u aytganday qilibdi.
— Xo‘sh qalay yoqyaptimi?
— Judayam, - desa,
— Tur yo‘qol-ye axmoq, tuppa-tuzuk rivoyatni rasvo qilding, - degan ekan.

To‘ydan keyin kelin ma’yus ohangda:
— Har kuni ovqat pishiraman, kir yuvaman, supuraman, tozalayman, dazmollayman, ... O‘zimni ertakdagi Zumraddek his qilyapman, - desa, eri:
— Aytgandim-ku, myenga turmushga chiqsang, ertaklardagidek yashaysan deb, - dermish.

Sudya xotini cho‘kib ketgan erkakni so‘roq qilmoqda:
— Nega xotiningizni cho‘kib ketayotganini bila turib, qutqarishga harakat qilmadingiz?
— Men uni cho‘kayotganini bilmadim. U har doimgidek baqirar edi...

Ayollar haqida latifalar

Latifa.uz loyihasi haqida

Boshqa loyihalar