Eng dodalari rukniga oid latifalar | 10 dona — 493

Kechagina uylangan yigitning xursandchiligi ichiga sig‘may, tog‘larga chiqib baqira boshlabdi:
— Men baxtliman!
— Men baxtliman!, - degan sado qaytibdi.
— Men uylandim, - deb baqiribdi yana yigit.
Tog‘lardan esa:
— Battar bo‘l!, - degan sado qaytgan ekan.

Afandi bozorga eshagini olib borib, dallolga berdi. Bir xaridor uning tishini ko‘rmoqchi bo‘lgan edi, eshak xaridorning qo‘lini tishlab olibdi. Xaridor qo‘lini ushlaganicha ketvaribdi. Oradan bir oz vaqt o‘tgach, ikkinchi xaridor kelib, u ham eshakni silab ko‘rmoqchi bo‘lgan edi, eshak uni tepib yubordi. Bu xaridor ham oqsoqlanib ketib qolibdi. Dallol Afandining oldiga kelib g‘azab bilan:
— Eshagingizning fe’li yomon ekan. Oldidan kelganni tishlaydi, orqasidan kelganni tepadi. Bu eshakni birov tekinga ham olmaydi, - desa,
— Eshakni men bu yerga sotgani olib kelganim yo‘q, - dedi afandi, — uning menga ko‘rsatgan azobini boshqalar ham tatib ko‘rsin, - deb olib kelgan edim.

Ota-onalar farzandlarini birinchi sinfga tayyorlashmoqda. Harajatlari esa go‘yoki turmushga berayotganga o‘xshaydi-ya!

— Har qanday qiyinchilik ertami, kechmi tugaydi. Ishonavering.
— Buni qarang-a, toza optimist ekansizmi..
— Yo‘g‘-ye, men qabristonda qorovul bo‘lib ishlayman

Donishmandga savol berishibdi:
— Nega, ko‘pincha ayollarning boshi og‘riydi?
Donishmand javob beribdi:
— Kuchsiz erkaklarning ayollarini boshi og‘riydi, kuchli erkaklarning ayolini boshi aylanadi!

O‘rmonda e’lon qilinibdi: "Kimda kim filni qimirlatsa, unga yuz ming so‘m yutuq bor", deyilibdi.
Shunda quyon kelibdi-da, filni orqa tarafidan kelib, ikki oyog‘ining o‘rtasiga bir tepibdi.
Keyin yana e’lon berilibdi: "Kimda kim filni kallasini qimirlatsa, yuz ming so‘m yutuq bor".
Shunda quyon kelibdi-da, filning qulog‘iga:
— Kechagiday yana tepaymi? - debdi
Shunda fil:
— Yo‘q, - deb kallasini qimirlatibdi.

Men sevgan qizimni kaptivamga mindirmayman, buni 2 sababi bor:
— Birinchidan sevgan qizim yo‘q. Ikkinchidan kaptivam ham yo‘q.

Afandi eshagini haydab, bog‘iga ketar edi. Yo‘lda hazilkashlaridan biri hamroh bo‘lib so‘radi:
— Ikkalangiz shoshilib qayerga ketayapsiz?
— Mana, hozir ikkalangiz barobarlashdingiz, - dedi Afandi u bilan eshak orqasidagi masofani ko‘rsatib, - bir oz turib do‘stlashib ketasiz, o‘zidan so‘rang, qayerga borishini aytib beradi.

Mast odam qo‘shnini uyini taqillatayapdi:
— Xotin och eshikni, eshik ochilmagach yana taqillatib, — Och eshikni, ichsam pulimga ichamanda - desa
Sekin eshik ochilib qo‘shni chiqibdida,
— Borsang o‘zingni uyinga borda - debdi.

Ikki dugona suhbatlashmoqda:
— Bilasanmi, dugonajon, doktor kecha menga xushxabar aytdi — men homilador ekanman!
— Tabriklayman! Sen endi bo‘lajak farzandingga ism topish bilan ovorasanmi?
— Yo‘q, hozircha... Otasining ismi ustida bosh qotiryapman!

Eng dodalari

Latifa.uz loyihasi haqida

Boshqa loyihalar