Ayollar rukniga oid latifalar | 10 dona — 105

Bir er xotiniga 8 mart bayramiga uchta bir xil ichki kiyimlardan sovg‘a qilsa, xotini sovg‘alarni olib:
— Adasi, bu nima qilganingiz? Nega bularni hammasi bir xil? Ko‘rganlar umuman almashtirmas ekan demaydimi?! - degan ekan.

2050 yilda Rossiyada o‘zbek bolasi onasidan so‘rabdi:
— Onajon, bu yerda xaqiqatdan ham ruslar yashaganmi? - desa, onasi:
— Eh bolam... Bunga uzoq yillar bo‘lgan... - debdi.

Bugun ertalab xotinim:
— Dadasi, bugun oyim mehmonga kelar ekanlar, - dedi.
Men o‘zimni iloji boricha xotirjam tutib:
— Onajonimiz necha yoshda edilar? - desam, xotinim:
— 58 yoshdalar, - dedi.
Men yanada bosiqlik bilan:
— Eshitmayapsanmi xabarlarni? Koronavirus 50 yoshdan oshganlarda ko‘p uchraydi.
Mehmondorchiliklar ham vaqtincha to‘xtatilib turilishini-chi, eshitdingmi o‘zi!?
Onangga ayt, men ular haqida qayg‘uryapman, - dedim-da ancha yengil tortdim.
Bu so‘zni 16 yildan buyon shunaqayam aytgim kelardiki...

Tiqilinch avtobusda bir kishi o‘kirib yo‘talsa, yonida turgan ayol jahl bilan:
— Ishqilib karonavirusmasmisiz?! Niqob ham taqib olmabsiz! - desa, haligi odam:
— Yo‘q. Menda tuberkulyozning ochiq shakli, - debdi.
— Ha, unday bo‘lsa mayli-ku ... - degan ekan haligi ayol.

Er-xotin aeroportda yuklarini topshirmoqda. Er xotinini yuklarini ko‘rib:
— Xotin, uydagi kiyim shkafingni ham olib ketyapsanmi? - debdi.
Xotini:
— Yo‘q. Nima edi? - desa, eri:
— Usha shkafda aviachiptalar qolib ketibdi-da, - dermish.

Ayol kishi boshqarib ketayotgan mashinani YPH xodimi to‘xtatib:
— Hurmatli haydovchi, uzoqdan qarab turibman aniq 80! – desa, ayol:
— Yo‘q! Nimalar deyapsiz?! 80 da emasman. Shunchaki, ko‘ylagim qari ko‘rsatyapti, - dermish.

Qimmatbaho mo‘ynali palto sotib olgan ayol sotuvchidan so‘rayapti:
— Bir narsa iltimos qilsam maylimi? Paltoni uyimga eltib berishganda, menikiga kirishdan oldin “adashib” qo‘shnimning eshigini taqillatishlarini xohlardim...

Bir qizni uyiga yigitidan sovchilar keladigan bo‘lib qolibdi. Lekin qiz onasiga bu haqda nima deb aytishni bilmay debdi:
— Oyijon, yaqinda uyimizda to‘y bo‘ladi.
Onasi bo‘lsa:
— Voy qizim, otang olamdan o‘tganidan keyin ancha yolg‘izlanib qoldim..., - degan ekan.

Bolakay uyga xomush kelib onasiga debdi:
— Oyijon, bugun adam bilan ketayotsam, avtobusga bir ayol chiqdi. Men o‘rnimdan turib u ayolga joy berdim. Ayol bo‘lsa o‘tirmadi.
Onasi so‘rabdi:
— Keyin sen nima qilding?
Bolakay:
— Nima qilardim!? Yana adamning tizzasiga qaytib o‘tirdim.

Bir erkak bozorga borib tarvuz sotib olmoqchi bo‘libdi.
Bitta tarvuzni chertib ko‘ribdi, ikkinchisini chertib ko‘ribdi, uchinchisini...
Bir payt xotini shang‘illab:
— Dadasi, bo‘ldi-da endi, uyg‘oning! Boyadan beri boshimga chertaverib xunob qildingiz-ku! - degan ekan.

Ayollar haqida latifalar

Latifa.uz loyihasi haqida

Boshqa loyihalar