Yoshlar rukniga oid latifalar | 10 dona — 8

Uchrashuvga chiqqan yoshlar suhbatlashmoqda:
— Qayerda ishlaysiz?, - so‘rabdi qiz.
— Yoqilg‘i quyish shahobchasida, - javob beribdi yigit.
— Qo‘lingizdan yana biror nima keladimi?
— Ha. Benzinning hidi keladi.

Norboy aka o‘g‘lidan so‘radi:
— Ha, o‘g‘lim xayol surib qobsan, birortasidan ko‘nling bormi?
— Yo‘g‘e, dada.
— Uyalmay aytaver.
— Ada bittasi nima bo‘ladi.

Kunlarning birida chol baliq ovlab o‘tirib, oltin baliqni ushlab olibdi.
— Tila tilagingni! Hammasini bajo keltiraman. Faqat meni qo‘yib yubor...!
Chol debdi:
— Meni uch tilagim bor. Shular qachon amalga oshsa, seni dengizga qo‘yib yuboraman.
1. Qachonki bu ahmoqlar so‘nggi rusumdagi iPhone va dang‘illama to‘ylar qilish uchun kreditlar olishni bas qilsa!
2. Qachonki ayrim rahbarlar yolg‘on gapirishni bas qilsa!
3. Qachonki kollej o‘quvchilari uyda unutib qoldirgan telefoni uchun yarim yo‘ldan orqaga qaytishni bas qilsa!
Rangi oqarib ketgan baliq cholga qarab:
— Meni tushlikka yemoqchimidingiz? - dermish.

Yosh o‘smir yigit uyga bir qulog‘iga zirak taqqan holda kirib kelibdi.
Otasi buni ko‘rib:
— O‘g‘lim, qadim-qadimdan zirakni yo qaroqchilar, yo hezalaklar taqqan. Hozir derazadan tashqariga qarayman, agar tashqarida kemangni ko‘rmasam, enangni Uchqo‘rg‘ondan ko‘rsataman.

Bir yigit sevgan qiziga SMS yuboribdi:
— Salom jonim. Bugun ko‘rishamizmi?
Qiz:
— Ko‘risholmaymiz. Betobman. O‘zingiz allamahalda qayerlarda yuribsiz?
— Diskotekada. Orqangga qara, turibman.

Bir yigit taksi to‘xtatib turgan ekan. Matiz, Jiguli kelib to‘xtasa, o‘tirmabdi. Oxiri Kobalt to‘xtagan ekan o‘tiribdi-da, haydovchidan so‘rabdi:
— Isming nima?
— Azamat.
— Sendan bir iltimosim bor Azamat. Hozir yaxshi ko‘rgan qizimni yoniga ketyapman. Uni oldiga borganda, "Menga ruxsatmi xo‘jayin?" deysan. Men "Ha" deyman. Keyin benzinga pul so‘raysan, men senga besh ming beraman. Shu bilan oramiz ochiq, - debdi.
— Haydovchi ham rozi bo‘libdi.
Qizni yoniga yetib borishibdi. Yigit qiz bilan ko‘rishib tursa, kelishilganidek haydovchi — Menga ruxsatmi xo‘jayin?, - debdi.
— Ha ruxsat. Bo‘shsan, - debdi yigit.
Shunda haydovchi:
— Xo‘jayin mashinamizdan shovqin chiqyapti. Yuz ming bering, ustaga ko‘rsatib kelay!, - dermish.

— Allo, menga yordam kerak!
— Nima gap?
— Ikkita qiz meni talashib urishmoqda!
— Xo‘sh, nima bo‘pti?!
— Xunugi g‘alaba qilyapti!

Kinoteatrda yigit bilan qiz o‘tirishibdi.
Yigit:
— Sizga yaxshi ko‘rinyaptimi kino?
— Ha.
— O‘tirish qulaymi? Oldizdagi odam xalaqit bermayaptimi?
— Yo‘q.
— Oyog‘izga pastdan shabada urmayaptimi?
— Muncha myehribonsiz-a... Yo‘q hammasi juda yaxshi. Havotir olmang! - desa
— Keling unda almashib olaylik, - dermish...

Bir boy keksayib qolganiga qaramay, Afandining qiziga ishqiboz bo‘lib qoldi:
— Jonginam, sizni sevib qoldim, suvga desangiz — suvga, o‘tga desangiz — o‘tga siz uchun kirishga tayyorman,— dedi u.
— Yerga kiring, desam-chi? — dedi qiz.

Bir yigit avtobusga chiqsa, chiroyli rus qiz o‘tirgan ekan. Yigit qizni yoniga borib:
— Ozgina suriling, - desa, qiz rus ekan tushunmay qarab turibdi. Shunda yigit qizga nima deb gapirishni bilmay:
— Chut-chut idi poshyol... – degan ekan tirjayib.

Yoshlar haqida latifalar

Latifa.uz loyihasi haqida

Boshqa loyihalar