Eng dodalari rukniga oid latifalar | 10 dona — 343

Ota o‘g‘lini urishyapti:
— Endi bildingmi, nega senga shapaloq tushirganimni?!
Bola:
— Doim shunaqa qilasiz. Avval urib, keyin sababini mendan so‘rab yurasiz?

— Sizlarni inoqligingizga havas qilaman. Turmush qurganingizga 20 yil bo‘ldi. Haligacha er-xotin sayrga chiqganda bir-biringizni qo‘lingizni ushlab yurasiz...
Er:
— Agar men xotinimni qo‘lini bir daqiqaga qo‘yib yuborsam, u albatta do‘konga kirib, o‘ziga birorta yangi kiyim sotib oladi!

Ish vaqtida ijtimoiy saytlarda, telegramda o‘tirishning katta foydasi bor.
Yon tomondan ko‘rish, eshitish, reaksiya, tezkorlik, chaqqonlikni rivojlantiradi.

Boshliq xonasida turgan qog‘oz maydalagichga hujjatni qo‘yibdi-da, kotibasidan so‘rabdi:
— Qaysi tugmasini bosish kerak?
— Qizil tugmani bosing, - debdi kotiba.
Qog‘oz maydalanibdi. Shunda boshliq kotibaga qarab:
— Shu hujjatdan yana bitta nusxa chiqarish kerak, - dermish.

Jamoat transportida yurishdan avval hammomga kirishni o‘ylab ko‘rganmisiz?
Afsus...

Sotuvchi xaridordan so‘radi:
— Kecha o‘g‘lingiz qimmatbaho mollardan olgan edi, siz namuncha arzonini tanlaysiz?
— O‘g‘limning otasi bor, men esa g‘irt yetimman, - dedi xaridor.

Bolalar yozgi oromgohi. Guruh yetakchisi:
— Hammangiz qo‘l telefonlaringizni menga topshiring!!! - debdi.
Ertasi kuni tongda ko‘zi qizargan, kayfiyati yomon guruh yetakchisi chiqib kelib:
— Ablahlar! Hammangiz telefoningizni budilnigini yoqib beribsizlar-ku, tuni bilan navbatma-navbat jiringlab, umuman uxlatmadi. Soat 1:00, soat 2:00, 3:00, 4:00, ..., - dermish.

Chilonzor buyum bozoridan o‘g‘liga ko‘ylak xarid qilmoqchi bo‘lgan ayolga sotuvchi debdi:
— Juda-yam sifatli matodan tikilgan! Turkiyadan olib kelingan. Katta yigit bo‘lguncha kiyadi, ...
Ayol ko‘ylakni xarid qilib, yonida turgan kichkina o‘g‘ilchasiga kiydiradi-yu, ko‘chaga chiqgan zahoti yomg‘ir yog‘ib, bolakayni ustidagi ko‘ylak shalabbo bo‘ladi. Qarasa, yangi ko‘ylakni yengi qisqarib, o‘zi torayib, rangi oqarib ketadi. Ayol shu zahoti jahl bilan do‘konga qaytib borsa, ro‘parasidan chiqgan sotuvchi:
— Voy-vu, kap-katta yigit bo‘lib ketibsan-ku...- dermish.

Poyezdda yevrey va xoxol ketayotgan ekan. Xoxol sala yeb o‘tiribdi, yevrey esa selyodka. Bir payt yevrey xoxolga debdi:
— Salada hech narsa yo‘q, baliqda esa fosfor bor! Miyangga foydali! Mana ol, selyodkadan yeb ko‘rgin!
Selyodkani yeya boshlagan xoxol:
— Lekin, selyodka arzimagan pul turadi, sala esa falon pul!!! - desa, yevrey:
— Ana ko‘rdingmi? Bir tishlam selyodka yemasingdan, miyang ishlay boshladi!!!

Xotin eriga dedi:
— Azizim so‘z bering! Menga xiyonat qilgan bo‘lsangiz ham, hech qachon bu haqda menga aytmaysiz!
— Xo‘p xotinjon, aytmayman!
Xotin jig‘ibiyron bo‘lib:
— Xiyonat qildingizmi hali???

Eng dodalari

Latifa.uz loyihasi haqida

Boshqa loyihalar